2.I-Korinto 12:19 - Te B'aib'ara

¹⁹ Kam a tia ni kaman iangoia i nanomi b'a ti karekei aonara nako imi. Ti taetae i matan te Atua i nanoni Kristo, b'a a karaoaki b'aai ni kabane i bukini kateimatoami, raou aika kam tangiraki.

2.I-Korinto 12:19 ပူးပေါင်းရင်းမြစ်များ

I-Rom 12:19

Ngkami aika kam tangiraki, tai iri taangami; E na karaoia te Atua; b'a e koreaki ae kaangai: E taku te UEA, “Au b'ai te irantaanga, N na kabobo Ngai.”

I-Rom 14:19

Ma ngaia ae ti na uaiakin rekeni b'aai aika a na karekea te rau, ao baika na buoka kateimatoan temanna ma temanna n ana onimaki.

I-Rom 15:2

Ti na bane n tatabemaniira nako ni kakukureia raora ni baika na bongana i bukiia, b'a a aonga ni buokaki aia onimaki ni kakorakoraki.

I-Rom 9:1

I atonga te koaua; I aki kewe i bukina b'a ana aomata Kristo ngai, ao e buokai mataniwin nanou are kairaki iroun te Tamnei are Raoiroi, ni kakoauaai naba b'a I aki kewe

1.I-Korinto 10:14

Ma ngaia aei, ngkami aika kam tangiraki i rou, kam na bon aki taromauria te bouannanti.

1.I-Korinto 10:33

n ai arou naba ngkai I kakukureia aomata ni kabaneia ni b'aai ni kabane aika I karaoi, n aki ukoukora ae iai manenana nako iu; ma I ukoukora ae iai manenana nakoia aomata aika bati, b'a a aonga ni kamaiuaki.

1.I-Korinto 14:26

Ao tera ngkanne, taari? Ngkana kam botaki, ao temanna e anene, ao temanna e reirei, ao temanna e taekina te kaotioti are roko i rouna, ao temanna e taetae n te taetae ae aki ataaki, ao temanna e kab'ara nanon te taetae ae aki ataaki; a na bane ni karaoaki baikai i bukini kateimatoaia akana onimaki.

2.I-Korinto 10:8

B'a e boni ngae ngkana tao I kabatia kamoamoau i bukini m'akara are anganira te UEA i bukini kateimatoami ma tiaki i bukini kab'akami, ao I bon aki mamaa;

2.I-Korinto 11:10

Ngkai iai i rou te koaua are mairouni Kristo, ao I kakoaua b'a e na bon aki katokaki kamoamoau aei mai rou n te aba are Akaia.

2.I-Korinto 11:31

E ataai b'a I aki kewe te Atua ae Taman ara UEA are Iesu, are ana b'ai te neboaki n aki toki.

2.I-Korinto 12:15

Ma moan te kukurei ngai b'a N na kabane au b'ai, ma n anga boni ngai, i bukini maiumi. E na karako tangirau i roumi i bukina ngkai I rangi n tangiringkami?

2.I-Korinto 13:10

Ma ngaia ae I koroi baikai, ngkai I aki mena i roumi, b'a e aonga n ae ngkana I roko ao N na aki matoatoa nako imi n arou ni kamanena te m'aaka are E a tia n anganai te UEA, are te m'aka ni kateimatoa, ma tiaki n uruuru.

2.I-Korinto 2:17

B'a tiaki aroia aomata aika bati ngaira, ake a b'aini bob'aia ana taeka te Atua b'a a aonga ni kaub'ai iai; ma ti kanakoaki iroun te Atua, ao ti taetae i matana ma te nano ae itiaki i bukini Kristo.

2.I-Korinto 3:1

Ti a manga moanna naba n tabeki taekani kamoamoara? Ke ti kainanoi, n ai aroia tem'angina, reeta nako imi ke mai roumi, aika a na kaoti arora?

2.I-Korinto 7:1

Raou aika kam tangiraki, ngkai ara b'ai ma ngkami taeka n akoi aikai, ao ti na kaitiakiira mani kam'araan nako te rab'ata ma te tamnei, ao ti na kakororaoa aroni maiura n reitaki ma te Atua n arora ni maka te Atua.

I-Biribi 4:1

Ma ngaia aei, tariu aika kam tangiraki, aika kam kan noraki i rou, ae kakim'areireiau, ao au baunuea, kam na teimatoa i nanon te UEA, ngkami aika kam tangiraki.

1.I-Tetaronike 5:11

Ma ngaia ae kam na i karau nanomi, ao kam na i kateimatoaingkami, n ai aron ae kam kakaraoia.

Ebera 6:9

Ma ti bon aki nanokokoraki i roumi, ngkami aika kam tangiraki, ngkana tao ti taetae n te aro aei; b'a ti ataia b'a a a tia n reke i roumi taiani kab'aia aika raraoi riki aika reitaki ma aroni kamaiuami.