2.I-Korinto 5:16 - Te B'aib'ara

¹⁶ Ma ngaia ae ma ngkai ao akea temanna ae ti na bairea taekana man te iango n aomata; e boni ngae ngke ti a tia n te taina ni bairea taekani Kristo iai, ma ti aki kona ni manga karaoia riki nako Ina.

2.I-Korinto 5:16 ပူးပေါင်းရင်းမြစ်များ

Warekaia Iteraera 10:30

Ao e taku Obaba, “I aki iringkami b'a n na okira au auti, ni kawariia kaain abau.”

Mataio 10:37

Ane tangira riki tamana ma tinana nako Iu, ao e aki tau b'a e na riki b'a au reirei; ao ane tangira riki natina te mm'aane ke natina te aine nako Iu, ao e aki tau b'a e na riki b'a au reirei.

Ioane 15:14

Raou ngkami, ngkana kam karaoi baika I tuangngkami.

Ioane 2:4

E taku Iesu nakoina, “Neiko, tai kataia n tuangai b'a tera ae N na karaoia. E tuai n roko au aoa.”

Ioane 6:63

Ae E anga te maiu bon Tamnein te Atua; akea irouia aomata ae kona ni karaoa aei. A riki taeka aika I a tia n atong b'a kawain rokon te Tamnei ao te maiu iroumi.

Ioane 8:15

Kam b'aina te nano n aomata n ami motiki-taeka; akea ae I motika taekana.

2.I-Korinto 11:18

Ngkai a kamoamoaia aomata aika bati i bukin nanoia n aomata ao ngai N na kamoamoaai naba.

I-Karatia 5:6

B'a akea i nanoni Kristo Iesu manenan te korotabonim'aneaki ke te aki korotabonim'aneaki; ma e manena te onimaki are e oti arona n te m'akuri ae iai te tangira iai.

Te Tua-Kaua 33:9

E rangi ni kakannato riki iroumi b'a kaawakinan ana boraraoi Iteraera ma te UEA nakon maiuia tamami ke tinami, ke tarimi ke m'anemi. ke oin natimi.

I-Biribi 3:4

e boni ngae ngke boni ngai naba ae I onimakina te rab'ata. Ngkana e taku temanna b'a te tia onimakina te rab'ata ngaia, ao I a moamoa riki ngai:

I-Korote 3:11

Ao n te aro aei, akea iai te kaokoro i marenan te I-Erene ma te I-Iutaia, te itiaki ma te aki itiaki, te aomata ae tiaki te I-Erene, te I-Tekute, te toro ma te inaomata: ma ae moamoa i aoni b'aai ni kabane boni Kristo, ae E mena i roura ni kabane.

Iakobo 3:17

Ma te rabakau are mai eta e kairiia aomata nakon te maiu moa ae itiaki, ao ae rau ma n nimamannei, ae b'aina te iraorao; e on n te nanoanga, ao e karaoi m'akuri nako aika raraoi; e aki nanonano ao e aki m'am'anaa te aba.

1.Tamuera 2:29

I tuangiia aomata ni kabane b'a a na uoti aia karea nako ikai n te tabo ae I maeka iai, ao I kariaingkami ma ami utu b'a kam na kaawakin b'aai ake a aki anga te aba nako Iu i aon te baonikarea. Ma kam karineia riki natimi m'aane nako Iu! Ma kam aki karineai taiani karea ma angab'ai ake uotaki nako Iu, ao kam a rangi ni marikarika i bukin kanakin m'akoron taiani karea ake a rangi n raraoi.