2.I-Korinto 11:2 - Te B'aib'ara

² B'a e rangi ni korakora nanou n tauaninne i roumi n ai aroni korakoran nanon te Atua; ai aron te ateiaine ae itiaki ngkami ae I kainroua ma te mm'aane ae ti temanna, are boni Kristo.

2.I-Korinto 11:2 ပူးပေါင်းရင်းမြစ်များ

Itaia 54:5

E tautaekana te aonnaba ni kabane te UEA ae Moan te M'aaka ae Atuaia Iteraera ae e Tabu. Bon te tia karikiko ao buum, ao e na bon kamaiungkami.

Etekiera 44:22

E riai te ibonga n aki mare ma te aine ae e mate buuna, e na ti mare ma ataeinainen Iteraera ke buun te ibonga temanna ae e a tia ni mate.

Ioane 3:29

Teuare e mena i rouna te aine ae a tib'a iein, ao bon te tia iein; ao raoraon te tia iein are te mm'aane, e teitei ao e rangi ni kim'areirei ngke e ongo b'anaan te tia iein. Ao aei bukin ae I rangi ni kim'areirei iai.

I-Rom 7:4

Ao ai aromi naba, tariu, b'a kam mate naba nakon te Tua ngkai b'ain rab'atani Kristo ngkami; b'a kam aonga n riki b'a ana b'ai Temanna, are Teuare kamaiuaki mai buakoia maate, b'a ti aonga ni bongana iroun te Atua.

1.I-Korinto 4:15

B'a e ngae ngkana tebwina tengaa m'aitiia aomata aika reireingkami taekani Kristo, ma ti temanna tamami: I riki b'a tamami i nanoni Kristo Iesu n te euangkerio are I uotia nako imi.

2.I-Korinto 4:14

b'a ti ataia b'a Teuare E a manga uti ara UEA are Iesu i Rouna, ti na maiu naba i Rouna ni botaki ma Iesu, ao E na kaotira ma ngkami i matan Iesu.

I-Karatia 4:11

I maaku iroumi, b'a e kaawa ni matebuaka au m'akuri i bukimi.

I-Biribi 1:8

B'a au tia kakoaua te Atua, b'a I tangiringkami ni kabaneingkami n ai aron tangirami irouni Kristo Iesu.

I-Korote 1:28

Boni ngaia are ti tataekinna, n tuatuangia aomata ni kabaneia ma n reireiia n te rabakau ni kabane, b'a ti aonga ni kaotiia aomata ni kabaneia b'a a ikawai ni maiuia n reitaki ma Kristo;

1.I-Tetaronike 2:11

Ao kam bon atai naba arora nako imi b'a kanga aron te tama nakoia oin natina.

Te Kaotioti 14:4

Te koraki aei bon ake a aki kam'araeaki irouia aine, b'a roronga ngaiia aika tuai ni bo ma aine. Boni ngaiia ake a irira te Tiibuteteei nako ike E nako iai. A a tia ni kamaiuaki mai buakoia kaain aonnaba, ao a riki b'a ana aomata te Atua ma te Tiibuteteei: ti te bo ngaiia ma moa n uaa ake a anga aomata nakon te Atua b'a ana b'ai.