2.I-Korinto 1:9 - Te B'aib'ara

⁹ ti aki nanokokoraki b'a ti taku b'a ti nangi boni mate. Ma e riki aei b'a ti aonga n aki onimakinira, ma ti na onimakina te Atua are a manga uti maate i Rouna;

2.I-Korinto 1:9 ပူးပေါင်းရင်းမြစ်များ

Iobi 40:14

Ao boni Ngai te moan neboiko ma ni kakoauako b'a ko bon tokanikai n oin korakoram.

Taian Areru 22:29

Ane a na bane akana marika i aonnaba n am'am'arake ma n taromauri; ane a na bane ni bobaraaki i matana akana nangi mate, akana i aoni kawaia nakon te ruanimate.

Taeka n Rabakau 14:32

A uruanaki aroia aomata aika a buakaka n tain te kangaanga; ma e bon teimatoa naba n onimaki ane akea ana bure n tain te mate.

Taeka n Rabakau 28:26

Bon ti nanobaba aika a onimakin aia iango n ti ngaiia, ma ngkana ko maiu ni wanawana, ao ko na karaoa ae te raoiroi ni kabane.

Itaia 38:10

I taku ngai b'a N nang mate i nanon au bong n rorobuaka ma ni kabureaki n akea au tai i abaia maate.

Etekiera 33:13

Ngkana tao I berita nakoia aomata aika a raoiroi b'a a na maiu, ao tabeua te tai i mwiina, a manga moana karaoan te bure ma n iangoia b'a a na kamaiuaki n te raoiroi are a tia ni karaoia ngkoa. A na bon tiringaki aomata aikai i bukin aia bure. E na m'anuokinaki taekan aia m'akuri ake a raoiroi ngkoa.

Ruka 18:9

E taekina naba te rongorongo ni kabotau aei Iesu nakoia tabem'aang ake a taku i nanoia b'a a raoiroi, ao a kakeai bonganaia aomata nako:

I-Rom 8:36

N ai aron are koreaki ni kaangai, “Ti tiringaki i bukim ni kabongnga; Ti atongaki b'a tiibu aika nang tiringaki b'a karea.”

2.I-Korinto 1:10

are ti kamaiuaki i Rouna man te mate are moan te kakamaaku, ao E na boni manga kamaiura naba maiai; ti a tia ni kawenea ara kaantaninga i Rouna b'a E na boni manga kamaiura naba,

2.I-Korinto 1:8

B'a ti aki tangiringkami, taari, b'a kam na aki ata rawawatara are roko i roura i Atia: b'a ti bati n taonaki iai i aon are ti kona, ao akea ara kaantaninga b'a ti na maiu maiai;

2.I-Korinto 3:5

Akea i roura te bae ti na taku iai b'a ti kona ni karaoa te b'ai teuana i bon i roura; ara kona ni karaoia boni mairoun te Atua,

2.I-Korinto 4:7

Ma iai i roura ngaira aika ai aroia m'angko taano, te b'ai ae kakawaki aei, b'a e aonga n ataaki b'a te m'aka ae korakora boni m'aakan te Atua, ao tiaki m'akara.

Ebera 11:19

E kakoaua Aberaam i nanona b'a E kona te Atua ni manga kamaiua Itaaka man te mate, ao aei kanga ai aron taekani manga utin Itaaka man te mate.