2.I-Korinto 13:5 - Te B'aib'ara

⁵ Kam na kataingkami ao kakoauaingkami b'a kam bon onimaki ni koaua. Kam aki ataia b'a E mena Iesu Kristo i nanomi? ma E aki mena i nanomi ngkana kam a tia ni kataingkami ao kam kakoaua b'a kam aki onimaki ni koaua.

2.I-Korinto 13:5 ပူးပေါင်းရင်းမြစ်များ

Taian Areru 119:59

I iangoi aroarou, ao I a manga rairaki n tou mwin am Taeka.

Taian Areru 17:3

Ko ataa nanou; Ko a tia ni kawarai n te bong; Ko a tia n nenera arou ao akea te nano ae buakaka irou. E a tia n au iango b'a n na bon aki tataekina te kewe.

Taian Areru 26:2

Te UEA, Ko na nenera nako arou, ao kataai; b'a tera nanou ma au iango.

Ieremia 6:30

ma a bon rangi ni buakaka au aomata n te aro are a aki konaa ni manga kabouaki, ao I a tia ni katinanikuia.

B'aeb'aeti 3:40

Ti bon riai ni taratarai maiura, ao n okira te UEA.

Etekiera 18:28

A na iangoi baike a tia ni karaoi ao a na katoka karaoan te bure, b'a aonga n aki tiringaki.

Akai 1:5

ao au Tembora e onrake ni b'aai aika a uruaki? Bon noora te b'ai ae e riki.

Akai 1:7

Ko na iangoi baikai I a tia n taekin!

Ioane 14:23

E kaekaa Iesu ao E taku, “Ngkana e tangirai te aomata, ao e na ongeaba nakon au taeka; e na tangiraki iroun Tamau, ao ti na nakoina ni maeka ma ngaia.

Ioane 15:4

Kam na teimatoa n nim ma Ngai, ao N na teimatoa n nim ma ngkami. Akea te m'aanga ae kona ni kariki uaa i bon i rouna, ngkana e aki nim ma botona; ao ai aromi naba, kam aki kona ni kariki uaa, ngkana kam aki nim ma Ngai.

Ioane 17:23

Ngai i nanoia, ao Ngkoe i nanou, b'a a aonga ni katiteuanaki raoi, ao e na ataia te aba b'a Ko kanakomaiai ao Ko tangiriia, n ai arom ngkai Ko tangirai.

Ioane 17:26

I a tia ni kaota aram nakoia, ao N na bon aki toki ni kaotiotia nakoia, b'a a aonga n tangiria aomata n ai aron am tangira nako iu, ao b'a I aonga n nim ma ngaiia.”

Ioane 6:56

Ane kana irikou, ma n nima raraau, ao e memena i nanou, ao Ngai i nanona.

Ioane 6:6

E atonga aei Iesu b'a E kani kataa Biribo: b'a Iesu E a boni kaman ata are E na karaoia.

I-Rom 1:28

Ngke a rawa ni kaaki i nanoia ataakin te Atua, ao E katikuia n aroia aika ti te iangoi baika kammaira, b'a a aonga ni karaoi m'akuri aika aki riai.

I-Rom 8:10

Ao ngkana E maeka Kristo i nanomi, ao e maiu te Tamnei i nanomi i bukina b'a a a tia ni kaetaki aromi n reitaki ma te Atua, ao e mate te rab'ata i bukin te bure;

1.I-Korinto 11:28

Ke e tirotiroa moa nanona te aomata, ao i mwina e na kana te berena, ma ni moi n te m'angko.

1.I-Korinto 11:31

Ma ngkana ti neneri raoi aroarora, ao akea bairean taekara.

1.I-Korinto 3:16

Kam na ataingkami b'a ana um'antabu te Atua ngkami, ao E maeka Tamnein te Atua i nanomi!

1.I-Korinto 6:15

Kam aki atai rab'atami b'a b'ain rab'atani Kristo? I a anai b'ain rab'atani Kristo ni karaoi b'a b'ain rab'atan te kabekaau? I bon aki kona!

1.I-Korinto 6:19

Kam aki atai rab'atami b'a ana um'antabu te Tamnei are Raoiroi, are maeka i nanomi, are reke i roumi mairoun te Atua? Ai tiaki ami b'ai ngkami.

1.I-Korinto 6:2

Kam aki ataiia ake a itiaki b'a a nangi motika taekan aonnaba? Ao ngkana kam nangi motika taekan aonnaba, ao kam na aki kona ngkanne ni motiki taekan taian tangitang aika uarereke?

1.I-Korinto 9:24

Kam aki ataia b'a mai buakoia aomata ni kabaneia ake a ira te kabo birim'aaka n te tabo ni biri, ao bon ti temanna ae na reke i rouna te kaniwanga? Kam na biri b'a e aonga n reke i roumi.

1.I-Korinto 9:27

ma I kataneiaa rab'atau n te aro b'a e aonga ni matoatoa, ao I taua taekan arou b'a kanga te toro, b'a e kawa n aki reke arou i mwin tataekinan te euangkerio nakoia tem'angina.

2.I-Korinto 6:16

Ao tera reitakin ana um'antabu te Atua ma bouannanti? B'a ngaira bon ana um'antabu te Atua ae maiu, n ai aron ana taeka te Atua are kangai: “N na mamaeka i buakoia ao N na nakonako i buakoia; N na riki b'a Atuaia, ao a na riki b'a au aomata.”

I-Karatia 2:20

Ao ai tiaki ngai ae I maiu ngkai, ma Kristo ae maiu i nanou; ao arou ae I maiu iai n te rab'ata, I maiu n onimakinan Natin te Atua, are E tangirai, are E anga Ngaia i buku.

I-Karatia 4:19

Natiu aika uarereke, ai aron te aine ngai n ana tai ni bung, ae I ngirangira ni maraki i bukimi ni karokoa ae kam riki b'a taan ira Kristo ngkami.

I-Karatia 6:4

Ma a na kataa oin aia m'akuri aomata n tatabemaniia nako b'a a uara, ao ane e na kamoamoa te aomata i nanona n ti ngaia n are e a tia ni karaoia. E na aki kabotaua are e karaoia ma are e karaoia temanna.

I-Ebeto 3:17

b'a E na maeka Kristo i nanomi i bukin ami onimaki, ao b'a a na iai wakaami ma aami n te tangira,

I-Korote 1:23

Ma kam bon riai ni matoatoa ma n nene n ami onimaki, ao kam na aki kam'aingaki man te kaantaninga are reke i roumi ngke kam ongo taekan te euangkerio; are e tataekinaki nakoia aomata ni kabaneia i aonnaba ni kabuta ao are I riki iai, ngai ae B'auro, b'a te tia m'akuri i bukina.

I-Korote 1:27

E karaoa aei te Atua b'a E tangiringkami aika tiaki I-Iutaia b'a kam na ata te baere raba ae kamimii ae mimitong; ao te bae raba aei boni Kristo i nanomi, are Ngaia ami kaantaninga b'a e na reke neboami.

I-Korote 2:19

ao e a tia n aki nim ma Kristo, are atun te rab'ata ae b'anin, are Ngaia ae anga te korakora nakon te rab'ata, ao E kamanenai toma n ri ma iaia b'a b'ain tauani b'ain te rab'ata.

I-Korote 2:7

A na nene wakaami i Rouna, ao karikia b'a aani maiumi. Kam na kateimatoaki n ami onimaki, n te aro are kam reireiaki iai, ao kam na kabatia te katituaraoi.

1.Timoteo 2:15

Ma e na kamaiuaki ni bungian natina, ngkana e teimatoa i nanon te onimaki ma te tangira, ao ni b'aina te maiu ae itiaki ma n nanowanawana.

2.Timoteo 3:8

B'a ai aroia Ianne ma Iambere ngke a eekaanako Mote, ao ai aroia naba aomata aikai n eekaanako te koaua, aomata aika babanga n iango, ao taan aki onimaki ni koaua.

Tito 1:13

E koaua te taeka aei. Ma ngaia ae ko na boaiia n te aro ae matoatoa, b'a a aonga n onimaki ni koaua,

Tito 1:16

A taku b'a a ata te Atua; ma a kakeaa n aia m'akuri nako. A bati n ribaki, ao a aki ongeaba, ao a aki tau nakoni m'akuri aika raraoi ni kabane.

Tito 2:2

Ko na taetae n reireiia unimm'aane b'a a na tau baangiia, a na tau b'aai ma nanoia, a na iango raoi, a na nako raoi n aia onimaki, ma aia tangira, ao n aia taotaonaki n nano.

Ebera 12:15

Kam na tarataraingkami b'a e kawa temanna ni b'aka man te akoaki iroun te Atua, ao b'a e kawa n riki b'a kanga ai aron te wakaa ae mao ni kakiriweingkami, ao a na kam'araeaki iai aomata aika bati.

Ebera 4:1

Ma ngaia aei, ngkai ti anganaki te taeka n akoi i bukin te rin i nanon ana motirawa te Atua, ao ti na taraia raoi b'a e kawa ni kuneaki temanna i buakomi b'a e aki tau n rin iai.

Ebera 6:8

Ma ngkana e kariki kaai aika kateketeke ma kaai aika akea bonganaia, ao e aki bongana; e a kaan rekeni kaina, ao n tokina e na kabuokaki.

Iakobo 4:4

Ngkami aika kanga ainenum'a aika taani wene ni bure, kam aki ataia b'a te iraorao ma b'ain te maiu aei bon ribaan te Atua? Ma ngaia aei, b'a ane kan i raorao ma b'ain te maiu aei, ao e riki b'a ana kairiribai te Atua.

1.Betero 5:9

Kam na rarawa nakoina, ao kam na teimatoa n te onimaki, ngkai kam ataia b'a raomi n onimaki i aon aaba nako a taonaki naba ni maraki aika ti te bo aroia ma akana kam taonaki iai.

Te Kaotioti 2:5

Ma ngaia ae ko na uringa te aro are ko b'aka mai iai, ao ko na raira nanom, ao karaoi m'akuri ake ko karaoi ngke ko moa n riki b'a te Kristian; ao ngkana ko aki, ao ae N na nako im, ao N na uota nako am kain-tei n taura mani nena.