2.I-Korinto 12:11 - Te B'aib'ara

¹¹ I a tia n riki ni baba. Ao kam karika aei nako iu. I bon riai ni kamoamoaki i roumi. B'a I bon aki mangori riki nakoia taan tuatua ake kam atongiia b'a akea n ai aroia, e boni ngae ngke akea bonganau.

2.I-Korinto 12:11 ပူးပေါင်းရင်းမြစ်များ

Taeka n Rabakau 27:2

Tai kamoamoako i bon iroum ke a kamoamoako tem'angina.

Ruka 17:10

Ao ngkami naba, ngkana kam a tia ni karaoi baike kam tuangaki, ao kam na kangai, “Tooro ngaira aika akea manera; ti karaoa ti are ara m'akuri.”

1.I-Korinto 13:2

Ao ngkana iai i rou te kona n taetae ni burabeti, ma te kona n atai baika raba ni kabane, ma te atatai ni kabanea; ao ngkana e bane n reke i rou aron te onimaki are I kona ni kam'ae nako maunga iai, ma ngkana akea te tangira i rou, ao bon akea bonganau.

1.I-Korinto 3:22

B'a tao B'auro, ke Aboro, ke Keeb'a, ke aonnaba, ke te maiu, ke te mate, ke baika boou, ke baika na roko; ami b'ai ni kabane baikai,

2.I-Korinto 1:6

Ngkana ti karawawataaki, ao bon i bukini karauan nanomi ao kamaiuami; ao ngkana a karauaki nanora ao bon i bukin naba karauan nanomi are kam kona iai n taotaon nanomi nakoni maraki ake ti maraki naba iai.

2.I-Korinto 11:1

Kam bia taon nanomi nakon nanobabau ae teutana; kam na bon taon nanomi nako iu.

2.I-Korinto 11:5

B'a I taku b'a I bon aki mangori riki nakoia te koraki akana kam atongiia b'a “taan tuatua” aika akea n ai aroia!

2.I-Korinto 12:12

A a tia ni karaoaki i buakomi n te aro n taotaonaki n nano ni kabanea taiani kanikina, ma baika kamimii, ma m'akuri aika m'aka, aika e na kinaki iai te tia tuatua.

2.I-Korinto 12:6

B'a ngkana tao I kani kamoamoaai, ao I aki baba iai, b'a te bae N na taekinna bon te koaua. Ma I aki karaoia b'a e kawa n raka aron iangoau iroun te aomata i aon are e noria i rou ao are e ongo mai rou.

2.I-Korinto 3:1

Ti a manga moanna naba n tabeki taekani kamoamoara? Ke ti kainanoi, n ai aroia tem'angina, reeta nako imi ke mai roumi, aika a na kaoti arora?

2.I-Korinto 5:13

B'a ngkana ti rangirang ao bon i bukin te Atua, ke ngkana ti nano n aomata ao bon i bukimi.

I-Karatia 6:3

B'a ngkana e taku temanna n ana iango b'a e kakannato, ngke e bon aki, ao e burebureia.

I-Ebeto 3:8

I anganaki, ngai ae moan te mangori i buakoia ake a itiaki ni kabaneia, te m'akuri ae kakawaki aei, ae te tataekina nakoia aomata aika tiaki I-Iutaia taekan aroni Kristo aika kamimii, aika kangaanga aroia ni kuneaki,