2.I-Korinto 3:6 - Te B'aib'ara

⁶ are karaoira b'a taani beku aika iai aia kona i bukin te boraraoi ae boou, are kanoana tiaki te b'ai ae koreaki, ma te Tamnei; b'a e tiritiri te b'ai ae koreaki, ma E kakamaiu te Tamnei.

2.I-Korinto 3:6 ပူးပေါင်းရင်းမြစ်များ

Ieremia 31:31

E taku te UEA: E na roko te tai are N na karaoa iai te boraraoi ma Iteraera ao Iuta.

Mataio 13:52

Ao E taku nako ia, “Ma ngaia aei, b'a te tia koroboki ae reireiaki b'ain Uean te Atua, ai aron te aomata ae iai ana auti, ao te aomata arei e kaotinakoi b'aai aika boou ma b'aai nikawai mani nen ana b'ai.”

Mataio 26:28

B'a aei raraau, ae raraan te boraraoi, ae kawawaeaki i bukiia aomata aika bati i bukini kab'aran aia bure.

Mareko 14:24

Ao E taku nako ia, “Raraau te baei, ae raraan te boraraoi, ae kawawaeaki i bukiia aika bati.

Ruka 22:20

Ao E anaa naba te m'angko i mwin te am'arake ao E karaoa naba are E karaoia ngke E anaa te berena, ao i mwina E kangai, “Te m'angko aei te boraraoi ae boou i nanon raraau, ae kawawaeaki i bukimi.

Ioane 5:21

B'a aron te Tama ngkai E a manga kamaiuia aika mate, ao E angania te maiu, ao ai aron naba te Nati, E anga te maiu nakon ane E bon taku.

Ioane 6:63

Ae E anga te maiu bon Tamnein te Atua; akea irouia aomata ae kona ni karaoa aei. A riki taeka aika I a tia n atong b'a kawain rokon te Tamnei ao te maiu iroumi.

I-Rom 1:5

Boni Ngaia are ti anganaki mai Rouna te kona n riki b'a taan tuatua i bukin arana, b'a a aonga n onimaki ma n ongeaba botannaomata ni kabaneia.

I-Rom 3:20

B'a akea i matan te Atua te aomata ae e na kaetaki arona n reitaki ma Ngaia ni karaoan nanon te Tua; b'a e ataaki raoi te bure n te Tua.

I-Rom 4:15

B'a irian te tua bon te reke ni kai; ma ike akea te tua iai, ao akea naba riaoana iai.

I-Rom 4:17

n ai aron are koreaki ni kaangai: “I karaoiko b'a tamaia botannaomata aika bati.” Ma ngaia ae e raoiroi te taeka n akoi i bukin aron te Atua, are e onimakinna Aberaam are te Atua are kamaiuia maate, ao are iai i rouna te kona ni kariki b'aai ngke bon akea.

I-Rom 7:6

Ma ngkai ti a nako mai aan te Tua, ao akea i aora m'aakan te baere ti tauaki iai ngkoa; ma ngaia are ti a aki toronaki n te tua nikawai are koreaki, ma ti a toronaki n te maiu ae boou are mairoun te Tamnei.

I-Rom 8:2

B'a ana tua te Tamnei, are karekea te maiu nako ira i nanoni Kristo Iesu, e kainaomataai man ana tua te bure ma te mate.

1.I-Korinto 11:25

Ngke a a tia n am'arake, ao E anaa te m'angko n aron naba are E karaoia nakon te berena, ao E kangai, “Te m'angko aei, te boraraoi ae boou i nanon raraau. Kam na karaoa aei, n taai ake kam moi iai, b'a kanuringau.”

1.I-Korinto 12:28

Ao E a tia te Atua ni kateia tem'angina i nanon te ekaretia: taan tuatua moa; te kauoua, burabeti; te katenua, taan reirei; ao i mwiia, taani karaoi m'akuri aika kamimii; ao i mwiia, te koraki aika anganaki te b'ai n tituaraoi i bukini katokan aoraki; ma taani buobuoki, ma taani kairiri, ma taan taetae n taetae aika a aki ataaki nanoia.

1.I-Korinto 15:45

Ao ai aron naba are koreaki ni kangai, “Te moa n aomata are Atam bon te aomata ae maiu”; Te kabanea n Atam bon te tamnei ni kamaiu.

1.I-Korinto 3:10

N aron ana b'ai n tituaraoi te Atua are E a tia n anganai, ao I riki b'a te tia kateitei ae rabakau: I kawenea aana, ao e kateitei i aona temanna. Ma te aomata ane kateitei e na taratara raoi aron ana kateitei.

1.I-Korinto 3:5

B'a tera aron Aboro? Ao tera aroni B'auro? Bon taan i buobuoki ngaira, aika kam riki n onimaki i roura; ao ti karaoa ara m'akuri ni kaeti ma tib'angara are E anganira te UEA.

2.I-Korinto 11:23

Ana taani m'akuri Kristo uakekei? I taetae n ai aron ae baba: i aoia riki ngai; b'a I m'akuri korakora riki nako ia, a bati riki au tai ni kabureaki, a bati riki au tai ni kataereaki, ao a bati riki au tai ae e kaani mateu iai.

2.I-Korinto 3:14

Ma a kamatoatoaki nanoia; b'a man te tai arei ni karokoa te bong aei, ao e tuai meni mauna te rabuna ni mata ngkana a wareka te Boraraoi Nikawai, b'a ti Kristo ae mauna i Rouna.

2.I-Korinto 3:3

ao e teretere b'a bon ana reta Kristo ngkami, ae ti uotia, ae koreaki tiaki n te ingke, ma n Tamnein te Atua ae maiu; ae koreaki tiaki i aoni baaba aika atibu, ma i aoni baaba aika iriko aika nanomi.

2.I-Korinto 3:7

Ngkae e roko ma arona ni mimitong te Tua are uota te mate, ao a koreaki taekana i aoni baaba aika atibu n te aro are a aki kona iai tibun Iteraera n taraa ubuni Moote i bukin raneaneana, e boni ngae ngke e a tabe ni mauna raneaneana,

2.I-Korinto 3:9

B'a ngkana iai mimitongin te m'akuri ni kabuakaka, ao ai m'aiti ra riki mimitongin te m'akuri i bukini karaoan nanon te Atua.

I-Karatia 3:21

E ekinakoaia nako ngkanne ana taeka n akoi te Atua te Tua? E bon aki; b'a ngke arona b'a e anganaki te aba te tua ae kona te kakamaiu, ao a kona ngkanne n reke reitakiia aomata ni kabaneia ma te Atua n iran nanon te tua anne.

I-Ebeto 2:1

Ao ngkami kam mate i bukin riaoakin te tua iroumi ao i bukin ami bure,

I-Ebeto 2:5

b'a ngke ti mate i bukin arora n ririaoakin te tua, ao E kamaiura Kristo, b'a kam kamaiuaki n te akoi,

I-Ebeto 3:7

are I riki b'a te tia m'akuri ngkai iai, n ai aron te b'ai n tituaraoi are ana akoi te Atua, are I anganaki ni m'am'akurini m'aakana.

1.Timoteo 4:6

Ngkana ko anga taeka n reirei aikai nakoia taari, ao ko riki iai b'a a na tia m'akuri ae e raoiroi Kristo Iesu, ae ko nabeaki n taekan te onimaki ma taekan reirei aika raraoi, aika ko tou mwiia.

2.Timoteo 1:11

B'a te euangkerio aei ae I baireaki iai b'a te tia taekinna ngai, ao te tia tuatua ma te tia reirei i bukina;

Ebera 12:24

Ao kam kaania Iesu, are Ngaia ae e reke mai Rouna te boraraoi ae boou, n raraana are katimtim'aki, are kaota te bae raoiroi riki nakon are e taekinna Abera.

Ebera 13:20

Ao te Atua, ae mai Rouna te raoi, are kaira rake mai buakoia maate ara Uea are Iesu, are te Tia Kawakin tiibu are kakannato, are e kabonganaki raraana i bukini karaoan te boraraoi are aki toki,

Ebera 7:22

Ao e riki naba iai Iesu b'a kakoauan te boraraoi ae raoiroi riki.

Ebera 8:13

Ngkae E kangai, Te boraraoi ae boou; ao nanona b'a te Atua E a tia ni karaoa te moa ni boraraoi b'a te b'ai nikawai; ao te b'ai ae e a b'ai nikawai ma ni mane e waekoa ni mauna.

1.Betero 3:18

B'a e mate Kristo i bukini buure ti te taina ao akea riki, te aomata ae e raoiroi i bukiia aika buakaka, b'a E aonga ni kairingkami nakon te Atua. E boni kamateaki n te aro n rab'ata, ma E kamaiuaki n te aro n tamnei;

1.Ioane 1:1

Te baere iai ma ngke a tuai ni karikaki b'aai, are ti ongo, are ti noria ni matara, are ti tarataraia, are a riingnga naba baira, ae taekan te Taeka are te maiu,