2.I-Korinto 11:3 - Te B'aib'ara

³ Ma I maaku b'a a kawa n anaaki nanomi, n ai aron Nei Ewa ngke e m'am'anaki n nanowanawanan te naeta, ao kam kitana aromi n reitaki ma Kristo ae nako raoi ma n itiaki.

2.I-Korinto 11:3 ပူးပေါင်းရင်းမြစ်များ

Karikani B'aai 3:1

Ao e rangi ni wanawana riki te naeta mai buakoia maan aika kawakawa aika E kariki te Atua. Ao E titiraki te naeta nakon te aine ni kaangai, “E tuangngkami te Atua b'a kam na aki kang uaani kaai man te nne n aroka?”

Karikani B'aai 3:13

Ao E a manga titirakina neierei te UEA ae te Atua ni kaangai, “E aera ngkai ko karaoa aei?” Ao e kaeka neierei ni kaangai, “E kam'aneai te naeta b'a N na kanna.”

Karikani B'aai 3:20

Ao e arana buuna Atam b'a Ewa i bukina ngke boni ngaia tinaia aomata ni kabane.

Karikani B'aai 3:4

Ao e kaeka te naeta ni kaangai, “Bon te kaairua anne; kam na bon aki mate

Taian Areru 119:53

I rangi n un irouia aomata aika buakaka aika urua am Tua.

Mataio 24:24

B'a ane a na kaoti taiani Kristo ni kewe ma burabeti ni kewe, ao ane a na kaoti kanikina aika ab'ab'aki ma b'aai ni kamimii, b'a a na burebureia ana aomata te Atua ake E a tia n rineia, ngkana a konaiia.

Ioane 8:44

Natin tamami are te riaboro ngkami, ao nanomi ti te kani karaoa are e tangiria tamami. Te tia kamaamate ngaia ma rimoa, ao e aki b'ab'aina te koaua, b'a akea te koaua i nanona. Ngkana e kewe, ao e boni kaota anuana: b'a te tia kewe ngaia, ao boton te kewe.

I-Rom 12:8

Ngkana te kona ni kaungaa, ao ti na kaungaia aomata; ngkana te kona ni buokanib'ai, ao ti na i buokanib'ai ma te nanoraoi; ngkana te kona ni kairiri, ao ti na karaoia nakon ara kabanea n tamaroa; ao ngkana ti kona ni karaoa te m'akuri n nanoanga nakoia aomata, ao ti na karaoia ma te nano ni kukurei.

2.I-Korinto 1:12

B'a aio kamoamoara, ao ana kaotioti mataniwin nanora: b'a n arora ni maiu n te aonnaba aei, ao ai moa ra riki n arora nako imi, ao ti a tia ni b'aina te maiu ae tabu ae itiaki are mairoun te Atua, tiaki n te rabakau n aon te aba, ma n ana akoi te Atua.

2.I-Korinto 11:20

B'a kam taon nanomi ngkana e toroningkami temanna, ngkana e kurib'aingkami temanna, ngkana e kam'aneingkami temanna, ngkana e kakeaa bonganami temanna, ao ngkana e oroubuingkami temanna.

2.I-Korinto 11:29

Antai ae mamara, ao I aki mamara? Antai ae kab'akaki nakon te bure, ao e aki maraki nanou iai?

2.I-Korinto 2:17

B'a tiaki aroia aomata aika bati ngaira, ake a b'aini bob'aia ana taeka te Atua b'a a aonga ni kaub'ai iai; ma ti kanakoaki iroun te Atua, ao ti taetae i matana ma te nano ae itiaki i bukini Kristo.

2.I-Korinto 4:2

ma ti aki maiuakini baika raba aika b'aai ni kamamaa, ao ti aki b'aina te maiu ni bureburea te aba; ao ti aki naba kab'aoua ana taeka te Atua. Ma ti kaotioti arora aika raraoi, ni kaotiotan te koaua nakoni mataniwin nanoia aomata ni kabaneia i matan te Atua.

I-Karatia 1:6

I mimi ngkai kam kai rairaki mairoun Teuare weteingkami n ana akoi Kristo, nakon te euangkerio teuana;

I-Karatia 2:4

E riki aei i bukiia taari ni kewe ake a karinaki ni karabaaki i buakora b'a a na taratarai aroni inaomatara are reke iroura n reitakira ma Kristo Iesu. A tangiria b'a a na tau-toronira,

I-Karatia 3:1

I-Karatia aika kam nanobaba, antai ae m'am'anaingkami, ngkami aika E kaotaki raoi taekani Iesu Kristo i matami, b'a E tauraki n te kaibangaki?

I-Karatia 4:11

I maaku iroumi, b'a e kaawa ni matebuaka au m'akuri i bukimi.

I-Ebeto 4:14

b'a ti aonga n toki man arora n ataei, n uouotaki nako i aon naao ma ni katiotioaki n aki akaaka n taian ang aika reirei nako mairouia aomata aika taani m'am'anaa te aba, aika kairiia aomata nakon te kairua n aia m'akuri ni wanawana aika bureburea te aba.

I-Ebeto 4:22

Kam na kaaki te aomata nikawai are aromi ni maiu ngkoa, are riki ni buakaka i bukin iran taian nano n kaib'ab'aru aika a m'am'anaa te aba.

I-Ebeto 6:24

E na mena te akoaki irouia aomata ni kabaneia ake a tangira ara UEA are Iesu Kristo n te tangira ae akea tokina.

I-Korote 2:18

Kam na tai kariaia b'a e na baireaki taekami b'a kam aki tau iroun temanna are taku b'a e kakannato riki, i bukina b'a e a tia n nori baika kanga taiani mii, ao are e imanonoa b'ainakin te baka n nanorinano ma taromauriaia anera. Akea manenani kainikatongana i bukina b'a e b'aina te nano n aon te aba,

I-Korote 2:4

I atonga aei b'a e kawa temanna ni m'am'anaingkami n taeka n anai nano.

I-Korote 2:8

Kam na taraia b'a e kawa temanna ni kairingkami n te rabakau n aomata ae akea bongana ae m'am'ana te aba, ae nako man aia taeka n reirei aomata ao mani baika iai m'aakaia n te aonnaba aei, ma tiaki mairouni Kristo;

1.I-Tetaronike 3:5

Ma ngaia arei, ngke I aki kona ni kamaanai riki n taona nanou, ao I kanakoa Timoteo nako imi b'a I aonga n ata aron ami onimaki; b'a I raraoma ngkana tao kam a tia ni kairaki iroun te tia kariri, ao a matebuaka ara m'akuri.

1.Timoteo 1:3

Ko na tiku i Ebeto, n ai aron are I tuangko ngkoa ngke I nako M'aketonia; ao tuangiia aomata tabem'aang ikekei b'a a na tai reireia te aba te koaua ae kaokoro,

1.Timoteo 2:14

ao e aki m'am'anaki Atam, ma e m'am'anaki te aine, ao e riki b'a te tia ri aon ana tua te Atua.

2.Timoteo 3:13

ma aomata aika buakaka ma aika m'am'anaa te aba n aroia n atongiia b'a aomata tabem'aang ngke bon tiaki ngaiia; ane a na rikirake aroia man ae buakaka nakon ae buakaka riki, ni bureburea te aba ao ni burebureaki i bon i rouia.

Tito 1:10

B'a a m'aiti aomata aika rawa ni kani kairaki, aika taani b'arantiko ma taani bureburea te aba; ao m'aitin te koraki anne boni kaain te kaitiakaki.

Ebera 13:9

A na tai anaaki nanomi n aeka n reirei nako aika kaokoro ma taekan te euangkerio. B'a e raoiroi ae reke kateimatoan te nano n te akoi, ma tiaki n taian am'arake, aika akea kab'aiaia iai akana katabeia iai.

2.Betero 3:17

Ma ngaia aei, ngkami aika kam tangiraki, ngkai kam a kaman atai baikai, ngkai a tuai n roko, ao kam na tarataraingkami b'a kam kaawa ni b'aka man teimatoami n anaakin nanomi n aia bure akana buakaka.

2.Betero 3:3

Aio moa ae na ataaki, b'a ni boong aika kabaneani boong, ao a na roko taani kakaniko ni kakaniko n aroni kairaia n oin nanoia ni kaib'ab'aru,

1.Ioane 2:18

Ataei, aei te kabanea n aoa; ao n aron are kam ongo b'a e nangi roko ana kairiribai Kristo, ao bon iai ngkai ana kairiribai Kristo aika bati aika kaoti. Ma ngaia ae ti ataia iai b'a aei te kabanea n aoa.

1.Ioane 4:1

Ngkami aika kam tangiraki, kam na tai iri nanoia tamnei ni kabaneia, ma kam na neneri aroia ni kakoauai b'a tao mairoun te Atua ke tiaki: b'a a bati burabeti ni kewe aika a tia ni waki n aia m'akuri i aonnaba, ao ae a boni waki naba ngkai.

Iuta 1:4

B'a a karabaia n rin n te ekaretia aomata tabem'aang aika kaburea taekinan ana akoi te Atua b'a a aonga n reke aonaia iai n aroia n tam'are, ao a kakeaa te Toka are ti temanna are ara Uea, are Iesu Kristo. A kaman taekinaki te koraki aei ngkoangkoa b'a a na motikaki taekaia ni kabuakakaki i bukin aroia aei.

Te Kaotioti 12:15

Ao te naeta e katinakoa te ran ae kanga ai aron te karaanga mai wina b'a e na raanga n ri mwin te aine, b'a e aonga n ae e uota nako neierei.

Te Kaotioti 12:9

Ao e teweaki nako mai eta te rakon are korakora, are te naeta are ngkoangkoa, are arana te Riaboro ke Tatan, are m'am'anaia kaain aonnaba ni kabaneia: e teweaki nako aon te aba, ao a teweaki nako naba ana anera ma ngaia.

Te Kaotioti 20:2

E taua te rakon, are te naeta nikawai, are te riaboro are Tatan; ao e kabaea n te taurekereke ao e tewea nako Abuto, ao e kaina mataroana ao e kanikinaea aona b'a e aonga n aki kaukaki. E na tiku ikekei i nanon teuana tengaa te ririki, b'a e aonga n aki manga m'am'anaia botannaomata nako. E na boni kainaomataki rimwi, ma e na aki maan ana tai n inaomata.