2.I-Korinto 11:15 - Te B'aib'ara

¹⁵ Ma ngaia ae tiaki te b'ai ae e na iruwa te aba iai ngkana a onikia naba taani m'akuri i bukin Tatan b'a kanga taani m'akuri i bukini karaoan nanon te Atua; ao tokiia, a na karekea booni mwin aia m'akuri.

2.I-Korinto 11:15 ပူးပေါင်းရင်းမြစ်များ

2.Uea 5:13

Ao e kawaria ana tia m'akuri ao e taku nako ina, “Teuae ko karineaki! Ngkana e tuangko te burabeti b'a ko na karaoa te b'ai ae e kangaanga arona, ao ko na boni karaoia naba. Ao bukin tera ngkai ko na aki karaoa te b'ai ae e tuangko? Naako tebotebo ao e na toki aorakim.”

Ieremia 29:32

E a tia n taetae nako imi b'a kam na aki ongotaeka nako iu. Ma ngaia are, N na katuaaea Temaia. Ngaia ma ana kariki a na kaai n aki noora te b'ai ae e raoiroi ae N na karaoia nako ia Au aomata. Bon aei Au taeka Ngai ae te UEA.

Ieremia 5:31

A anga aia rongorongo taiani burabeti n aran te anti ni kewe. a aki tangiria au ibonga ni m'akuri i buku ma ngkami-Au aomata ni koaua kam tangira te kawai aei! Ma i nanon tain te kabuanib'ai anne, kam na rairaki nakon antai i bukin buokami?

Etekiera 13:22

A karaoi b'aai aika N na bon aki karaoi. A keweia aomata aika a raoiroi ao a kaungaia b'a a na karaoi m'akuri aika a kaairua, ao a anai nanoia aomata aika a buakaka b'a a na teimatoa ni karaoa te bure ma ni kaburei toroni maiuia.

M'akuri 13:10

Ngkoe ae natin te riaboro, ae ko on n te uarao ni kabanea ma aaro ni babakanikawai ni kabanea, ae ana kairiribai te raoiroi ni kabanea, ko aki kona n toki man arom ae te atong koaua mairoun te Atua b'a keewe?

I-Rom 2:6

B'a E na bon angania aomata nako booni mwin aia m'akuri.

I-Rom 3:8

Ao e aera ngkai kam aki atonga ae kaangai, “Ti na karaoi baika bubuaka b'a e aonga n roko iai te raoiroi”? N ai aron are I kabuakakaki iai irouia aomata tem'angina ake a bukinai b'a a taku b'a au taeka. A riai motikan taekaia!

1.I-Korinto 9:11

Ngkana ti a tia ni kamaae n uniki koraa i nanomi ni baika reitaki ma ana kaantaninga te Atua, ao e na iai te nakobuaka i roumi ngkana ti karekei mai roumi uaani mwin ara m'akuri, aika b'ain te maiu aei?

2.I-Korinto 11:13

B'a te koraki akanne bon taan tuatua ni kewe, aika taani m'am'ana te aba n aia m'akuri, ao a onikia b'a aongkoa ana taan tuatua Kristo.

2.I-Korinto 11:23

Ana taani m'akuri Kristo uakekei? I taetae n ai aron ae baba: i aoia riki ngai; b'a I m'akuri korakora riki nako ia, a bati riki au tai ni kabureaki, a bati riki au tai ni kataereaki, ao a bati riki au tai ae e kaani mateu iai.

2.I-Korinto 3:9

B'a ngkana iai mimitongin te m'akuri ni kabuakaka, ao ai m'aiti ra riki mimitongin te m'akuri i bukini karaoan nanon te Atua.

I-Ebeto 6:12

B'a ti aki buaka ma aomata, ma ti buaka ma uea, ma ake a korakora, ma taan tauu taekan aonnaba aika taan taua aron te roo aei, ma taian tamnei aika buakaka ake i aani karawa.

I-Biribi 3:19

Bon te mate tokiia, ao a atuani birotoia; a kamoamoaia ni baika a riai ni mamaa iai, ao ti te iangoi b'ain aon te aba.

2.Betero 2:3

I bukin aroia ni kani b'aib'ai ao ane a na karekei aia b'ai mai roumi n taeka n reirei ni kewe. E a kaman tauraoi ma ngkoa i bukiia motikan taekaia ni kabuakakaki, ao ae e teimatoa naba n tiku n taningaia te aro are a na kamaunaki iai.

Iuta 1:4

B'a a karabaia n rin n te ekaretia aomata tabem'aang aika kaburea taekinan ana akoi te Atua b'a a aonga n reke aonaia iai n aroia n tam'are, ao a kakeaa te Toka are ti temanna are ara Uea, are Iesu Kristo. A kaman taekinaki te koraki aei ngkoangkoa b'a a na motikaki taekaia ni kabuakakaki i bukin aroia aei.

Te Kaotioti 13:14

Ao e m'am'anaia ake a maeka i aon te aba ni kanikina ake e anganaki b'a e na karaoi i matan te man are moa ni kaoti; ao e tuangiia ake a maeka i aon te aba b'a a na karaoa te bouananti ae na katotonga aron tein rab'atan te man are aki mate ngke e ikoaki n te kabaang.

Te Kaotioti 13:2

Ao te man are I noria ai aron te reb'ari, ao waena ai aroni waen te bea, ao wina ai aroni wiin te raian. Ao e anga m'aakana te rakon nakoina, ao e anganna naba ana kaintokanuea ma m'aakana n tautaeka ae korakora.

Te Kaotioti 9:11

Iai aia uea b'a aneran te tabo are Abuto. Aran te anera anne n te taetae n Ebera bon Abaton, ao n te taetae n Erene Aboruon.