2.I-Korinto 1:20 - Te B'aib'ara

²⁰ B'a boni Ngaia te “Eng” nakon ana taeka n akoi ni kabane te Atua; ao i Rouna naba te “Amen” are ti neboa iai te Atua.

2.I-Korinto 1:20 ပူးပေါင်းရင်းမြစ်များ

Karikani B'aai 22:18

Ane a na bubutiai botannaomata b'a N na kakab'aiaia n aron kakab'aiakiia am kariki-a na riki baikai i bukina ngke ko ongotaeka irou.”

Karikani B'aai 3:15

N na karika te i kairiribai i marenam ma neiei n aki toki, ao i marenaia naba kanoam ma kanoana. E na kamanatua atuum, ao ngkoe ko na tenai bukin waena.”

Karikani B'aai 49:10

E na taua te oko ni uea Iuta i nanon baina, Ao a na teimatoa n tautaeka kanoana. A na anga te m'ane botannaomata nako ina Ma ni bobaraaki, ao n ongotaeka i rouna.

Taian Areru 102:16

Ngkana E a manga katea Tion te UEA, Ao E na kaota iai kakannatona;

Taian Areru 72:17

E bia ururingaki arana n aki toki; E bia teimatoa ataakin arona kanga ai aron teimatoan taai. A bia butia te Atua botannaomata nako b'a E na kakab'aiaia, n ai arona ngke E a tia kakab'aia te uea.

Itaia 65:16

Kaain te aba ane e bubuti kakab'aiakina, e na tuangaki b'a e na kakab'aiaki mai roun te Atua ae e kakaonimaki. Ane e taetae ni bau e na taetae ni bau n aran te Atua ae e kakaonimaki.

Itaia 7:14

Ma e na bon teimatoa naba te UEA n anganingkami te b'ai ni kakoaua. E na bikoukou te ataeinaine E na bungiia natina te m'aane ao e na aranna b'a Emmanuera.

Mataio 6:13

Ao tai kairira nakon te kaririaki, ma Ko na kamaiura man te buakaka; b'a am b'ai te uea, te m'aaka, ao te neboaki n aki toki. Amen.

Ruka 2:14

“E na neboaki te Atua ike moan te rietaata! Ao e na mena te rau i aon te aba irouia aomata ake E kukurei i rouia te Atua.”

Ioane 1:17

E anganaki te aba te Tua irouni Mote; ma te akoaki ao te koaua a roko iroun Iesu Kristo.

Ioane 14:6

E kaekaa Iesu ao E taku, “Boni Ngai te kawai, te koaua, ao te maiu; bon ti Ngai te kawai i bukin ane kan nako n Tamau.

Ioane 3:5

E taku Iesu, “Bon te koaua ae I a tuangko, b'a ngkana e aki bungiaki te aomata n te ran ma te Tamnei are Tabu, ao e aki kona n rin n uean te Atua.

I-Rom 11:36

B'a mairoun te Atua b'aai ni kabane; a bane ni karikaki i bukina, ao a na bane ni manga oki nakoina. Ana b'ai te neboaki n aki toki. Amen.

I-Rom 6:23

B'a boon te bure te mate; ma ana b'ai n tituaraoi te Atua te maiu are aki toki i nanoni Kristo Iesu are ara UEA.

1.I-Korinto 14:16

B'a ngkana ko tataro ni katituaraoi n te tamnei, ao e na iranna n atonga te “Amen” n am katituaraoi te aomata ae kan rin n te ekaretia ma e tuai n rin, ngkae e aki ata am taeka?

2.I-Korinto 4:15

B'a bon i bukimi baikai ni kabane; ao ngkai a bati riki aomata aika kamaiuaki n ana akoi te Atua, ao a na kabati riki tataro ni katituaraoi i bukin neboan te Atua.

2.I-Korinto 4:6

B'a bon te Atua, are kangai, “E na oota te oota mai buakon te roo!” Bon te Atua naba aei are kaota ana oota i nanora, b'a ti na ata mimitongin te Atua b'a e oota man ubun Iesu.

I-Karatia 3:22

Ma e taku te B'aib'ara b'a a bane aomata nako ni mena i aani m'aakan te bure; ma ngaia are ana taeka n akoi te Atua bon i bukiia akana onimakina Iesu Kristo.

I-Ebeto 1:6

Ti na neboa te Atua b'a E rangi n tituaraoi nako ira i bukin Natina are tatangiraki i rouna,

I-Ebeto 2:7

b'a E aonga ni kaotia nakoia rooro ma rooro aika na roko aron ana akoi ae akea n ai arona ni kaub'aina, n ana ataataiaomata nako ira, irouni Kristo Iesu.

I-Korote 1:27

E karaoa aei te Atua b'a E tangiringkami aika tiaki I-Iutaia b'a kam na ata te baere raba ae kamimii ae mimitong; ao te bae raba aei boni Kristo i nanomi, are Ngaia ami kaantaninga b'a e na reke neboami.

2.I-Tetaronike 1:10

ngkana E roko te bong arei b'a E na neboaki irouia ana aomata aika itiaki, ma ni kamoamoaki irouia aika onimaki. Ngkami naba i buakoia, i bukina ngkai kam a tia ni kakoaua te rongorongo are ti taekinna nako imi.

Ebera 11:13

A bane ni mate i nanon te onimaki Aberaam, Itaaka ao Iakob'a ngke a tuai n reke i rouia baike a atongaki n taeka n akoi akekei; ma a nori mai kiraroa, ao a kukurei iai, ao a taku b'a bon I-anena ngaiia ao aomata aika maeka n iruwa i aon te aba.

Ebera 13:8

Ai uana nako naba Iesu Kristo ngkoananoa, ao n te bong aei, ao n aki toki.

Ebera 7:6

E aki riki Merekitereka mairoun Rewi, ma e anaa teuana te katebwina ni m'akoro man ana b'ai nako Aberaam, ao e kakab'aia Aberaam, are teuare anganaki taian taeka n akoi.

1.Betero 1:12

E kaotaki nakoia burabeti akanne b'a a aki taekini baikai i bukiia, ma a taekin i bukimi, aika baika taekinaki ngkai nakoimi irouia ake a tuangngkami te euangkerio iroun te Tamnei are Raoiroi are kanakomaiakaki mai karawa; aika baika a kan atai naba anera.

1.Ioane 5:11

Ao aio te kaotioti: b'a E anganira te Atua te maiu are aki toki, ao e mena te maiu aei i nanon Natina.

Te Kaotioti 3:14

“Ao ko na koroboki nakon ana anera te ekaretia are i Raorikeia ni kaangai: “E kaangai te Amen are te Tia Kaotioti are kakaonimaki are koaua, are a moa mai Rouna baika karikaki iroun te Atua:

Te Kaotioti 7:12

ao a kaangai, “Amen! Ana b'ai Atuara te karaoiroaki, ma te neboaki, ma te rabakau, ma te katituaraoaki, ma te karineaki, ma te m'aaka, ma te korakora, n aki totoki. Amen!”