1.Uea 8:58 - Te B'aib'ara

⁵⁸ Tera ngke E buokiira te UEA n ongotaeka nakoina man toui mwiin ana tua ao ana reirei ni kabane ake E anganiia ara bakatibu.

1.Uea 8:58 ပူးပေါင်းရင်းမြစ်များ

1.Uea 8:59

I tataro E na ururing au tataro te UEA ae Atuara ni bong ao ni ngaina. Tera ngke E buokiia aomata ni kabane i aon Iteraera ni boongi nako ni b'aai ni kabane ake a kainanoi.

Taian Areru 110:3

E na nooraki n te bong arei, mimitongin m'akam ngkana ko tautaeka ni korakoram ni kabanea. Ko na kunnikai taian kunnikai aika tabu ae kanga ai aron te aoi i m'ain otin taai

Taian Areru 119:36

Angan nanou te kan ongeaba nakon am Tua, Ma tiaki te mataai ni kanib'aib'ai.

Ana Anene Toromon 1:4

Kawaekoako, au uea! Ti a kawaekoaira. Kairai nakoni mwengam. Ti rangi ni kukurei iroum! Ao ti neboa am tangira nakon riki te wain. Ataeinainen Ierutarem, e tamaroa b'a kam na ti neboia.

Ieremia 31:33

Bon aei te boraraoi ae e boou ae I a manga karaoia Ngai ae te UEA ma ngkami Iteraera: “N na korea Au tua i nanoia ma aia iango. N na riki b'a Atuaia, ao a na riki b'a Au aomata.

Te Tua-Kaua 4:1

Iteraera, kam na ongora n taian tua, ao taian reirei aikai. Ngkana kam ongotaeka nako iai, ao kam na maiu, ao ane kam na rin n te aba are e anganingkami te UEA b'a abami. Bon te Atua Ngaia are a taromauriia ami bakatibu,

Te Tua-Kaua 6:1

E tuangai te UEA b'a N na anganingkami tuua ma reirei aikai, ma ngaia are, kam kona n ongotaeka iai n te aba are E anganingkami. Ai ti teutana riki te tai ao kam nang ri nanon te Karaanga are te Ioretan ma n taua te aba.

I-Biribi 2:13

B'a bon te Atua ae m'am'akuri i nanomi b'a kam aonga ni kukurei ni karaoa ana kaantaninga n akoi.

Ebera 13:21

E na katauraoingkami nakoni m'akuri aika raraoi ni kabane b'a kam aonga ni karaoa nanona, ao b'a kam aonga iroun Iesu Kristo ni karaoa are E na kukurei iai te Atua. Ao ana b'ai Kristo te neboaki n aki totoki. Amen.

Iotua 24:23

Ao e a manga taku Iotua, “Ao kam riai ni kamaunai ngkai anti ianena aika i roumi, ao kam na berita b'a kam na kakaonimaki nakon te UEA ae Atuaia Iteraera.”