2.I-Korinto 12:1 - Te B'aib'ara

¹ I bon riai ni kamoamoaai, e ngae ngkana akea te bae na reke iai; ma N na taekini baika kanga ai aron te mii ma baika kaotaki iroun te UEA.

2.I-Korinto 12:1 ပူးပေါင်းရင်းမြစ်များ

Etekiera 11:24

Ao i mwiin anne i nanoni miiu, E a tabekai rake Tamnein te UEA ao e uotai ni kaokai nakoia taenikai ake tekorakina i B'aburon. Ao e mauna nako te mii arei mairou,

Warekaia Iteraera 12:6

Ao ngke a tia n tuangiia b'a a na kakauongo raoi, ao E taku: “Bon te UEA Ngai, ae taetae nakoia burabeti n taiani kaotioti ma taiani mii.

Ioane 16:7

Ma I tuangngkami te koaua: e manena riki i bukimi nakou; b'a ngkana I aki nako, ao E aki roko iroumi te Tia Buobuoki. Ma ngkana I nako, ao N na kanakomaia nakoimi.

Ioane 18:14

Boni Kaiaba are e anga ana taeka ni buobuoki nakoia I-Iutaia, ngke e taku b'a e riai ni mate temanna i bukiia kaain aon te aba.

M'akuri 18:9

N te tairiki teuana ao kanga e mii B'auro: e taetae nakoina te UEA ni kaangai, “Tai maku, ma ko na taetae, ao tai kainab'aabu!

M'akuri 23:11

Ngke e a bong, ao E tei te UEA i rarikini B'auro ao E taku, “Ko na ninikoria! B'a ngkai ko a tia ni kaotioti i buku i Ierutarem, ao ko na manga karaoia naba i Rom.”

1.I-Korinto 10:23

A atoatonga ae kangai tem'angina i buakomi: “Ti uki ni karaoi b'aai nako.” Tao e koaua, ma a aki bane b'aai ni manena ao a aki bane naba ni kateimatoa te aba.

1.I-Korinto 14:6

Ma ngaia aei, taari, ngkana arona b'a I roko i roumi n taetae n taetae aika aki ataaki, ao tera kab'aiami iai i rou? Bon akea, ma ti ngkana I taekina nako imi kanoan te kaotioti are roko nako iu, ke n taekin taekan te atatai ma te taeka ni burabeti, ke te taeka n reirei.

1.I-Korinto 6:12

E taku ana taeka temanna, “Akea tuaau ngkana I karaoi b'aai nako.” Eng; ma a aki bane ni manena i bukim. I kona ni kangai, b'a akea tuaau ngkana I kani karaoi b'aai nako, ma akea te b'ai teuana ae na tautaeka i aou.

2.I-Korinto 12:11

I a tia n riki ni baba. Ao kam karika aei nako iu. I bon riai ni kamoamoaki i roumi. B'a I bon aki mangori riki nakoia taan tuatua ake kam atongiia b'a akea n ai aroia, e boni ngae ngke akea bonganau.

2.I-Korinto 12:5

N na tei i bukin te aomata anne ni kamoamoaa, ma N aki tei i buku ni kamoamoaai, ma ti i bukini mamarau.

2.I-Korinto 12:7

Ao i bukini kaotioti aika kamimii aroia ake I nori. Ma ngaia aei, i bukina b'a I kawa n rangi ni kamoamoaai, ao I a anganaki te bae e maraki iai rab'atau, are e m'akuri b'a ana anera Tatan i bukin oreau ao tukau b'a N na aki rangi ni kamoamoa.

2.I-Korinto 12:9

Ao E kangai nako iu, “E tau i bukim au akoi, b'a e oti aroni m'akau b'a e korakora n te mamara.” Ma ngaia ae moan te kukurei ngai ni kamoamoaai ni mamarau, b'a e aonga ni memena m'aakani Kristo i aou.

2.I-Korinto 8:10

Ao I kaota nanou n te baei: b'a e bon riai aei i roumi, ngkai kam aki ti tabeka moani karaoana, ma kam a kamani kani karaoia naba man te ririki are nako.

I-Karatia 1:12

B'a I aki anganaki iroun te aomata, ao I aki reireiaki naba taekana iroun te aomata, ma E kaotia Iesu Kristo.

I-Karatia 2:2

I nako b'a tuangau n te kaotioti are roko i rou; ao I tuangiia te euangkerio are I tataekinna i buakoia aomata aika tiaki I-Iutaia; ao I karaoa aei nakoia uake a atoatongaki b'a taani kairiri, ngke ti ngai ma ngaiia, b'a a kaawa ni matebuaka au m'akuri ake I a tia ni karaoi n taai aika nako, ao aika I karaoi ngkai.

I-Ebeto 3:3

b'a e kaotaki nako iu te baere raba n te kaotioti, n ai aron are I a tia ni korea taekana ni kauarerekea nakoimi;

1.I-Tetaronike 4:15

B'a ae ti tuangngkami aei bon ana taeka te Uea: ngaira aika ti maiu aika ti tiku ni karokoa rokon te Uea ti na bon aki nako n rimoaia ake a tia ni mate.

1.Ioane 5:20

Ao ti ata Natin te Atua b'a E a roko, ao E anganira te atatai, b'a ti na ata Teuare koaua; ao ti nim ma Teuare koaua, ti reitaki ma Natina are Iesu Kristo. Bon aei te Atua ni koaua, ao te maiu are aki toki.