1.Uea 9:7 - Te B'aib'ara

⁷ ao N na aki kamaekaia Iteraera n te aba ae I a tia n anganiia. N na kamaunaa te Tembora aei, are a tia n taku b'a nneu n taromauriaki. Ao ane a na taku botannaomata tabeua b'a tiaki te torongaki ni botannaomata te botannaomata aei, ao ane a na b'ainingareia.

1.Uea 9:7 ပူးပေါင်းရင်းမြစ်များ

1.Uea 11:10

Ma e aki ongotaeka toromon, ao e bon taromauriia naba antiia ianena. Ao e a rangi n un iai te UEA

1.Uea 9:3

Ao E taku te UEA: I ongo am tataro b'a te b'ai are ko butiai b'a N na karaoia. N na taromauriaki n taai nako n te Tembora ae ko karaoia aei. Bon Au b'ai, ao N na bon tarataraia n taai nako.

2.Uea 25:21

i rarikin Amata, ike e a tiringiia iai Nebukaneta. A aki manga maeka n oin abaia kaain Iuta.

2.Uea 25:9

E kabuoka ana Tembora te UEA Nebutaratan, ma ana bareti te uea, ao kateitei aika a buubura ni kabane aika a kakannato i nanon te kaawa are e buubura arei, ao ai taian auti.

2.Rongorongo 36:19

A kabuoka te Tembora ana taanga ni buaka Nebukaneta ao a urui b'aai ni kabane kateitei aika a kakaawaki ake i nanon oon te kaawa are e buubura arei.

2.Rongorongo 7:20

ao n na kanakoi ngkami man te aba ae I anganingkami aei. N na kiitana te Tembora are I a tia n taekinna b'a n taromauriaki iai, b'a a aonga n taku aomata n taabo nako b'a bon ti te manikangare ao a na b'ainingareia.

Taian Areru 44:14

Ko karikira b'a b'ainingare irouia botannaomata, Ao a ioioi atuia nakoira.

Taian Areru 44:15

E aki toki b'ainrangu; Ao e taonai te mamaa

Taian Areru 69:11

Ngke I kunnikaiai ni kunnikaiu are b'ain te nanokawaki, Ao a ngareakinai iai.

Itaia 65:15

au Aomata aika a rineaki a na kamanenaa aram i bukin te kamaraia. Ma ngai, ae te UEA ae I tautaekan b'aai ni kabane, N na tiringingkami. Ao N na anganiia ake a ongotaeka irou te ara ae boou.

Ieremia 24:9

N na katuaaia n te kabuanib'ai ae moan te kamaamate, ao a na maaku kaain aonnaba ni kabane ngkana a ongo taekana. N na kairoroia kaain Iuta b'a a na nako abaia ianena, ike a na kamaraiaaki ma ni kamamaaeaki iai.

Ieremia 25:9

ao ngkai N nang kanako ia botannaomata mai meang b'a a na buakaningkami, bon mai roun au toro are Nebukaneta mai B'aburon. Kam na uruanaki ngkami ma botannaomata akana i rarikimi nako ao kam na tiku n uruaki n aki toki. A na tiaoki aomata akana a noora aron uruakin ami kaawa, ma a na b'ainingarei ngkami.

Ieremia 26:18

ngke e uea ngkoa te uea are Etekia i aon Iuta, ao e roko te burabeti are Mika man te kaawa are Moreteta ao e taku: “Bon aei Au taeka Ngai ae te UEA ae Moan te M'aaka, E na riai ni kamarauaki Ierutarem kaanga te tawaana, ma n tiku ni urubekebeke. E na onrake taiani maunga n taiani kai aika a kateketeke ike e tei iai ngkai te Tembora.

Ieremia 26:6

ao N na urua te Tembora, n arou naba ngke I urua te kaawa are Tiro. Ao i mwiina, ane a na kamanenaa aran “Ierutarem” b'a te taeka ni karereanti nako ia aomata ni kabane i aon te aonnaba.

Ieremia 44:8

Kam a tia ni kaunai ngke kam a manga taromauriia te bouananti ao kam kabuoka te b'ai ni kaboiarara nako ia anti ngke kam roko ikai mai Aikubita. Kam na mate n te mate ae e ribaaki, n te aro are a na kamanenaa aran Iuta b'a te taeka ni karereanti.

Ieremia 52:13

E kabuoka Ana Tembora te UEA, ao ana bareti te uea, ao auti ni kabane aika a kakannato i nanon te kaawa.

B'aeb'aeti 1:8

Ai bon akea karineana; e bebeekan ma na kateaki b'a e na tirobaeaki. E tang ao e karabai matana b'a e mamaa. E bon karaoia b'a e na ribaaki i bukin ana bure.

B'aeb'aeti 2:17

E a tia ni kakoroa bukin Ana babaire te UEA: E a tia ni kamaunaira ao ake riki Ana nanoanga n ai aron are E taekinna ngkoa. E anga te tokanikai nakoia ara kairiribai, E kakukureia ni konaakira.

Etekiera 24:21

b'a e a tauraoi n urua te Tembora ike kam kainikatonga iai ao are kam taku b'a kam mano raoi iai. A na tiringaki natimi aika a maeka ngkai Ierutarem.

Etekiera 5:15

botannaomata ianena ma ni b'ainingareingkami, ma a na bon tiaoki naba ao ni maaku n te b'ai are I karaoia n uniu.

Otea 9:3

ane kam na kiitana aban te UEA. A na nako tabeman mairoumi nako Aikubita; ao tabem'aang a na nako Aturia ni kang am'arake aika a aki itiaki.

Ioera 2:17

Tuangiia au taani m'akuri, ibonga, b'a a na tang i nanon te Tembora ma n anga te tataro aei i rarikin te baonikarea:

Mika 3:12

Ao i bukim, e na kamarauaki Tion kaanga te tawaana, ao e na riki Ierutarem b'a b'ariko ni b'ai aika a uruaki, ao tabukin te Tembora, e na riki b'a te buakonikai.

Mataio 23:38

Noria, e nang kitanaki ami um'antabu, ao a nang akea kaaina.

Mataio 24:2

Ao E kaekaia Iesu ni kangai, “Tiaki kam nori baikai ni kabane? E koaua ae I a tuangngkami b'a ane e na bon aki tiku ikai te atibu teuana i aon te atibu teuana; a na bane ni kab'akaki.”

Ruka 21:24

ane a na tiringaki n te kabaang, ao ane a na kairaki nako b'a taenikai ao a na kauamaaeaki nako buakoia botannaomata i aonnaba; ao ane na uruaki Ierutarem irouia aomata aika tiaki I-Iutaia, ni karokoa tokin aia tai.

Te Tua-Kaua 28:37

Ane a na kunnainga kaain aaba tabeua ngkana a noori ami kangaanga, ma a na bon teimatoa ni b'ainingareingkami.

Iotua 23:16

E na bon orei ngkami te UEA ao kam na waekoa ni mauna nako n akea nikirami n tiku n te aba ae raoiroi aei, ae E a tia n anganingkami, ngkana kam aki kaawakina ami raoiroi ma te UEA ae Atuami, ao ngkana kam taromauriia naba anti tabem'aang.”

1.Tamuera 15:11

“E a tia ni katoka arona n ongotaeka Tauro nako Iu, ao I kab'ara Au bure ngkai I karikia b'a te uea.” E rangi n un Tamuera, ao e tang n onon man tataro nakon te UEA ni kangainaa