2.I-Korinto 3:7 - Te B'aib'ara

⁷ Ngkae e roko ma arona ni mimitong te Tua are uota te mate, ao a koreaki taekana i aoni baaba aika atibu n te aro are a aki kona iai tibun Iteraera n taraa ubuni Moote i bukin raneaneana, e boni ngae ngke e a tabe ni mauna raneaneana,

2.I-Korinto 3:7 ပူးပေါင်းရင်းမြစ်များ

Karikani B'aai 3:21

Ao te UEA ae te Atua, E karaoa te kunnikai man kunin te man i bukin Atam ma buuna, ao E kunnikaiia iai.

Neemia 9:13

Ko ruorikaaki i Tinai mai karawa, ao Ko anganiia am aomata tuua ma reirei aika a raoiroi aika a boraoi ma n eti.

Taian Areru 119:174

Te UEA, I kainanoa am Kamaiu! I kakukureiaki n am Tua.

Taian Areru 119:97

Ai batiraa tangiran am Tua irou! Au b'ai n iaiangoia n te bong koraki.

Te Otinako 24:12

E taku te UEA nakon Moote, Tam'arake nako iu i aon te maunga ao ko na tiku ikai tabeua te tai. N na anganiko atiibu aika uoua ae I a tia ni koroi i aoia taian tua aika a riai n ongotaeka iai au aomata.”

Te Otinako 31:18

Ngke bane ana taeka te Atua nakon Moote i aon te Maunga are Tinai, ao E anganna taian atiibu aika uoua aika raababa aika E a tia ni korei i aoia ana tua ni kabane, n oin tabonibaina.

Te Otinako 32:19

Ao ngke e tabe ni kaan Moote ma aia maeka, e a noora te bouannanti, ao e nooriia aomata aika m'am'aie i rarikina. Aei te b'ai are e a rangi n un iai n te aro are e a karenakoi taian atiibu ma ni kamaaenikuni i oin te maunga.

Te Otinako 34:1

E taku te UEA nakon Moote n te bong teuana, “Korei atiibu aika uoua aika a rabaaba n aron are te moan are I a tia ni karaoia, ao N na korei i aona taian tua aika ti te bo ma ake n te moan atibu, ake a tia n uruaki.

M'akuri 6:15

Ao a bane ake a tekateka n te Tanirim ni katoka mataia n tara Tetebano, ao a nora matana b'a kanga ai aron taraani matan te anera.

I-Rom 10:4

B'a Kristo E a tia ni katoka bonganan te Tua i bukiia ake a reke i rouia kaetan aroia n reitaki ma te Atua n aia onimaki.

I-Rom 4:15

B'a irian te tua bon te reke ni kai; ma ike akea te tua iai, ao akea naba riaoana iai.

I-Rom 5:20

Ma e roko te Tua b'a e aonga ni m'aiti te bure; ma ike e m'aiti iai te bure, ao e a manga m'aiti riki iai te akoi.

I-Rom 7:10

ao ngai I mate; ao te Tua are na uota te maiu, ao e uota te mate nako iu.

I-Rom 7:22

B'a e on nanou n te kukurei n ana Tua te Atua;

I-Rom 7:5

B'a ngke ti maiu n iri nanon rab'atara, ao a m'am'akuri i nanoni b'ain rab'atara naano aika kani kakaraoa te bure, aika naano aika bwebwerake ngkai iai te Tua; ao a kariki uaa aika ana b'ai te mate.

1.I-Korinto 13:10

ma ngkana e roko are te kororaoi, ao e na kamaunaki are aki koro raoi.

2.I-Korinto 3:3

ao e teretere b'a bon ana reta Kristo ngkami, ae ti uotia, ae koreaki tiaki n te ingke, ma n Tamnein te Atua ae maiu; ae koreaki tiaki i aoni baaba aika atibu, ma i aoni baaba aika iriko aika nanomi.

2.I-Korinto 3:6

are karaoira b'a taani beku aika iai aia kona i bukin te boraraoi ae boou, are kanoana tiaki te b'ai ae koreaki, ma te Tamnei; b'a e tiritiri te b'ai ae koreaki, ma E kakamaiu te Tamnei.

2.I-Korinto 3:8

ao tiaki e na kabatiaki riki mimitongin ana m'akuri te Tamnei?

I-Karatia 3:10

B'a a nangi reke kaiia aomata aika bati aika karaoi baika tangiraki n te Tua; b'a e a tia ni koreaki ae kaangai, “E na reke kain te aomata ae aki teimatoa ni karaoi b'ai ni kabane ake a koreaki ni bokin te Tua!”

I-Karatia 3:21

E ekinakoaia nako ngkanne ana taeka n akoi te Atua te Tua? E bon aki; b'a ngke arona b'a e anganaki te aba te tua ae kona te kakamaiu, ao a kona ngkanne n reke reitakiia aomata ni kabaneia ma te Atua n iran nanon te tua anne.

Te Tua-Kaua 4:13

Ao E taetae te UEA nakoimi ni karaoa te boraraoi ma ngkami, ao E tuangngkami b'a kam na kakaonimaki nakon Tuua ake Tebwina. Ao i mwiina, E koroi Tuua aikai te UEA i aon atiibu aika raababa aika uoua.

Te Tua-Kaua 5:22

E taetae te UEA nako ira ngkoa n te b'anaa ae korakora man te nang ae ura ngke ti bootaki i aon te maunga. E anganiira te UEA tuua aikai, ao bon ti aikai ao akea riki. Ao i mwiina, E koroi i aon atiibu aika uoua aika raababa ao E anganai.

Te Tua-Kaua 9:15

Ao e tiinako te ai ae korakora mai taubukin te maunga ngke I a ruorikaaki, ma ni uouoti taian atiibu ake uoua akekei ma tuua ake 10 i aoia

Ebera 12:18

B'a kam tuai roko ni kaania te maunga are konaki n riingaki are e ura iai te ai; ao kam tuai ni kaania naba te baere roroo ma te baere rotongitong ma te ang are te ukeukenanti,

Ebera 3:3

B'a E atongaki Teuaei b'a e riai ni m'aiti riki neboakina nakon neboakini Moote, n ai aron te tia kateitei ae e riai ni m'aiti riki karineana nakoni karinean te auti are e kateia.

Ebera 9:4

are kanoana te baonikarea ae te koora i bukini kabuokani karea aika boiarara, ma atin te berita are e kanim'aki te koora iai ni kabuta, are e mena i nanona te b'aati ae te koora are kanoana te manna, ma te kai are okon Aaron are a bwebwee baa ni kai maiai, ma baban te boraraoi ake atibu.