2.I-Korinto 12:9 - Te B'aib'ara

⁹ Ao E kangai nako iu, “E tau i bukim au akoi, b'a e oti aroni m'akau b'a e korakora n te mamara.” Ma ngaia ae moan te kukurei ngai ni kamoamoaai ni mamarau, b'a e aonga ni memena m'aakani Kristo i aou.

2.I-Korinto 12:9 ပူးပေါင်းရင်းမြစ်များ

2.Uea 2:15

Ao ngke a noora arei burabetin Ieriko, ao a i taetae i marenaia ni kaangai, E a reke m'aakan Eria iroun Eritai. Ao a nako ni kawaria ao a b'aka ni katorobubua i matan Eritai,

Taian Areru 8:2

A aneneia ataei ma merimeri. Ko rab'a ma ni mano raoi mairouia am kairiribai; Ko kaini wiia taani kaaitarako.

Itaia 11:2

E na meemena taamnein te UEA i rouna n anganna te ataib'ai, te rabakau, ao te wanawana. E na korakora, ao e na ataa te UEA ma ni karinea.

Itaia 43:2

Ngkana ko ri nanon te iabuti, ao I memena iroum, ao ko na aki b'ab'a. Ngkana ko ri buakon te ai, ko na aki bue ke ni maraki ni kabuebuena.

Teb'ania 3:17

E bon mena iroum te UEA ae Atuam Ko na tokanikai ni m'aakana. E kukurei te UEA iroum ao E na anganiko te maiu ae e boou n ana tangira. E na anene ni kim'areirei i aom.

Mataio 28:18

Ao E roko Iesu, ao E taku nako ia, I a tia n anganaki te m'aaka ni kabanea i karawa ao i aonnaba!

Mataio 28:20

ao n reireiniia b'a a na iri nanoni b'aai ni kabane ake I a tia n tuangngkami; ao noria, I a memena i roumi n taai nako ni karokoa tokin aonnaba.

Ruka 21:15

B'a Ngai ae N na anganingkami te wii ae ribinewe ma te rabakau, b'a a aonga n aki kona aiami n tuuki ao ni kakewei ami taeka.

1.I-Korinto 10:13

Te kataaki ae e a tia n roko i roumi boni ngaia naba are e roko irouia aomata nako. Ma E kakaonimaki te Atua, ao E na bon aki kariaingkami b'a kam na kataaki i aon ami kona; ma n te tai are kam kataaki iai, ao E na karekea naba te anga are kam na butaki nako maiai, b'a kam aonga ni kona n taon nanomi.

1.I-Korinto 15:10

Ma n ana akoi te Atua ao I riki n ai arou aei; ao e aki matebuaka ana akoi nako iu: b'a I m'akuri korakora riki nakoia taan tuatua akekei; ma tiaki ngai, b'a bon ana akoi te Atua are i rou.

1.I-Korinto 2:3

Ma ngaia are ngke I roko i roumi, ao I mamara ma n rurubenebene ni maaku.

1.I-Korinto 2:5

N te aro anne, ao e a reke i roumi iai te onimaki ni m'aakan te Atua, ma tiaki n rabakaun te aomata.

2.I-Korinto 11:30

Ngkana e riai i rou b'a N na kamoamoaai, ao N na kamoamoaai ni baika na kaota mamarau.

2.I-Korinto 12:1

I bon riai ni kamoamoaai, e ngae ngkana akea te bae na reke iai; ma N na taekini baika kanga ai aron te mii ma baika kaotaki iroun te UEA.

2.I-Korinto 12:10

Ma ngaia ae I kukurei n taiani mamara, ma taetae n iowawa, ma kainano, ma b'ainikirinaki, ma kanganga i bukini Kristo; b'a ngkana I mamara, ao I a korakora iai.

2.I-Korinto 12:15

Ma moan te kukurei ngai b'a N na kabane au b'ai, ma n anga boni ngai, i bukini maiumi. E na karako tangirau i roumi i bukina ngkai I rangi n tangiringkami?

2.I-Korinto 12:5

N na tei i bukin te aomata anne ni kamoamoaa, ma N aki tei i buku ni kamoamoaai, ma ti i bukini mamarau.

I-Ebeto 3:16

b'a E na anganingkami mani kaub'ain arona aika kamimii, te m'aaka iroun Tamneina b'a kam aonga ni kakorakoraki n nanomi;

I-Biribi 4:13

I konai b'aai ni kabane ni kaitarai iroun Teuare kakorakoraai.

I-Korote 1:11

ngkai kam kakorakoraki n te kakorakora ni kabanea, are nako mani m'aakana ae kamimii, b'a e aonga n reke i roumi te nanom'aka ni kabanea ma te taotaonaki n nano ma te kim'areirei;

1.Timoteo 1:14

Ma E rangi n akoi te Uea nako iu, ngke E anganai te onimaki ma te tangira ae ti b'ainna ngkai ti reitaki ma Ngaia.

Ebera 11:34

a katoka korakoran uran te ai, a rawei maiuia man te tiringaki n te kabaang, a kakorakoraki ngkana a mamara, a riki n ninikoria n te buaka, ao a katae aia kai aia taanga n tautia I-anena;

Ebera 4:16

Ma ngaia ae ti na tai maaku ni kaania ana kaintokanuea te Atua are e akoaki te aba iai, b'a ti aonga n anganaki te nanoangaki, ao ti aonga ni karekea te akoaki ngkana a kai nanora.

Iotua 1:9

Uringa are I a tia n tuangko, b'a ko na korakora ma n ninikoria! Tai maaku, ao tai b'arannano, b'a N na raoraoniko n taai nako ao n taabo nako ike ko nako iai, Ngai ae te UEA ae Atuam.”