2.I-Korinto 13:14 - Te B'aib'ara

¹⁴ E na mena i roumi ni kabaneingkami ana akoi te UEA are Iesu Kristo, ma ana tangira te Atua, ma ana raorao te Tamnei are Raoiroi.

2.I-Korinto 13:14 ပူးပေါင်းရင်းမြစ်များ

Mataio 6:13

Ao tai kairira nakon te kaririaki, ma Ko na kamaiura man te buakaka; b'a am b'ai te uea, te m'aaka, ao te neboaki n aki toki. Amen.

Ioane 4:10

E kaeka Iesu ao E taku nakoina, “Ngke tao ko ata ana b'ai n tangira te Atua, ao Teuae kaangai ngkai nako im, Kaamai b'a N na moi, ao ko na kamani butiia, ao Ngaia E a anganiko naba iai te ran ni kamaiu.”

Ioane 4:14

ma ane moi n te ran ae N na anganna, ao e na bon aki manga taka. B'a te ran ae N na anganna, e na riki b'a te m'anib'a n ran i nanona are na koburake ao e na anganna te maiu are aki toki.”

Ioane 7:38

Ane onimakinai, ao a na raanga nako karaanga n ran ni kamaiu mai nanona, n ai aron taekana n te B'aib'ara.”

M'akuri 15:11

Ma ti onimaki b'a ti na boni kamaiuaki n ana akoi te UEA are Iesu n ai aroia naba.

I-Rom 1:7

nakoia ake a mena i Rom ni kabaneia, ake a tangiraki iroun te Atua, ake a weteaki b'a ana aomata: ami b'ai te akoaki ma te rau mairoun te Atua are Tamara ma te UEA are Iesu Kristo.

I-Rom 16:20

E a kaani kamanatuan Tatan i aani waemi iroun te Atua, are e reke mai Rouna te raoi. E na mena iroumi ana akoi ara UEA are Iesu Kristo.

I-Rom 16:23

E kamauringkami Kaio ae ngaia ae I mena moa ngkai i rouna; ao a kamauringkami naba kaain te ekaretia aika raou i rouna. E kamauringkami naba Erateto, ae te tia kawakina m'anen te kaawa; ao ai arona naba ma Kuareto ae raora naba n onimaki.

I-Rom 16:27

Ao ngkai, i bukin Iesu Kristo, ti a kona n angan te Atua, are ti Ngaia ae rabakau, te neboaki n aki toki. Amen “E na mena iroumi ana akoi ara UEA are Iesu Kristo.” Ao B'aib'ara tabeua a kaaki te kibu 25, 26 ao 27 ni kabanean te m'akoro 14; ao te B'aib'ara teuana e kaaki kiibu aikai ni kabanean te m'akoro 15; ao iai B'aib'ara tabeua ake akea i rouia kiibu aikai.

I-Rom 5:5

ao te kaantaninga e aki kamaamaea te aba, i bukina b'a e a tia ana tangira te Atua n nurakinaki nako nanora iroun te Tamnei are Raoiroi, are ti a tia n anganaki.

I-Rom 8:39

ke te rietaata, ke te rinano, ao e aki kona naba te b'ai teuana ae karikaki, ni karaureira ma tangirara iroun te Atua, are i nanoni Kristo Iesu are ara UEA.

I-Rom 8:9

B'a kam aki maiu n aron nanon te rab'ata, ma kam maiu n aron nanon te Tamnei ngkae E maeka i nanomi Tamnein te Atua. Ao ngkana akea Tamneini Kristo iroun te aomata, ao tiaki ana aomata.

1.I-Korinto 12:13

B'a ti bane ni b'abetitoaki nako nanon te rab'ata ae ti teuana iroun te Tamnei are Raoiroi ae ti temanna, ngaira aika I-Iutaia ma I-Erene, ma tooro ma inaomata; ao a bane n anganaki nanora te Tamnei are Raoiroi ae ti temanna.

1.I-Korinto 14:16

B'a ngkana ko tataro ni katituaraoi n te tamnei, ao e na iranna n atonga te “Amen” n am katituaraoi te aomata ae kan rin n te ekaretia ma e tuai n rin, ngkae e aki ata am taeka?

1.I-Korinto 16:23

E na mena i roumi ana akoi te UEA are Iesu Kristo.

1.I-Korinto 3:16

Kam na ataingkami b'a ana um'antabu te Atua ngkami, ao E maeka Tamnein te Atua i nanomi!

1.I-Korinto 6:19

Kam aki atai rab'atami b'a ana um'antabu te Tamnei are Raoiroi, are maeka i nanomi, are reke i roumi mairoun te Atua? Ai tiaki ami b'ai ngkami.

2.I-Korinto 8:9

B'a kam ata ana akoi ara UEA are Iesu Kristo, b'a ngke E kaub'ai, ao E riki n aki kaub'ai i bukimi, b'a kam aonga ni kaub'ai n ana aki kaub'ai.

I-Karatia 5:22

Ma uaan te Tamnei te tangira, te kim'areirei, te raoi, te taotaonaki n nano, te ataataiaomata, te raoiroi, te kakaonimaki,

I-Ebeto 2:18

I bukin te baere E karaoia Kristo, ao ngaira aika I-Iutaia ma aika tiaki I-Iutaia ti a kona n roko i matan te Atua iroun te Tamnei ae ti temanna.

I-Ebeto 2:22

Ni katiteuanakimi ma Ngaia ao kam a kateaki naba ma raomi nako n onimaki b'a ana auti te Atua ae na mamaeka iai iroun Tamneina are Raoiroi.

I-Ebeto 5:9

b'a uaan te oota, te ataataiaomata ni kabanea, ma te raoiroi, ma te koaua,

I-Ebeto 6:23

E bia reke te rau, ma te tangira, ma te onimaki irouia taari mairoun te Atua are te Tama ma te UEA are Iesu Kristo.

I-Biribi 2:1

Ma ngaia aei, ngkai e reke karauan te nano irouni Kristo, ngkai iai kaungaan te nano n te tangira, ngkai iai te i-raorao ma te Tamnei, ngkai iai te ataataiaomata ma te nanoanga,

1.Ioane 1:3

are ti a tia n noria ma n ongo, ao ti taekinna naba nako imi; b'a kam aonga n uaia ni buokanib'ai iai ma ngaira, n ai aron are ti buokanib'ai iai ngaira ma te Tama ao Natina are Iesu Kristo.

1.Ioane 3:16

Ti ata te tangira n aei, ngke E anga maiuna i bukira; ma ngaia ae e riai b'a ti na anga maiura i bukiia taari.

1.Ioane 3:24

Ao ane tau ana tua ao e nim ma te Atua, ao te Atua E nim ma ngaia. Ao ti ataia b'a E nim ma ngaira n aei, i bukin te Tamnei are Raoiroi are E anganira.

Iuta 1:21

ao kam na aki m'awa man ana tangira te Atua, ngkai kam kaantaninga ana nanoanga ara Uea are Iesu Kristo i bukin te maiu are aki toki.