2.I-Korinto 3:12 - Te B'aib'ara

¹² Ma ngaia ae ngkai iai i rouia te kaantaninga aei, ao ti rangi n ninikoria,

2.I-Korinto 3:12 ပူးပေါင်းရင်းမြစ်များ

Ioane 10:24

A otab'aninia Iesu I-Iutaia ao a titirakinna ni kaangai, “Maanra te tai ae Ko na katikuira iai n tataninga i m'ain ae Ko tuangiira te koaua? Tuangiira raoi te koaua: te Kristo Ngkoe?”

Ioane 16:25

“I a tia ni kabonganai taeka aika kaangaanga iroumi b'a kam na oota iai ngke I atongi baikai nakoimi; ma e na roko te aoa are N na aki manga taekina iai te Tama nakoimi n taeka aika kangaanga iroumi b'a kam na oota iai, ma N na taekinna nakoimi n te aro ae kam na oota raoi iai.

Ioane 16:29

A taku ana reirei nakoina, “Noria, ti a oota raoi ngkai n am taeka, b'a Ko a aki kabonganai taeka aika ti aki oota iai.

M'akuri 14:3

Ma ngaia are, a kamaniia B'auro ma B'arenaba ni maeka i Ikonio, n tataekina taekan te UEA ma te ninikoria. Ngke a karaoa aei, ao a anganaki iroun te UEA te kona ni karaoi kanikina ma m'akuri ni kamimii b'a ana b'ai ni kakoaua i bukin aia taeka are a taekinna i bukin ana akoi b'a e koaua.

M'akuri 4:13

A mimi te koraki arei ngke a nora aroni Betero ma Ioane n ninikoria, ao ngke a ataiia b'a aomata n aki reireiaki. A ataiia ngkanne b'a a memena iroun Iesu ngkoa.

M'akuri 9:27

Ma e nakoina B'arenaba, ao e kairiia nakoia taan tuatua, ao Tauro e tuangiia arona ngke e nora te UEA are taetae nakoina i nanon te kawai, ao ngke e reirei n aki mamaku n aran Iesu i Tamateko.

M'akuri 9:29

E aki toki n taetae ma ni kauntaeka ma I-Iutaia ake a b'aina te taetae n Erene; ao a kataia ni kani kamatea.

1.I-Korinto 14:19

Ma n te botaki n ekaretia ao I tangiria riki b'a N na atongi nimaua te taeka aika aki kamangaongao, b'a I aonga n reireia naba te koraki ae bati, nakon atongan tebwina tengaa te taeka n te taetae ae aki ataaki.

2.I-Korinto 10:1

Ngai ae B'auro, I butingkami n nimamaneini Kristo ao n nanoraoina, ngai ae I atongaki b'a I nanorinano ngkana I mena i rarikimi, ma I ninikoria ngkana I raroa nako mai roumi.

2.I-Korinto 3:11

B'a ngkana iai te mimitong n te baere e aki tei maan arona, ao ai m'aiti ra riki te mimitong n te baere e tei maan arona.

2.I-Korinto 4:13

B'a e koreaki ae kangai, “I onimaki, ma ngaia are I taetae.” Ngkai iai i roura te onimaki ae ti te bo arona ma aei, ao ngaia ae ti taetae naba

2.I-Korinto 7:4

I rangi n onimakiningkami, ao I rangi ni kamoamoa i roumi; e rangi n rau nanou, ao moan te bati kakatongau i buakon rawawatara ni bane.

I-Biribi 1:14

Ao e riki kabaeakiu b'a kakorakoraan aia kaantaninga m'aitiia taari n aroia n reitaki ma te UEA, ao a rikirake n rangi n ninikoria n taekina ana taeka te Atua.

I-Biribi 1:20

n ai aron nanou ae korakora ma au kaantaninga b'a N na aki mamaa n te b'ai teuana, ma N na rangi n ninikoria n taetae n ai aron aroarou n taai nako ao ngkai naba, ni kaota neboakini Kristo n rab'atau, tao ni maiu ke ni mateu.

I-Korote 4:4

b'a I aonga ni kaotia n te aro ae riai b'a N na taetae iai.

1.I-Tetaronike 2:2

ao n aron ae kam ataia, ti a tia ni kamarakaki ma ni b'ainikirinaki i Biribi, ma ti ninikoria iroun Atuara n taekina ana euangkerio nako imi ma te kekeiaki ae bati.

1.Timoteo 3:13

B'a taani buobuoki aika karaoa raoi aia m'akuri a karekei nneia aika raraoi, ao a kona n taekina taekan onimakinan Kristo Iesu i rouia ma te ninikoria.

Biremon 1:8

Ma ngaia aei, b'a bon iai au ninikoria ae bati, ngkai ti uaia n reitaki ma Kristo, n tuangko te bae ko riai ni karaoia.