1.Uea 8:60 - Te B'aib'ara

⁶⁰ Ao ane a na ataia iai botannaomata ni kabane b'a bon te UEA te Atua ni koaua.

1.Uea 8:60 ပူးပေါင်းရင်းမြစ်များ

1.Uea 18:39

Ao ngke a noora te b'ai are e riki arei aomata, ao a bane ni bobaraaki man takaarua ni kaangai, “Bon te Atua te UEA.”

1.Uea 8:43

Ko na kakauongo mani mwengam i karawa ao kaekai aia tataro. Ane a na bane aomatan te aonnaba n taromauriiko n aroia am Aomata aika Iteraera, ao ane a na ataia b'a I karaoa te Tembora aei i bukin neboakim.

1.Uea 8:59

I tataro E na ururing au tataro te UEA ae Atuara ni bong ao ni ngaina. Tera ngke E buokiia aomata ni kabane i aon Iteraera ni boongi nako ni b'aai ni kabane ake a kainanoi.

2.Uea 19:19

Ma boni ngkoe ara UEA ao Atuara. Ti bubutiiko b'a ko na kamaiura mairoun uean Aturia. Ao ane a na ataiko iai aomata n taian abanuea ni kabane n te aonnaba ae bon ti ngkoe te Atua.

Te Otinako 6:7

N na karikingkami b'a au aomata, ao N na riki b'a Atuami. Ao ane kam na ataia iai b'a boni Ngai ae I kamaiungkami mairouia kaain Aikubita.

Itaia 37:20

Ma bon ara UEA ao Atuara! Ti butiiko b'a ko na kamaiura mai roun uean Aturia. Ao ane a na ataiko iai aomata ni kabane n taian botannaomata b'a bon ti Ngkoe te UEA.

Itaia 44:24

Iteraera, bon ami UEA Ngai. Boni Ngai boton maiumi. ao I a tia ni kamaiungkami. I kariki b'aai nako ma i karawa i eta nakon te aba i nano.

Itaia 44:6

Bon te UEA Ngai ae Moan te M'aaka, Te moa ao te toki, ae ti Ngaia te Atua ae ti temanna. Iteraera, I a tia ni kamaiuko! Bon am Uea Ngai.

Itaia 44:8

Kam na aki ruru ni maaku! I bon aki taekinna nakoimi n taai ake ngkoa? Kam bon aki ongongora irou? Bon ti Ngai te Atua bon akea ai aron te b'aa ae e korakora.

Itaia 45:22

“I kaooa te aonnaba ae e b'anin b'a e na rairaki nako iu ao e na maiu. Bon ti te Atua Ngai! Akea riki te Atua ni koaua.

Ioera 2:27

Iteraera, kam na ataia b'a I tei i bukimi. Bon te UEA Ngai ae Atuami akea riki anti tabem'aang. Kam na aki manga kamamaaeaki.

Te Tua-Kaua 4:35

E tangiria te UEA b'a kam na ataia ae bon ti Ngaia te Atua ni koaua, ao E tangiringkami b'a kam na ongotaeka i Rouna. Ao bon anne bukina ngke E kaota nakoimi Ana kakai aika korakora, ao te ai ae uram'aaka i aon te aba, ao anne naba bukina ae kam ongo iai b'anaana man te ai ao mai karawa.

Te Tua-Kaua 4:39

Ma ngaia are, kam na uringnga b'a bon ti te Atua ni koaua te UEA, i eta i karawa, ke i nano i aonnaba.

Iotua 4:24

E na ataaki m'aakan te UEA ni baikai i rouia kaain aonnaba, ao kam na neboa te UEA ae Atuami n aki toki.”

1.Tamuera 17:46

E na buokai te UEA n te bong aei b'a n na tokanikai i aom. N na oroiko ni kab'akako, ao n na korea atuum ni kanakoa, ao n na anga rab'ataia tautian Biritia ake tekorakina nakoia ma mannikiba ma mannikaakang. Ao e na ataaki n te aonnaba b'a bon te Atua ni koaua Atuaia Iteraera.