2.I-Korinto 3:1 - Te B'aib'ara

¹ Ti a manga moanna naba n tabeki taekani kamoamoara? Ke ti kainanoi, n ai aroia tem'angina, reeta nako imi ke mai roumi, aika a na kaoti arora?

2.I-Korinto 3:1 ပူးပေါင်းရင်းမြစ်များ

M'akuri 18:27

A kaungaa nanon Aboro taari ngke e kan nako Akaia, ao a koroboki nakoia ake a onimaki ikekei b'a a na m'aneia n akoia; ao ngke e roko, ao e korakora ana i buobuoki nakoia ake a tia n riki b'a taan onimaki n ana akoi te Atua:

I-Rom 16:1

I kan taekina nakoimi aron Nei Boibe are m'anera, b'a te aine ae e raoiroi arona. Iai naba nakoana b'a te tia buobuoki n te ekaretia i Kengkirea.

1.I-Korinto 10:33

n ai arou naba ngkai I kakukureia aomata ni kabaneia ni b'aai ni kabane aika I karaoi, n aki ukoukora ae iai manenana nako iu; ma I ukoukora ae iai manenana nakoia aomata aika bati, b'a a aonga ni kamaiuaki.

1.I-Korinto 16:3

Ao ngkana I roko, ao N na kanakoia akana kam kariaia n reeta, b'a a na nikira ami b'ai n tituaraoi i Ierutarem.

1.I-Korinto 3:10

N aron ana b'ai n tituaraoi te Atua are E a tia n anganai, ao I riki b'a te tia kateitei ae rabakau: I kawenea aana, ao e kateitei i aona temanna. Ma te aomata ane kateitei e na taratara raoi aron ana kateitei.

1.I-Korinto 4:15

B'a e ngae ngkana tebwina tengaa m'aitiia aomata aika reireingkami taekani Kristo, ma ti temanna tamami: I riki b'a tamami i nanoni Kristo Iesu n te euangkerio are I uotia nako imi.

2.I-Korinto 10:12

B'a ti maaku n atongira b'a raoia te koraki ake a kamoamoaai aroia, ke ni kabotauia ma boni ngaiia, ao a nanobaba.

2.I-Korinto 10:18

B'a tiaki te aomata ae taekina arona ni kamoamoaa ae kakoauaki b'a e raoiroi arona, ma te aomata ae kamoamoaki arona iroun te UEA.

2.I-Korinto 10:8

B'a e boni ngae ngkana tao I kabatia kamoamoau i bukini m'akara are anganira te UEA i bukini kateimatoami ma tiaki i bukini kab'akami, ao I bon aki mamaa;

2.I-Korinto 12:11

I a tia n riki ni baba. Ao kam karika aei nako iu. I bon riai ni kamoamoaki i roumi. B'a I bon aki mangori riki nakoia taan tuatua ake kam atongiia b'a akea n ai aroia, e boni ngae ngke akea bonganau.

2.I-Korinto 12:19

Kam a tia ni kaman iangoia i nanomi b'a ti karekei aonara nako imi. Ti taetae i matan te Atua i nanoni Kristo, b'a a karaoaki b'aai ni kabane i bukini kateimatoami, raou aika kam tangiraki.

2.I-Korinto 2:17

B'a tiaki aroia aomata aika bati ngaira, ake a b'aini bob'aia ana taeka te Atua b'a a aonga ni kaub'ai iai; ma ti kanakoaki iroun te Atua, ao ti taetae i matana ma te nano ae itiaki i bukini Kristo.

2.I-Korinto 5:12

Ti aki manga kani kamoamoaira riki nako imi; ma ti kani kaota nako imi bukin te bae kam na kamoamoa iai i bukira, b'a kam aonga ni kona ni kaekaia te koraki ake a kainikatonga i bukin aron taraan te aomata, ma tiaki n aron anuana.