2.I-Korinto 1:17 - Te B'aib'ara

¹⁷ I nano tiotio iai ngke I karaoa au iango aei? Ke I karaoi au iango ma te nano n aomata are tauraoi n atonga ae kangai, “Eng, eng” ao “Tiaki, tiaki” n te tai ae ti teuana?

2.I-Korinto 1:17 ပူးပေါင်းရင်းမြစ်များ

Ieremia 23:32

Kakauongo nakon te b'ai ae N na taekinna Ngai are te UEA! I kaaitaraia burabeti aika a taekin miia aika a on n taian kewe. A taekin taian mii aikai ao a kairiia aomata nako n aia kewe ma aia kainikatonga. I bon aki kanako ia ke n tuangiia b'a a na nako, ao bon akea te buoka ae e konaa n reke mairouia. Bon aei Au taeka Ngai ae te UEA.”

Teb'ania 3:4

A akea onimakinaia burabeti, b'a a aki kakaonimaki: Ibonga a kabaarekai baike a tabu ao a minota ana tua te Atua nakon oin nanoia.

Mataio 1:19

Ao Ioteb'a are buuna, ngkai te aomata ae nanoanga, ao e aki kani kamamaaea Nei Maria i mataia aomata, e reke ana iango b'a e na kab'ara aia kabae ni karaba taekana.

Mataio 5:37

Ma are kam na taekinna, e na ti kangai, ‘Eng’ ke ‘Tiaki,’ ma ngkana a raka am taeka i aon aikai ao a nako mairoun teuare buakaka.

Ioane 8:15

Kam b'aina te nano n aomata n ami motiki-taeka; akea ae I motika taekana.

2.I-Korinto 1:12

B'a aio kamoamoara, ao ana kaotioti mataniwin nanora: b'a n arora ni maiu n te aonnaba aei, ao ai moa ra riki n arora nako imi, ao ti a tia ni b'aina te maiu ae tabu ae itiaki are mairoun te Atua, tiaki n te rabakau n aon te aba, ma n ana akoi te Atua.

2.I-Korinto 11:18

Ngkai a kamoamoaia aomata aika bati i bukin nanoia n aomata ao ngai N na kamoamoaai naba.

I-Karatia 1:16

b'a E na kaota Natina i rou, b'a I aonga n tataekinna i buakoia aomata aika tiaki I-Iutaia, ao I aki iango ma temanna ngkekei naba;

I-Karatia 2:2

I nako b'a tuangau n te kaotioti are roko i rou; ao I tuangiia te euangkerio are I tataekinna i buakoia aomata aika tiaki I-Iutaia; ao I karaoa aei nakoia uake a atoatongaki b'a taani kairiri, ngke ti ngai ma ngaiia, b'a a kaawa ni matebuaka au m'akuri ake I a tia ni karaoi n taai aika nako, ao aika I karaoi ngkai.

1.I-Tetaronike 2:18

Ma ngaia ae ti a kan nako imi. Ngai ae B'auro, I kataia moa n te taina, ao manga te taina riki i mwina; ma e tukiira Tatan.

Iakobo 5:12

Tariu, te bae moan te kakawaki i aoni b'aai ni kabane bon aei: kam na tai m'anewea arani karawa ke aon te aba ke te b'ai riki teuana ngkana kam tuea; ma e na atongaki ami eng b'a bon eng, ao ami tiaki b'a bon tiaki; b'a aonga n aki motikaki taekami ni kabuakakaki.

Tani Motiki-taeka 9:4

Ao a angan Abimereka 70 taiani m'akoro n tirewa man ana tembora antiia are B'aara Berita. Ao e kamanena te tirewa Abimereka ni kabooia te koraki n tautia teuana aika buakaka aika a tauraoi ni karaoi b'aai nako ti i bukin te m'aane.