2.I-Korinto 11:28 - Te B'aib'ara

²⁸ Ao raoni b'aai aika I aki kan taekin bon tabeaiangan nanou ae korakora n te bong ae koraki i bukiia taian ekaretia ni kabaneia.

2.I-Korinto 11:28 ပူးပေါင်းရင်းမြစ်များ

M'akuri 15:36

I mwin tabe bong, ao e taku B'auro nakoni B'arenaba, Ti na manga nako ni kawariia tarira ni kaawa nako ake ti taekina ana taeka te UEA iai, b'a ti na noori aroia.

M'akuri 18:23

E tiku ni kamanna iai teutana, ao i mwina e kitanna n nako ni kawara te aba are Karatia ma Berukia, ni kakorakoraia taan onimaki ni kabaneia iai.

M'akuri 20:2

Ngke e tia n ri nukan aaba akekei, ni kaungaia ake a onimaki n taeka aika bati, ao e roko i Erene.

M'akuri 9:31

E wene n rau ngkanne te ekaretia i aon Iutaia ni kabuta, ma Kariraia, ma Taamaria, ao e kateimatoaki; a kaotia ni maiuia kaaina b'a iai karinean te Atua i rouia, ao e rikirake m'aitini kaaina n ana buobuoki te Tamnei are Raoiroi.

I-Rom 1:14

Iai tabeu ae I riai ni karaoia nakoia I-Erene ma aomata aika tiaki I-Erene, ao nakoia aika reireiaki ma aika aki reireiaki;

I-Rom 11:13

I taetae nakoimi ngkami aika tiaki I-Iutaia; b'a ngkai aia tia tuatua aomata aika tiaki I-Iutaia ngai, ao N na taua nakoau aei b'a te b'ai ae rangi ni kakawaki i rou.

I-Rom 15:16

b'a ana tia m'akuri Iesu Kristo ngai i bukiia aomata aika tiaki I-Iutaia. I m'akuri b'a ai aron te ibonga ngai n tataekina ana euangkerio te Atua, b'a a aonga n riki aomata aika tiaki I-Iutaia b'a ai aroni karea aika E na kukurei te Atua i rouia, aika a tia ni katabuaki i bukina iroun te Tamnei are Raoiroi.

I-Rom 16:4

ake a kuri ni kabuanib'ai ngke a anga maiuia i buku. I rangi ni kaitau nakoia; ma tiaki ti ngai, b'a a kaitauaki naba irouia ekaretia ake tiaki I-Iutaia kaaina.

1.I-Korinto 7:17

Ma ae kakawaki b'a a na kaotiia aomata nako ni maiuia b'a iai katauaia are a anganaki mairoun te UEA ngke a weteaki iroun te Atua. Ao bon aei naba au taeka are I tuangiia ekaretia ni kabaneia.

I-Korote 2:1

B'a I tangiringkami b'a kam na ata arou ni kakorakoraai ni m'akuri i bukimi, i bukiia ake i Raorikeia, ao i bukiia naba aika m'aiti aika tuai n nora matau.