2.I-Korinto 5:17 - Te B'aib'ara

¹⁷ Ma ngaia aei, ngkana e reitaki te aomata ma Kristo, ao e riki b'a te aomata ae boou; a nako aaro nikawai; noria, a roko aika boou.

2.I-Korinto 5:17 ပူးပေါင်းရင်းမြစ်များ

Taian Areru 51:10

Te Atua, karika nanou ae itiaki, ao kabooua Tamneim ae kakaonimaki i nanou.

Itaia 45:17

Ma Ngai ae te UEA, N na bon teimatoa ni kaawakina Iteraera ma ni kararoa man te kamaamaaeaki.

Etekiera 11:19

Ao i mwiina, N na taekiinako taningabonomi ma ni karikingkami b'a kam na rangi ni kan kakaonimaki raoi. Ane kam na tangiria n ongotaeka i Rou

Etekiera 18:31

Kaaki arom aika a buakaka ao moana iangoan iango aika a raoiroi. Ao kakaonimaki nako iu! Ko tangiria b'a ko na tiringaki i bukin am bure!

Etekiera 36:26

N na kanakoi nanomi aika a matoatoa ao N na anganingkami nanomi aika a boou ao n tangira te kakaonimaki. E na ti reke iroumi te iango aika a itiaki,

Mataio 12:33

E riai n iai i roumi te kai ae maiu raoi ngkana kam tangira te uaa ae raoiroi; ngkana e aki maiu raoi te kai, ao ane kam na karekea uaana ae buakaka; b'a e kinaki aron te kai n uaana.

Mataio 24:35

A na mauna karawa ma aonnaba, ma a na aki kona ni mauna au taeka.

Ruka 5:38

Ma e riai te wain ae boou n atoaki nakoni nneni wain aika boou aika kuniia maan.

Ioane 14:20

N te bong arei, ao kam na ataia b'a I mena i nanon Tamau, ao ngkami i nanou, ao Ngai i nanomi.

Ioane 15:2

Te m'aanga ae nim ma Ngai ae e aki uaa, ao E kanakoa; ao te m'aanga ae uaa, E kaitiakia, b'a e aonga ni kariki uaana aika m'aiti.

Ioane 15:5

“Ngai te kai ae te kureebe, ao ngkami m'aangana. Ane nim ma Ngai, ao I nim ma ngaia, ao e na kariki uaa aika bati; b'a akea te b'ai ae kam kona ni karaoia ngkana akea Ngai.

Ioane 17:23

Ngai i nanoia, ao Ngkoe i nanou, b'a a aonga ni katiteuanaki raoi, ao e na ataia te aba b'a Ko kanakomaiai ao Ko tangiriia, n ai arom ngkai Ko tangirai.

Ioane 3:3

E kaeka Iesu ao E taku, “Bon te koaua ae I a tuangko b'a ngkana e aki manga bungiaki” te aomata, ao e aki kona n nora uean te Atua.

Ioane 3:5

E taku Iesu, “Bon te koaua ae I a tuangko, b'a ngkana e aki bungiaki te aomata n te ran ma te Tamnei are Tabu, ao e aki kona n rin n uean te Atua.

I-Rom 16:10

Anga au kamauri nakon Abere are e kakoauaki raoi teimatoana n onimakina Kristo ngke e kataaki. Anga au kamauri nakon ana utu Arititoburo.

I-Rom 16:11

Anga au kamauri nakon au bu are Erorion. Anga au kamauri nakon ana utu Narekito, ake a onimakina naba te UEA.

I-Rom 16:3

Kam na anga au kamauri nakon Nei Beritika ma teuare Akura, ake raou ni m'akuri i bukini Kristo Iesu,

I-Rom 16:7

Anga au kamauri nakon Anteroniko ma Nei Iunia, ake au bu, ake a mena ma ngai n te karabuuti; a rangi ni kinaki irouia taan tuatua, ao a onimakina Iesu i m'aiu.

I-Rom 16:9

Anga au kamauri nakon Urebano, are raora ni m'akuri i bukin te UEA. ao nakon naba Titaku, are tangiraki i rou.

I-Rom 7:6

Ma ngkai ti a nako mai aan te Tua, ao akea i aora m'aakan te baere ti tauaki iai ngkoa; ma ngaia are ti a aki toronaki n te tua nikawai are koreaki, ma ti a toronaki n te maiu ae boou are mairoun te Tamnei.

I-Rom 8:1

Ma ngaia ae akea te moti ni kabuakakaia akana mena i nanoni Kristo Iesu.

1.I-Korinto 1:30

Ma E a tia te Atua n reitingkami ma Kristo Iesu, ao E a tia naba ni karika Iesu b'a rabakaura. A reke reitaki ma te Atua i Rouna; ti a riki b'a ana aomata te Atua ngaira, ao ti a kainaomataki i Rouna;

1.I-Korinto 13:11

Ngke te teei ngai, ao I taetae n ai aron te teei, ao I iango n ai aron te teei, ao I babaire n ai aron te teei; ngkai I a ikawai, ao I kaki aaro n ataei.

2.I-Korinto 12:2

I ata te aomata ae onimakina Kristo ae uotaki rake nakon te katenua ni karawa, tengauni ma a ririki n nako. E uotaki rake ngke tao e mena n rab'atana, I aki ataia; ke ngke tao e aki, I aki ataia naba; ma E ataia te Atua.

2.I-Korinto 5:16

Ma ngaia ae ma ngkai ao akea temanna ae ti na bairea taekana man te iango n aomata; e boni ngae ngke ti a tia n te taina ni bairea taekani Kristo iai, ma ti aki kona ni manga karaoia riki nako Ina.

2.I-Korinto 5:19

Tera ae ti nanonna b'a te Atua irouni Kristo, E raoiakiniia kaain aonnaba nako Ina, n aki tau mwin aia bure; ao E mwiokoira n taekan te raoi.

2.I-Korinto 5:21

Teuare babanga karaoan te bure, E karaoia te Atua b'a kaanga ai aron te tia bure i bukira; b'a ti aonga n riki b'a aomata aika karaoa nanon te Atua n arora n reitaki ma Kristo.

I-Karatia 3:28

Akea kaokoron te I-Iutaia ma te I-Erene i nanoni Kristo, ao akea kaokoron te toro ma te aomata ae inaomata, ao akea naba kaokoron te mm'aane ma te aine: b'a ti temanna ngkami ni kabaneingkami i nanoni Kristo Iesu.

I-Karatia 5:6

B'a akea i nanoni Kristo Iesu manenan te korotabonim'aneaki ke te aki korotabonim'aneaki; ma e manena te onimaki are e oti arona n te m'akuri ae iai te tangira iai.

I-Karatia 6:15

B'a e aki kakawaki te korotabonim'aneaki ke te aki-korotabonim'aneaki, ma e kakawaki reken te maiu ae boou ni maiun te aomata.

I-Ebeto 2:10

B'a kanoan ana m'akuri ngaira, aika ti karikaki i nanoni Kristo Iesu i bukini m'akuri aika raraoi, ake E a kamani katauraoi b'a ti na karaoi.

I-Ebeto 2:15

E kamaunaa te Tua are kanoana taeka i bukini baika riai ni karaoaki ao n aki karaoaki irouia aomata, b'a e aonga ni karikiia botannaomata aika uoua b'a kanga te aomata ae ti temanna ae boou n arona ni kaatiteuanaki ma Ngaia; ao n te aro aei e a reke iai te raoi.

I-Biribi 4:21

Kam na anga ara kamauri nakoia ake a itiaki ni kabaneia ake ana aomata Kristo Iesu. A kamauringkami taari aika mena i rou.