2.I-Korinto 10:3 - Te B'aib'ara

³ B'a ti maiu n te aro n rab'ata, ma ti aki buaka n ai aron nanon te rab'ata;

2.I-Korinto 10:3 ပူးပေါင်းရင်းမြစ်များ

I-Rom 7:5

B'a ngke ti maiu n iri nanon rab'atara, ao a m'am'akuri i nanoni b'ain rab'atara naano aika kani kakaraoa te bure, aika naano aika bwebwerake ngkai iai te Tua; ao a kariki uaa aika ana b'ai te mate.

I-Rom 8:13

B'a ngkana kam ira nanona ni maiumi, ao ane kam na mate; ma ngkana kam katoki aromi aika buakaka n ana buobuoki te Tamnei, ao kam na maiu.

I-Rom 8:4

B'a e aonga ni karaoaki nanon te Tua iroura ngaira aika ti maiu n aron nanon te Tamnei, ma tiaki n aron nanon te rab'ata.

2.I-Korinto 1:17

I nano tiotio iai ngke I karaoa au iango aei? Ke I karaoi au iango ma te nano n aomata are tauraoi n atonga ae kangai, “Eng, eng” ao “Tiaki, tiaki” n te tai ae ti teuana?

2.I-Korinto 10:4

b'a ara b'ai ni buaka aika ti kamanenai n te buaka bon tiaki b'ain aon te aba, ma b'ai ni buaka aika korakora iroun te Atua n uru taabo ni buaka aika matoatoa. Ti uru taeka ni baka n rabakau,

I-Karatia 2:20

Ao ai tiaki ngai ae I maiu ngkai, ma Kristo ae maiu i nanou; ao arou ae I maiu iai n te rab'ata, I maiu n onimakinan Natin te Atua, are E tangirai, are E anga Ngaia i buku.

1.Timoteo 1:18

I anganiko te taeka aei, natiu ae Timoteo, n ai aron taian taeka ni burabeti ake a rimoa n taekiniko, b'a ko na kamanenai b'a am b'ai ni buaka b'a e aonga n nako raoi arom ni buaka,

2.Timoteo 4:7

I a tia n rangi ni kekeiaki m'aaka, n te kekeiaki m'aaka ae e raoiroi; I a tia ni kabo biri m'aaka, ao I a tia n teimatoa i nanon te onimaki.

Ebera 12:1

Ma ngaia ae ngaira, ngkai iai taani kakoaua aika rangi ni bati aika otab'aninira, ao ti na kaki b'aai nako aika katinebuira, ma te bure ae nimnimtira, ao ti na biri ma te nanokorakora n te kabobirim'aka ae kamenaki i m'aira;