2.I-Korinto 11:10 - Te B'aib'ara

¹⁰ Ngkai iai i rou te koaua are mairouni Kristo, ao I kakoaua b'a e na bon aki katokaki kamoamoau aei mai rou n te aba are Akaia.

2.I-Korinto 11:10 ပူးပေါင်းရင်းမြစ်များ

M'akuri 18:12

Ma ngke te tia tautaeka i Akaia Kario, ao a kabo nanoia I-Iutaia n eweka B'auro, ao a kairia nako matan te tabo ni motiki-taeka

M'akuri 18:27

A kaungaa nanon Aboro taari ngke e kan nako Akaia, ao a koroboki nakoia ake a onimaki ikekei b'a a na m'aneia n akoia; ao ngke e roko, ao e korakora ana i buobuoki nakoia ake a tia n riki b'a taan onimaki n ana akoi te Atua:

I-Rom 1:9

B'a te Atua bon te tia kakoauai au taeka, ao boni Ngaia ae I toro i rouna n tamneiu i bukin tataekinan euangkerion Natina, b'a I aki toki n uringngkami

I-Rom 16:5

Kam na anga naba au kamauri nakon te ekaretia ake a naanako kaaina ni bobotaki i nanon aia auti. Anga au kamauri nakon Ebaineto are tangiraki i rou, boni ngaia te moan aomata i Atia n onimakina Kristo.

I-Rom 9:1

I atonga te koaua; I aki kewe i bukina b'a ana aomata Kristo ngai, ao e buokai mataniwin nanou are kairaki iroun te Tamnei are Raoiroi, ni kakoauaai naba b'a I aki kewe

1.I-Korinto 16:15

Kam ata Tetebana ma ana utu, b'a ngaiia ake a moa n riki b'a taan onimaki, ao a anga nanoia b'a taani beku i bukiia ake a itiaki: I butingkami, tariu, b'a

2.I-Korinto 1:1

Mairouni B'auro, ae ana tia tuatua Kristo Iesu n nanon te Atua, ao mairoun Timoteo ae tarira, nakon ana ekaretia te Atua i Korinto, ao nakoia ake a itiaki ni kabaneia ake a mena i Akaia ni kabuta.

2.I-Korinto 1:23

I atonga te Atua b'a au Tia Kakoaua are na karekea kaiu ngkana I kewe; b'a I aki roko i Korinto i bukina b'a I aki kani karawawataingkami.

2.I-Korinto 10:15

Ti aki kamoamoaira n aia m'akuri tem'angina are a karaoia i tinanikun te tia are E a tia te Atua ni baireia nako ira; ma bon ara kaantaninga b'a ngkana e rikirake ami onimaki, ao ara m'akuri e na karababaki riki i buakomi n ai aroni baireana.

2.I-Korinto 11:12

Ma ae I karaoia ao N na boni karaoia naba, b'a I aonga ni katoki wiia “taan tuatua” ake tabeman ake a taku b'a n aia m'akuri are a kamoamoaia iai ao bon ti te bo aroia ni m'akuri ma arora.

2.I-Korinto 11:31

E ataai b'a I aki kewe te Atua ae Taman ara UEA are Iesu, are ana b'ai te neboaki n aki toki.

2.I-Korinto 12:19

Kam a tia ni kaman iangoia i nanomi b'a ti karekei aonara nako imi. Ti taetae i matan te Atua i nanoni Kristo, b'a a karaoaki b'aai ni kabane i bukini kateimatoami, raou aika kam tangiraki.

2.I-Korinto 9:2

b'a I ata nanomi ni kan anga, are I kamoamoaingkami iai nakoia I-M'aketonia ngke I taekina ae a kaman tauraoi taan onimaki i Akaia ni kan i buobuoki man te ririki are nako; ao a bati i buakoia aika kaungaaki nanoia n nanokorakorami.

I-Karatia 1:20

Ao noria, I bon aki kewe i matan te Atua ni baika I koroi.

I-Karatia 2:20

Ao ai tiaki ngai ae I maiu ngkai, ma Kristo ae maiu i nanou; ao arou ae I maiu iai n te rab'ata, I maiu n onimakinan Natin te Atua, are E tangirai, are E anga Ngaia i buku.

1.I-Tetaronike 2:10

Ara taani kakoaua ngkami ma te Atua naba, n arora ake ti b'ain nako imi, ngkami aika kam onimaki; b'a ti b'aina te maiu ae itiaki ae karaoa nanon te Atua ao ae akea kabuakakana.

1.I-Tetaronike 2:5

B'a ti bon aki taetae ni karangingkami, n ai aron ae kam ataia: ao ti aki taetae ma nanora ni kani b'aib'ai ae raba, ara tia kakoaua te Atua.

1.Timoteo 2:7

ao anne bukin ae I rineaki iai b'a te tia katanoataa taekana, te tia tuatua, ao te tia reireiia aomata aika tiaki I-Iutaia taekan te onimaki ma te koaua. I atonga te koaua, I aki kewe.