2.I-Korinto 11:25 - Te B'aib'ara

²⁵ Tenua kataereau n taiani kai, teuana karebanau n taian atiibu, tenua au tai are I toka iai i aoni kaibuke ao a uruaki ngke a koro, ao I kabanea teuana te bong ao teuana te ngaina ni mena i nanoni marawa.

2.I-Korinto 11:25 ပူးပေါင်းရင်းမြစ်များ

Mataio 20:19

ao a na anga Ngaia nakoia ianena ake a na b'ainingareia, a na kataerea, ao a na kamatea n te kaibangaki; ma E na manga uti n te katenibong.”

Mataio 21:35

Ma taan tararua te onaroka a tauia ana toro; ao a batiboa temanna, ao a kamatea temanna, ao a karebanaa temanna n te atibu.

M'akuri 14:19

Iai I-Iutaia tabem'aang aika roko mai Antioka, ao mai Ikonio n anai nanoia aomata. A karebanaa B'auro, ao a uakinna nako tinanikun te kaawa, b'a a taku b'a e a mate.

M'akuri 14:5

A reke nanoia I-Iutaia ma ake tiaki I-Iutaia ma aia tia tautaeka nako b'a a na b'ainikirina B'auro ma B'arenaba ma ni karebanaia.

M'akuri 16:33

Ao e kaira B'auro ma Tira n aoan te tairiki naba anne, ao e teboki mwini kaiia; ao e a b'abetitoaki naba ngkekei ma kaain ana auti ni kabaneia.

M'akuri 16:37

Ma e taku B'auro nakoia bureitiman, “A kataereira i mataia aomata, n akea kabowian taekara, ao I-Rom ngaira. A kaakira i nanon te karabuuti, ao a nang kanakoira ngkai ni karaba kanakoara? E aki riai; ma a na bon nako mai ngaiia ni kaotinakoira.”

M'akuri 22:24

Ao e anga ana taeka aia mataniwi tautia b'a e na kairaki B'auro nako nanoni neia tautia are matoatoa, ao e tua b'a e na kataereaki ni kakaeaki mai rouna b'a tera ana bure are a takaruaia iai aomata n ekianako, b'a e aonga n ataia raoi.

1.Timoteo 1:19

ao kawakina am onimaki ma mataniwin nanom ae e raoiroi. Iai tabem'aang aika rawa n ongo ni b'anaan mataniwin nanoia ae e raoiroi ao a karika te kabuanib'ai nakon aia onimaki, kanga ai aron te kaibuke ae koro ao e uruaki;

Ebera 11:37

A karebanaki n atibu, a kaririaki, a korouaki n taao, a kamateaki n te kabaang, a tiotio nako ni kunnikaiia ni kunnikai aika karaoaki mani kuniia tiibu ma kooti. Akea aia b'ai, a kamarakaki, a b'ainikirinaki;