2.I-Korinto 11:26 - Te B'aib'ara

²⁶ Ni m'am'anangau aika bati ao I kaitara ma kanganga aika I kuri ni kabuanib'ai iai, aika kanganga man taiani karaanga, mairouia taani kam'arua, mairouia au botannaomata, mairouia aomata aika tiaki I-Iutaia, man te kawa, i nanon te rereua, i marawa, mairouia taari ni kewe;

2.I-Korinto 11:26 ပူးပေါင်းရင်းမြစ်များ

M'akuri 13:45

Ma ngke a nooriia aomata aika bati I-Iutaia, ao a rangi ni bakantang; a kakewei taeka ake a atongaki irouni B'auro, ao a kabuakaka B'auro.

M'akuri 13:50

Ma a kaunaki irouia I-Iutaia aine ake a kakannato ake a kakaonimaki nakon ana kaantaninga te Atua, ao a kauniia naba mm'aane ake a kakannato n te kaawa, ao a karaoi m'akuri ake a riki ni b'ainikirinaki iai B'auro ma B'arenaba irouia aomata, ao a kakioia nako man abaia.

M'akuri 14:19

Iai I-Iutaia tabem'aang aika roko mai Antioka, ao mai Ikonio n anai nanoia aomata. A karebanaa B'auro, ao a uakinna nako tinanikun te kaawa, b'a a taku b'a e a mate.

M'akuri 14:5

A reke nanoia I-Iutaia ma ake tiaki I-Iutaia ma aia tia tautaeka nako b'a a na b'ainikirina B'auro ma B'arenaba ma ni karebanaia.

M'akuri 15:40

ma B'auro e rinea Tira, ao a nako, ngke a tia ni mwiokoaki taekaia nako nanoni bain te UEA, b'a a na kakab'aiaki n ana akoi.

M'akuri 17:13

Ma ngke a ataia I-Iutaia ake i Tetaronike b'a e taekinaki naba ana taeka te Atua irouni B'auro i Beroia, ao a roko naba iai n aki karauia aomata, ao ni kakiriweia.

M'akuri 17:5

Ao a bakantang I-Iutaia, ma ngaia are a bobootiia aomata tabem'aang aika buakaka ake a roko n akea bongaia n te tabo ni m'akete, ao ngke a m'aiti aia koraki, ao a kakiriwea te kaawa. A ninia ma n urua ana auti Iaton n ukoukoria uakekei, b'a a na kaotiia nakoia aomata.

M'akuri 18:12

Ma ngke te tia tautaeka i Akaia Kario, ao a kabo nanoia I-Iutaia n eweka B'auro, ao a kairia nako matan te tabo ni motiki-taeka

M'akuri 19:1

Ngke e mena Aboro i Korinto, ao B'auro e ri nukan aaba ake i eta, ao e roko i Ebeto; ao e kuneia Kristian tabem'aang iai.

M'akuri 19:23

I nanon taai akanne ao e riki te kiriwe ae korakora i bukin te Aro.

M'akuri 20:19

Ao I beku i bukin te UEA ma te nanorinano ni kabanea, ma rannimatau, ri buakoni kataaki ake a b'akarai n aia m'akuri ni kam'am'ane I-Iutaia.

M'akuri 20:3

E tiku iai tenua nam'akaina; ao ngke e nangi borau nako Turia, ao iai I-Iutaia ake a na kam'arua; ma ngaia are e a reke nanona ngkanne b'a e na oki n ri nuukani M'aketonia.

M'akuri 23:10

Ngke e riki te kauntaeka ae korakora, ao e makuia aomata aia mataniwi tautia b'a a kaawa n raebitia B'auro; ma ngaia are e tuangiia tautia b'a a na ruo n anaa B'auro mai buakoia, ao a na kairiia nako nanoni neia tautia are matoatoa.

M'akuri 25:3

b'a e na buoki nanoia ni kaoa B'auro nako Ierutarem, b'a a tia n aia iango b'a a na kamatea i aoni kawaina.

M'akuri 27:42

E a tia aia iango tautia b'a a na kamateia buure b'a e kaawa n ua nako temanna i rouia, ao e reke inaomatana.

I-Rom 15:19

Ao N na bon ninikoria naba n taekina aroni Kristo ni karaoani kanikina ma m'akuri aika kamimii ni m'aakan te Tamnei are Raoiroi. Ma ngaia are, ni m'anangau nakon taabo nako ake I a tia n roko iai, mai Ierutarem ni karokoa aonon Iruriko, ao I a tia n tataekina euangkerioni Kristo.

I-Rom 8:35

Antai ae na karaureira ma tangirara irouni Kristo? Te rawawata, ke te maraki, ke te b'ainikirinaki, ke te rongo, ke te aki-kunnikaiaki, ke te kabuanib'ai, ke te mate?

1.I-Korinto 15:30

Ao bukin tera ngkai ti a boni kakaitara naba ma taiani kaoanikai ni katoa te aoa?

1.I-Korinto 15:32

Ngke arona b'a I un ma maan aika tiritiri i Ebeto ao I b'aina te nano n aomata, ao tera manenana i rou? Ngkana arona b'a a aki manga kamaiuaki maate, ao e kangai te taeka n rabakau teuana, “Ti na am'arake ma ni mooi, b'a ae ti na mate ningabong.”

2.I-Korinto 11:32

I Tamateko, ao e kateia tem'angina te tia tautaeka are i aan te uea are Areta b'a a na tantani i rarikini mataroani kawai n rin n aia kawa I-Tamateko, b'a a na tauai;

I-Karatia 2:4

E riki aei i bukiia taari ni kewe ake a karinaki ni karabaaki i buakora b'a a na taratarai aroni inaomatara are reke iroura n reitakira ma Kristo Iesu. A tangiria b'a a na tau-toronira,