1.Uea 9:24 - Te B'aib'ara

²⁴ Ao e m'ae buun Toromon are natin uean Aikubita mani m'akoron Ierutarem nikawai nakon ana bareti ae e boou. Ao i mwiina, e a manga kamatoa riki te aba are i mainikun Ierutarem Toromon.

1.Uea 9:24 ပူးပေါင်းရင်းမြစ်များ

2.Tamuera 5:7

Ao e taku Tawita nakoia ana taanga ni buaka, “Kam na riai n rin man kawain te ran ni karekeia kaain Iebuti aikai.

2.Tamuera 5:9

Bon anne bukina ngkai iai te tua ae e kaangai, “Bon ti aomata aika a konaa n nakonako ke a noraaba aika a kariaiakaki i nanon te tembora.” E taua te nono are i aon Maungan Tion Tawita, ao i mwiina, e a manga m'aing nako ikekei, ao e arana te tabo arei b'a Ana Kaawa Tawita. Ao e a manga karaoa te kaawa arei, ni moanna man kanoaan nanona are mai mainiku.

1.Uea 11:27

Ao aio aron te b'ai are e na riki. Ngke a tabe ana taani m'akuri ni kanoai taabo ake a m'anono ma ni karaoi uruakin oon kaawa,

1.Uea 3:1

Ao e tiainaa te beeb'a ni boraraoi Toromon i marenana ma uean Aikubita, ao e mare ma natina te aine. Ao e maeka neierei ni m'akoron Ierutarem nikawai, ni karokoa tian raoi ana bareti, te Tembora, ao oon Ierutarem ni katobibia.

1.Uea 7:8

E mena m'akoron te bareti are e maeka iai Toromon i akuun te ru are e buubura are Motikitaeka, ao ti te arona ma ngaia. E karaoaki naba ana tabo buuna are natin uean Aikubita te aine ae bon ti te bo ma ngaia.

2.Rongorongo 32:5

Ao e karekeia naba taani m'akuri Etekia ake a na bonota m'akoron oon te kaawa are e buubura arei ake a uruaki. Ao i mwiina, a karaoi taian taua n totoko ao oon tinaniku ake a na buoka ni katana are e kaman mena ikekei. E kakorakoraaki naba

2.Rongorongo 8:11

Ao buun Toromon are natin uean Aikubita e kitana m'akoron Ierutarem are e atongaki b'a ana Kaawa Tawita nakon ana bareti ae e boou are e a tib'a tia ni karaoia Toromon. A aki riai ni maeka buun Toromon n ana Kaawa Tawita i bukina ngke e tabu b'a e mena iai te Atiniberita.