2.I-Korinto 12:4 - Te B'aib'ara

⁴ B'a e uotaki rake nako B'aretaiti, ao e ongo taeka aika aki konaki n taekinaki, aika aki riai b'a a na atongaki iroun te aomata.

2.I-Korinto 12:4 ပူးပေါင်းရင်းမြစ်များ

Etekiera 31:9

Boni Ngai ae te UEA ae I angan te kai aei tamaroana, ao I buoki m'aangana b'a a na ab'ab'aki. A bane aroka nako i Eten n tangiria b'a na riki ni katotoongnga.

Etekiera 8:3

E kaaenakoa te b'ai ae kaanga ai aron bain te aomata n taua irau. Ao i nanon miiu arei E a uotai rake Tamnein te UEA nako karawa ma ni uotai nako Ierutarem. E uotai te Tamnei nakon mataroan katawanangin te Tembora are i meaang ike e mena iai te bouannanti are e rangi n ribaia te UEA ao e rangi ni un iai.

Ruka 23:43

Ao E taku Iesu nako ina, “E koaua ae I a tuangko b'a n te bong aei ao ko na mena ma Ngai i B'aretaiti.”

M'akuri 8:39

Ngke a aerake man te ran, ao E kairaki nako Biribo iroun Tamnein te UEA, ao e aki manga noria te iunaki, b'a e wakina kawaina ma te kim'areirei.

1.I-Korinto 13:1

I kaota nako imi te aro ae moan te raoiroi riki: ngkana iai i rou te kona n taetae n taetaen aaba nako ma aia taetae anera, ma ngkana akea te tangira i rou, ao I riki n ai aron te b'ai ni katangitang ae te buraati ae e karongoa tangina, ma te b'ai ni katangitang ae te timbara ae e karongoa naba tangina.

2.I-Korinto 12:2

I ata te aomata ae onimakina Kristo ae uotaki rake nakon te katenua ni karawa, tengauni ma a ririki n nako. E uotaki rake ngke tao e mena n rab'atana, I aki ataia; ke ngke tao e aki, I aki ataia naba; ma E ataia te Atua.

1.I-Tetaronike 4:17

ao ngaira aika ti maiu n te tai anne ti na uotaki rake ma ngaiia nakon te tabo are a mena iai naang, ao ti na kaitibo ma te Uea i aani karawa; ao n te aro aei ti na memena n taai nako iroun te Uea.

Te Kaotioti 12:5

Ao neierei e bungia natina ae te mm'aane, ae na tauu taekaia botannaomata ni kabaneia, ni kairiia ma te matoa; ao e na anaaki natina n uotaki rake nakon te Atua ao nakon ana kaintokanuea.

Te Kaotioti 2:7

“Ane iai taningana n ongo, ao ke e ongo ana taeka te Tamnei are Raoiroi nakoia ekaretia. “Ane tokanikai ao N na anganna te am'arake man te kai ni maiu are mena n ana B'aretaiti te Atua.