1.Uea 8:66 - Te B'aib'ara

⁶⁶ Ao n te kawani bong, e a kanakoia aomata ni kabane nakoni mwengaia. A bane ni kabo, ao a nako ma te kukurei i bukini b'ai aika a raraoi aika E a tia ni karaoi te UEA i bukin ana Toro are Tawita ao aomatan Iteraera.

1.Uea 8:66 ပူးပေါင်းရင်းမြစ်များ

Karikani B'aai 47:7

Ngaia are, e a kaira tamana ma tarina Ioteb'a nakon te uea, ao e anga ana taeka ni kakab'aia Iakob'a nakon te uea,

1.Uea 8:1

E kaawakinaki ngkoa te Atiniberita i aon te Maunga are Tion are e ataaki naba n arana are Ana Kaawa Tawita. Ma e tangiria Toromon b'a e na kam'ainga te Atiniberita nakon te Tembora ngke a bane ni mena aomata i Ierutarem ni bukamarua te Toa ae M'anganikaai i nanon te nam'akaina are Etanim, te kaitiua n nam'akaina n te ririki. Ao e botiia taani kairiiri aika a kakannato i aon Ierutarem Toromon.

1.Uea 8:47

Rimwi, a na namakina aia bure ao a na butiiko kab'araan aia bure. Kaekaia ngkana a tataro ni kaaitaraa te Tembora aei ae I a tia ni karaoia i bukin n am kaawa ae Ko rineia aei i nanon te aba are Ko anganiia aia bakatibu. Ko na ongora mani mwengam i karawa nakon aia tataro korakora ao kaekai aia buubutii.

1.Uea 8:65

Ao e karaoa aia bootaki ae e buubura Toromon ma aomata ni bukamarua te Toa ae M'anganikaai i nanon te Tembora itiua te bong. Ao a roko aomata man taabo aika a raroa; mani karaangan Aikubita ae uarereke i maiaki ao mai Rebo Amata i meang.

1.Uea 9:1

A tia ni karaoaki Ana Tembora te UEA ao ana bareti Toromon, ao e a tia Toromon ni karaoi b'aai ni kabane ake e tangiri.

2.Rongorongo 29:36

A rangi ni kukurei Etekia ma kaain Iuta, i bukina ngke e a tia te Atua ni buokiia ni kariki baikai n te tai ae e waekoa.

2.Rongorongo 30:26

Bon te kabanea ni buubura ni bootaki i Ierutarem man ana tai te uea are Toromon, are natin Tawita te m'aane.

2.Rongorongo 7:10

Ao e a kaokiia aomata Toromon n te katebwi ma tenuan bongin te kaitiua n nam'akaina, A okirikaaki ma te kukurei i bukin b'aai ni kabane ake e a tia ni karaoi te UEA i bukin Tawita ao Toromon, ao i bukiia ana aomata aika Iteraera.

Neemia 8:10

Ao e taku Neemia nakoia aomata, “Kam na kukurei ni kang kanami ao n nim nimami aika a raraoi ao ni i buokanib'ai iai ma raomi aika akea uotaia. Kam na aki nanokawaki! Bon ana bong te UEA ae e kaokoro te bong aei, ao E na bon kakukureingkami ma ni korakoraingkami.”

Neemia 9:25

A taui taiani kaawa aika a buubura aika a matoatoa ao taabo n ununiki aika a m'aiti taian aroka inanoia; a anai taian auti aika a taubobonga b'aiia, ao ai uana naba ma taiani nne n ran, ma taian nne n aroka ni kureebe, nne n aroka n oriwa, ao taian aroka aika a rangi ni m'aiti aika iai uaaia. A am'arake ni karokoa ngaeia raoi, ao a karaoa aia bootaki ni kukurei i bukin am kakab'aia ae moan te korakora.

Taian Areru 122:6

Ierutarem, ti na tataro b'a ko aonga n rau: ao a na bane n tekeraoi akana tangiriko.

Taian Areru 122:9

I bukin ana auti te UEA ae Atuara, ao N na bon m'akuri i bukimi b'a kam na tekeraoi.

Itaia 63:7

N na taekin aron ana m'akuri te UEA aika E a tia ni karaoi. A bon riai n nebonebo! E a tia ni kaota ana akoi te UEA nakoia Iteraera; e a tia n akoi ao ni karaoa ae e raoiroi.

Teb'ania 3:14

A bane n anene ni kukurei aomatan Iteraera ma Iuta. ma nanoia ni koaua

Tekaria 9:17

Ai tangirakira. A na rikirake te roronrikirake ikekei n ai aron te uita i nanon te rereua ke te kureebe i nanon te nne n aroka ni kureebe.

Tekaria 9:9

Kukurei ao takaarua aomata ni kabane i Ierutarem, E a tia n tokanikai ami uea, ao E a roko ni kawaringkami. E nanorinano ao E toka i aon te ati; ao E roko i aon bunin te aati.

M'akuri 2:46

A bobotaki n te Tembora ma te nano ae ti teuana ni katoa bong, ao a bobotaki n am'am'arake n aia auti nako, ao a kang kanaia ma te kukurei ao te nanoraoi,

I-Karatia 5:22

Ma uaan te Tamnei te tangira, te kim'areirei, te raoi, te taotaonaki n nano, te ataataiaomata, te raoiroi, te kakaonimaki,

Te Tua-Kaua 12:12

ngkami ma ami utu, ao ami toro, ao kam na bootaki n te tabo n taromauri, b'a E a tia te UEA ae Atuami n anganingkami te totokanikai ni b'aai ni kabane aika kam a tia ni karaoi.

Te Tua-Kaua 12:18

ao a kona naba ni kang baikai aomata aika a kam'araa, ma a aki tau nakon te taromauri.

Te Tua-Kaua 12:7

Kam na aki manga anga te karea n taabo nako ike kam tangiria ni karaoia iai, ma E nang rinea te tabo teuana te UEA i aon Iteraera ike kam na taromauriia iai.

I-Biribi 4:4

Kam na kim'areirei ngkai kam reitaki ma te UEA n taai nako; ao N na manga atonga riki ae kaangai, Kam na kim'areirei.

Iotua 22:6

E kaokiia Iotua nako abaia ma taeka ni kakab'aia aika a kaangai, “Kam nang okiri abami ma kaub'aimi aika ami nanai ni man ma ami tirewa ma ami koora,