2.I-Korinto 1:15 - Te B'aib'ara

¹⁵ I aki nanokokoraki teutana n aei, ma ngaia are I kataua n te moa n tai b'a N na kawaringkami b'a kam aonga ni manga akoaki kaua:

2.I-Korinto 1:15 ပူးပေါင်းရင်းမြစ်များ

Mataio 1:19

Ao Ioteb'a are buuna, ngkai te aomata ae nanoanga, ao e aki kani kamamaaea Nei Maria i mataia aomata, e reke ana iango b'a e na kab'ara aia kabae ni karaba taekana.

I-Rom 1:11

B'a I rangi ni kan noringkami, b'a N na anganingkami b'aai n tituaraoi tabeua ake mairoun te Tamnei, b'a kam aonga ni kateimatoaki iai.

I-Rom 15:29

Ao I ataia b'a ngkana I roko iroumi, ao N na roko ma te kab'aia ae moan te bati mairouni Kristo.

1.I-Korinto 11:34

Ngkana iai ae baki i buakomi, ao a riai n am'arake n aia auti, b'a kam aonga n aki motikaki taekami iroun te Atua ngkana kam bootaki. Ao i bukin b'aai riki ake tabeua, I a bon kaeti ngkana I roko ikanne.

1.I-Korinto 16:7

B'a I tangira riki ae N na kawaringkami rimwi ni kamaanai i roumi, ngkana nanon te UEA, nakon ae N na kawaringkami ngkai ao e kimototo au tai i rarikimi.

1.I-Korinto 4:19

Ma e aki maan ao N na roko i roumi, ngkana nanon te UEA, ao N na ata raoi m'akaia aomata akana kainikatonga akanne; ma akea nanou n aia taeka.

2.I-Korinto 12:14

Noria, I a tauraoi ngkai ni kawaringkami te katenua n tai, ao N na aki karawawataingkami; b'a I aki ukoukori ami b'ai, ma I ukoukoringkami: b'a e aki riai b'a a na kaiko b'aai naati i bukiia kaaro, ma a na kaiko b'aai kaaro i bukiia naati.

2.I-Korinto 6:1

Ao ngkai raon te Atua ni m'akuri ngaira, ao ti butingkami b'a kam na aki butim'aea ana akoi te Atua n te aro ae akea bonganana;