2.I-Korinto 3:10 - Te B'aib'ara

¹⁰ B'a te baere e kamimitongaki ngkoa e a tia n aki kamimitongaki i bukin te mimitong ae e raka arona.

2.I-Korinto 3:10 ပူးပေါင်းရင်းမြစ်များ

Iobi 25:5

Kai akea naba raoiroin ootan nam'akaina, ke taian itoi i matana.

Itaia 24:23

A na kaai ni kamaamaaeaki ma ni kab'ainrangaki nam'akaina ma taai. E na tautaeka te UEA ae Moan te M'aaka i aon te Maunga are Tion i Ierutarem, ike e na kaota iai nakoia ana taan tautaeka kamimiin mimitongina.

Akai 2:3

Iai iroumi ae e uringa mimitongin te Tembora ngkoa aei? Ngkai e taraa n akea bongana.

M'akuri 26:13

Te uea, i aoni kawaiu ni m'ananga, ngke e a tawanou, ao I nora te oota mai karawa ae raneanea riki ootana nakon ootan taai; e oota i rarikiu ma raou ni m'ananga.

2.I-Korinto 3:11

B'a ngkana iai te mimitong n te baere e aki tei maan arona, ao ai m'aiti ra riki te mimitong n te baere e tei maan arona.

2.I-Korinto 3:9

B'a ngkana iai mimitongin te m'akuri ni kabuakaka, ao ai m'aiti ra riki mimitongin te m'akuri i bukini karaoan nanon te Atua.

2.Betero 1:17

B'a E anganaki te karineaki ma te neboaki mairoun te Atua are te Tama, ngke e roko te b'ana nakoina mairoun te Mimitong are Moan te Tamaroa, are kaangai, “Natiu ae tangiraki Teuaei, ae I kakatonga i rouna!”

Te Kaotioti 22:5

E na akea te bong; ao a aki kainanoa ootan te taura ma taai, b'a E na riki te Atua b'a te oota i aoia; ao a na uea n aki totoki.