2.I-Korinto 11:22 - Te B'aib'ara

²² Ebera uakekei? Ngai naba. Iteraera uakekei? Ngai naba. Kanoan Aberaam uakekei? Ngai naba.

2.I-Korinto 11:22 ပူးပေါင်းရင်းမြစ်များ

2.Rongorongo 20:7

Atuara, ko kanakoia botannaomata ake a maeka n te aba aei i m'aain riniia am aomata aika Iteraera ikai, ao ko anganiia ana kariki raoraom are Aberaam n aki toki.

Te Otinako 10:3

Ma ngaia are, a nako Moote ma Aaron nakon te uea ao a taku, “E kaangai ana taeka te UEA ae Atuaia Ebera, “Maan ra riki ngkoe n rawa ni konaaki i rou? Ko na kanakoia au aomata, b'a aonga n taromauriai.

Te Otinako 3:18

Ane a na kakauongo i roum taani kairiiri i bukiia Iteraera. Ao i mwiina, ko na kairiia nakon uean Aikubita ao ko na kaangai, “E a tia ni kaoti te UEA ae Atuaia Ebera. Ko na kariaia b'a ti na nako n nakonako i nanon tenua te bong n te rereua, ike ti na konaa n anga iai ara karea nako Ina.”

Te Otinako 5:3

Ao a taku, “E a tia ni kaoti te UEA ae Atuaia Ebera nako ira. Ti butiiko b'a ko na kariaia b'a ti na nakonako i nanon tenibong nakon te rereua ike ti konaa n anga iai ara karea nako ina. Ngkana ko aki, ao e na oroira n te kangaanga ae e kakamaaku ke n te buaka.”

Te Otinako 7:16

Ko na tuangnga ni kaangai, “E kanakoai te UEA ae Atuaia Ebera b'a N na tuangko b'a ko na kanakoia Ana aomata, b'a aonga ni konaa n taromauriia n te rereua. Ma ko tuai man ongo ni karokoa te tai aei.”

Te Otinako 9:1

E kanakoa Moote te UEA ma te rongorongo ae e kaangai nakon uean Aikubita: Te UEA ae Atuaia Ebera e tuangko ma te matoa b'a ko na kanakoia ana aomata, b'a aonga ni kona n taromauriia.

Te Otinako 9:13

Ao E taku te UEA nakon Moote, “N te moa n ingabong ningabong kam na kawara te uea ao tuangnga ana taeka te UEA ae Atuaia Ebera, ae kaangai, “Ko na kanakoia au aomata, b'a a aonga n taromauriai.

Mataio 3:9

ao tai taku i nanomi ni kangai, Iai tamara b'a Aberaam; b'a I taku nako imi, b'a E kona te Atua ni karikiia natin Aberaam man atibu aikai!

M'akuri 22:3

Bon te aomata ae te I-Iutaia ngai, ae I bungiaki i Taareto are i Kirikia, ma I ikawai rake n te kaawa aei, ao I reireiaki irouni Kamariera. I reireiaki n aia tua ara bakatibu n arona ni kabanea, ao e bane nanou nakon te Atua, n ai aromi naba ni kabaneingkami n te bong aei.

M'akuri 6:1

Ao ni boong akekei, ngke e tabe n rikirake m'aitiia aomata ake a onimakina Iesu, ao a ngurengure I-Iutaia ake a b'aina te taetae n Erene irouia raoia n I-Iutaia ake a b'aina te taetae n Ebera, i bukina ngke akea tib'aia aia aine, ake a tia ni mate buia, ae e reke n te tib'atib'a n te bong ae koraki.

I-Rom 11:1

E kaangai ngkanne au titiraki, E kaaki taekaia ana botannaomata te Atua? E bon aki! Bon te Iteraera naba ngai, ae kanoan Aberaam, ae kaain te baronga are Beniamin.

I-Rom 9:4

ake Iteraera, ake a tabekaki iroun te Atua b'a natina, ake E kaota mimitongina nakoia, ao E karaoi taiani boraraoi ma ngaiia; E anganiia te Tua, ao e reke i rouia te aro n taromauri ni koaua, ma taeka n akoi,

I-Karatia 3:16

A atongaki taian taeka n akoi nakon Aberaam ao nakon ana kariki, ni kaotia b'a e aki nanonaki iai aomata aika bati, ma e kaangai, ao nakon am kariki, ni kaotia b'a ti temanna ae nanonaki iai, b'a Kristo.

I-Biribi 3:5

I korotabonim'aneaki n te kawani bong, ao te Iteraera ngai n rikiu, ao kaain te baronga are Beniamin, ao te Ebera mairouia Ebera; ao n reitaki ma te Tua, bon te B'aritaio ngai;