2.I-Korinto 1:12 - Te B'aib'ara

¹² B'a aio kamoamoara, ao ana kaotioti mataniwin nanora: b'a n arora ni maiu n te aonnaba aei, ao ai moa ra riki n arora nako imi, ao ti a tia ni b'aina te maiu ae tabu ae itiaki are mairoun te Atua, tiaki n te rabakau n aon te aba, ma n ana akoi te Atua.

2.I-Korinto 1:12 ပူးပေါင်းရင်းမြစ်များ

2.Tamuera 22:22

I karaoa te b'ai are Ko tangiria ao I aki roko n te rairaki nakon karaoan te buakaka.

Iobi 13:15

A bane ni bua au kantaninga, ao tera ngkana arona b'a E tiringai te Atua? B'a N nang kaeta taekau nako Ina.

Itaia 38:3

“Ko na aki m'aninga ae I a tia ni kakaonimaki nakoim. I a tia ni ongotaeka iroum ma nanou ni kabane, ao I karaoi b'aai nako aika ko taku b'a a eti.” Ao i mwiin aei, e a tang n takaarua.

M'akuri 23:1

E kaeti matana B'auro n taraia kaain te Tanirim, ao e taku, “Taari, I a tia ni maiu i matan te Atua ma mataniwin nanou ae itiaki ni karokoa te bong aei.”

M'akuri 24:16

Ao ngaia aei ae I kakorakoraai iai b'a N na aki toki ni b'aina te nano ae itiaki i matan te Atua ao i mataia aomata.

I-Rom 9:1

I atonga te koaua; I aki kewe i bukina b'a ana aomata Kristo ngai, ao e buokai mataniwin nanou are kairaki iroun te Tamnei are Raoiroi, ni kakoauaai naba b'a I aki kewe

1.I-Korinto 1:17

B'a e aki kanakoai Kristo b'a N na b'ab'abetito, ma E kanakoai b'a N na tataekina te euangkerio-tiaki n te aro n rabakau n taetaenikawai, b'a e kawa n riki ana kaibangaki Kristo b'a te b'ai ae akea manenana.

1.I-Korinto 12:8

B'a e anganaki temanna ana m'akuri iroun te Tamnei are Raoiroi b'a te tia taekina te rabakau, ao temanna b'a te tia taekina te atatai, iroun naba te Tamnei are Raoiroi aei.

1.I-Korinto 15:10

Ma n ana akoi te Atua ao I riki n ai arou aei; ao e aki matebuaka ana akoi nako iu: b'a I m'akuri korakora riki nakoia taan tuatua akekei; ma tiaki ngai, b'a bon ana akoi te Atua are i rou.

1.I-Korinto 2:13

Ma ngaia ae ti na aki kabonganai taeka aika ti karekei man te rabakau n aomata ngkana ti taetae, ma ti na kabonganai taeka aika ti reireiaki iai iroun te Tamnei ngkana ti kab'arab'arai ana koaua te Atua nakoia ake iai Tamnein te Atua i rouia.

1.I-Korinto 4:4

B'a I aki ata te b'ai ae I bure iai; ma aei e aki kakoaua arou b'a I aki kabuakakaki. Bon te UEA ae te tia motika taekau.

1.I-Korinto 5:8

Ma ngaia ae ti na botaki ni kukurei n te Toa are te Riao, ma ti na aki kabongana te kariki are iai te iiti nikawai iai, are te bure ma te buakaka; ma ti na kabongana te kariki are akea te iti iai, are karikin te itiaki ma te koaua.

2.I-Korinto 1:17

I nano tiotio iai ngke I karaoa au iango aei? Ke I karaoi au iango ma te nano n aomata are tauraoi n atonga ae kangai, “Eng, eng” ao “Tiaki, tiaki” n te tai ae ti teuana?

2.I-Korinto 11:3

Ma I maaku b'a a kawa n anaaki nanomi, n ai aron Nei Ewa ngke e m'am'anaki n nanowanawanan te naeta, ao kam kitana aromi n reitaki ma Kristo ae nako raoi ma n itiaki.

2.I-Korinto 2:17

B'a tiaki aroia aomata aika bati ngaira, ake a b'aini bob'aia ana taeka te Atua b'a a aonga ni kaub'ai iai; ma ti kanakoaki iroun te Atua, ao ti taetae i matana ma te nano ae itiaki i bukini Kristo.

2.I-Korinto 4:2

ma ti aki maiuakini baika raba aika b'aai ni kamamaa, ao ti aki b'aina te maiu ni bureburea te aba; ao ti aki naba kab'aoua ana taeka te Atua. Ma ti kaotioti arora aika raraoi, ni kaotiotan te koaua nakoni mataniwin nanoia aomata ni kabaneia i matan te Atua.

2.I-Korinto 8:8

Ae I taekinna bon tiaki te tua, ma I taekinna b'a e na kakoauaki n aroia tem'angina ae korakora ni kan i buobuoki, b'a ngaia bon iai naba koauan ami tangira.

I-Karatia 6:4

Ma a na kataa oin aia m'akuri aomata n tatabemaniia nako b'a a uara, ao ane e na kamoamoa te aomata i nanona n ti ngaia n are e a tia ni karaoia. E na aki kabotaua are e karaoia ma are e karaoia temanna.

I-Ebeto 6:14

Ma ngaia ae kam na tei, ao kam na kabae nuukami n te koaua, ao kam na katokaa te tanga are karaoan nanon te Atua,

I-Biribi 1:10

B'a kam aonga ni kona n rinei baika moa n raraoi, ao kam na itiaki ma n aki kabuakakaki n te bong are E na roko iai Iesu,

1.I-Tetaronike 2:10

Ara taani kakoaua ngkami ma te Atua naba, n arora ake ti b'ain nako imi, ngkami aika kam onimaki; b'a ti b'aina te maiu ae itiaki ae karaoa nanon te Atua ao ae akea kabuakakana.

1.Timoteo 1:5

Te kaantaninga i bukin te bae ti tuangko iai, b'a e na reke i rouia te tangira ae bwebwerake man te nano ae itiaki ao mani mataniwin te nano ae e raoiroi ma te onimaki ni koaua.

Tito 2:7

Ko na kaotiko ni b'aai ni kabane b'a te banna ni kakairi n arom ni m'akuri aika raoiroi; ko na b'aina te eti ma te nano ni koaua ngkana ko anga reirei,

Ebera 13:18

Kam na tataro i bukira; b'a ti taku b'a a raoiroi mataniwin nanora, ngkai ti kani kakaraoa ae raoiroi nakoni b'aai ni kabane.

Iakobo 4:6

Ma E kabatia te akoi n anga; ao anne bukin are e kaangai te B'aib'ara.” “E rawa nakoia akana kainikatonga te Atua; Ma E angania akana nanorinano te akoaki.”

Iotua 24:14

E a manga taku riki Iotua, “Ma ngaia ae ngkai, kam na karinea te UEA, tooro i rouna ma te koaua ao te kakaonimaki. Tai manga taromauriia anti n aroia ami bakatibu ngkoa i Metobotamia ao i Aikubita. Ma kam na taromauriia te UEA n ti ngaia.

1.Betero 3:16

ma kam na kaeka ma te nimamannei ao te maku; kawakini mataniwin nanomi b'a a na itiaki; ao n te aro aei a na mamaa iai te koraki ake a taetae ni kabuakakai aroaromi aika raraoi ngkai kam reitaki ma Kristo.

1.Betero 3:21

Ao te b'abetito, are aekan te ran arei, e kamaiungkami ngkai, tiaki ni kaitiakan te baareka man te rab'ata, ma n te kaeka nakon te Atua mani mataniwin te nano ae itiaki. E kamaiungkami ni manga-utin Iesu Kristo;