2.I-Korinto 12:7 - Te B'aib'ara

⁷ Ao i bukini kaotioti aika kamimii aroia ake I nori. Ma ngaia aei, i bukina b'a I kawa n rangi ni kamoamoaai, ao I a anganaki te bae e maraki iai rab'atau, are e m'akuri b'a ana anera Tatan i bukin oreau ao tukau b'a N na aki rangi ni kamoamoa.

2.I-Korinto 12:7 ပူးပေါင်းရင်းမြစ်များ

Karikani B'aai 32:25

Ao ngke e nooria te aomata arei b'a e aki tokanikai i aona, ao e orea rarikin Iakob'a, ao e tibanako riin bebeen Iakob'a.

Karikani B'aai 32:31

Ao e a oti taai ngke e kiitana Beniera Iakob'a, ao e turatura i bukin tibanakon riin bebeena.

2.Rongorongo 26:16

Ao e a rangi ni kamoamoa Utia i bukin m'aakana, ao aei ae e karekea b'akana. N te bong teuana, ao e a aki ongotaeka Utia nakon te UEA ae Atuana ngke e nako n rin te Tembora ao e kabuoka te b'ai ni kaboiarara b'a te angab'ai nako ina.

2.Rongorongo 32:31

E ngae ngke a kanakoia aia taan uarongorongo taan kairiiri mai B'aburon b'a a na titirakina Etekia ana kanikina te UEA are e anganna, ao te Atua, e kariaia Etekia b'a e na anga are bon ana reke b'a e na tuoa ao n noora ana kakaonimaki.

Iobi 2:6

Ao E taku te UEA nakon Tatan, “E raoiroi, e mena taekana ngkai i nanoni baim, ma ko riai n aki tiringnga.”

Iobi 2:7

Ao e nako Tatan mai matan te UEA, ao e kariki taiani kaboa i aon rab'atan Iobi ni kabuta.

Etekiera 28:24

Ngkana e riki anne, ao ane a na aki manga iowawa kaawa akana i rarikin Iteraera aika a kabuakakaia ao a karikiia b'a a na namakinna b'a kaanga a mena ni katawanangin kaai aika kateketeke ma akanta. Ao a na ataai Iteraera b'a boni Ngai ae te UEA ae te Atua ae I karaoi baikai.

Taniera 5:20

Ma i bukina ngke e a manga kainikatonga ma n taningabono, ao n tiritiri, ao e a kam'awaki man ana kaintokanuea ao e bua nnena ni karineaki.

Otea 2:6

Ngai ae te UEA, N na karaoa te oo ae kateketeke ni kaina kawaina.

Warekaia Iteraera 33:55

Ngkana kam aki kakioia nako aomata ni kabane akekei, ao ane a na riki b'a kaanga taian kai aika kakang i nanon matami, ao taian m'akei i nuukami. Ao ane a na riki b'a ami kanganga n taai nako,

Mataio 26:67

Ao a bawarea ubuna, ao a oroia; ao tabem'aang a oroia n nanoni baiia,

Mataio 4:10

E taku ngkanne Iesu nako ina, “Naako akuu, Tatan! B'a e koreaki ae kangai, ‘Ko na taromauria te UEA ae Atuam, ao ko na toro i Rouna n ti Ngaia!’ ”

Ruka 13:16

Ao te aine aei, ae natin Aberaam, ae e kabaeaki i nanon tebwi ma wanua te ririki iroun Tatan, tiaki b'a e riai b'a e na kab'araki mani kabaeana aei n te bong ae te Taabati?”

1.I-Korinto 4:11

Ma ngkekei ni karokoa ngkai ao ti baki ma n taka; e kaan ae ti nang aki kunnikaira; ti oreaki; ao ti tuai n tekateka ni maeka;

1.I-Korinto 5:5

ao kam na anga teuanne nakon Tatan i bukin uruakan rab'atana, b'a e aonga ni maiu tamneina n ana bong te UEA.

2.I-Korinto 10:10

B'a iai ae kangai, “A rawawata ma ni matoatoa taekan ana reta B'auro, ma ngkana e mena rab'atana i rarikira ao e mamara n arona, ao a kakeaki bonganan ana taeka!”

2.I-Korinto 10:5

ma aaro ni kainikatonga nako aika tutuki man ataakin te Atua; ao ti kataenikai naano ni kabane b'a a na ongo irouni Kristo;

2.I-Korinto 11:20

B'a kam taon nanomi ngkana e toroningkami temanna, ngkana e kurib'aingkami temanna, ngkana e kam'aneingkami temanna, ngkana e kakeaa bonganami temanna, ao ngkana e oroubuingkami temanna.

2.I-Korinto 12:1

I bon riai ni kamoamoaai, e ngae ngkana akea te bae na reke iai; ma N na taekini baika kanga ai aron te mii ma baika kaotaki iroun te UEA.

I-Karatia 4:13

ma kam ataia b'a I taekina te euangkerio nakoimi n te moa n tai, b'a kioina ngke e mamara rab'atau.

Te Tua-Kaua 17:20

ao e na aki iangoia naba b'a e raoiroi riki nakoia aomata nako. Ngkana e ongotaeka te uea nakon ana Tua te UEA, ao e na tautaekana Iteraera ma kanoana i nanon ririki aika bati.

Te Tua-Kaua 8:14

Ma ngkana a riki baikai, ao kam na aki kainikatonga. Kam na aki m'aninga ae bon tooro ngkoa ngkami i Aikubita, ao bon te UEA ae kainaomataingkami.

1.Timoteo 3:6

E riai n ikawai i nanon te onimaki, b'a e kaawa ni kaonaki nanona n te kainikatonga ao e motikaki taekana ni karawaawataaki, n aron te riaboro.

Tani Motiki-taeka 2:3

Ma ngaia are, N na aki buokingkami ni kataenikaia ami kairiribai. Ma ane a na mena ikekei ni kam'aneingkami n taromauri taiani bouananti.