2.I-Korinto 11:12 - Te B'aib'ara

¹² Ma ae I karaoia ao N na boni karaoia naba, b'a I aonga ni katoki wiia “taan tuatua” ake tabeman ake a taku b'a n aia m'akuri are a kamoamoaia iai ao bon ti te bo aroia ni m'akuri ma arora.

2.I-Korinto 11:12 ပူးပေါင်းရင်းမြစ်များ

Iobi 23:13

E aki kona ni bitaki; bon akea ae kona n rairia, ke ni katokia man karaoan te b'ai are E tangiria

Mataio 26:16

Ao man te tai arei ao e ukoukora ana tai ni kam'anea.

1.I-Korinto 5:6

E aki raoiroi b'a kam na kamoamoa. Kam aki ata te iiti ae ti teutana b'a e kona ni karikirakea te buraawa are na karikaki?

1.I-Korinto 9:12

Ngkana iai aia riai tem'angina ni karekei tib'angaia n ami b'ai, ao tiaki e a moamoa riki ara riai ni karekei tib'angara n ami b'ai? Ma e boni ngae n anne, ma ti a tia n aki b'aina arora aei nako imi; ma ti taotaon nanora nakoni b'aai nako b'a ti aonga n aki tutuka kawain Euangkerion Iesu Kristo.

2.I-Korinto 1:17

I nano tiotio iai ngke I karaoa au iango aei? Ke I karaoi au iango ma te nano n aomata are tauraoi n atonga ae kangai, “Eng, eng” ao “Tiaki, tiaki” n te tai ae ti teuana?

2.I-Korinto 10:17

B'a e kangai te B'aib'ara, “Ane kamoamoa, ao ke e kamoamoa iroun te UEA.”

2.I-Korinto 11:18

Ngkai a kamoamoaia aomata aika bati i bukin nanoia n aomata ao ngai N na kamoamoaai naba.

2.I-Korinto 11:9

Ngke I mena i roumi ao I bon aki karawawata temanna ngkana iai te b'ai ae I kainanoia: b'a te bae I kainanoia e a reke mairouia taari ake a nako mai M'aketonia. I a tia ni kawakinai b'a N na aki riki b'a te b'ai ni karawawata ngai nako imi ni b'aai ni kabane, ao N na manga boni kawakinai naba maiai.

2.I-Korinto 5:12

Ti aki manga kani kamoamoaira riki nako imi; ma ti kani kaota nako imi bukin te bae kam na kamoamoa iai i bukira, b'a kam aonga ni kona ni kaekaia te koraki ake a kainikatonga i bukin aron taraan te aomata, ma tiaki n aron anuana.

I-Karatia 1:7

b'a bon akea riki te euangkerio teuana, ma ti iai tabem'aang aika aki karaungkami, aika kani kab'aoua euangkerioni Kristo.

1.Timoteo 5:14

Ma ngaia ae I tangiriia riki ateiaine aika a mate buia b'a a na iein, a na karikiia natiia, a na tararuaia aia utu, ao a na aki karekea te anga are e na kabuakakaira iai te kairiribai;