1.Uea 8:50 - Te B'aib'ara

⁵⁰ Kab'arai aia bure, e aoria ngkana tao e a m'aiti aia bure nakoim. Karaoia aia kairiribai ake a taenikai irouia b'a a na manga karaoa te akoi nakoia.

1.Uea 8:50 ပူးပေါင်းရင်းမြစ်များ

2.Rongorongo 30:9

ane a na kaota te nanoanga ami kairiribai ake a tauia ami utu ao ane a na kaokiia nakon mwengaia. E akoi te UEA ae te Atua ao e nanoanga, ngkana kam tanrikaaki nako ina, ao E na bon aki tannako mairoumi.

2.Rongorongo 33:13

E kakauongo te UEA nakon ana tataro Manate ao e noora raraoman nanona, ai ngaia are, e a karaoia b'a e na okira Ierutarem ma n tautaeka kaanga te uea. Ao e ataia man te tai anne Manate ae bon te UEA te Atua.

Etira 7:6

Bon te aomata ae e rangi atatai Etira n te tua n te aro are e a tia n anga te UEA ae Atuaia aomatan Iteraera nakon Moote, ao E kabobongaa nanon te uea n te aro b'a a na bane n reke baike e buubuti iai Etira.

Neemia 1:11

I butiiko b'a Ko na kaekaa au tataro ao aia tataro am taani m'akuri ake tekorakina aika a kukurei naba ni karinea aram. Ngkana I uota ana wain te uea n te bong aei, ao karaoia b'a e na kukurei irou, ma ni karaoa te b'ai ae n na buubutiia.

Taian Areru 106:46

Ao a riki n nanoangaki iai irouia ake a taenikai irouia.

Taian Areru 32:5

I kaoti au bure nakoim, Ao I aki karabai au kairua; I kataua te kaoti taekaia nakoim, ao Ko kab'arai au bure ni kabane.

Te Otinako 3:21

I mwiin, katuaaeaia kaain Aikubita, are a na rangi ni maakuko ao a na anganiko b'aai ni kabane ake ko tangiri. Bon Au aomata ngkami, ao N na bon kariaia b'a kam na uoti b'aai aika a m'aiti ngkana kam kiitana Aikubita.

Taeka n Rabakau 16:7

Ngkana ti kakukureia te UEA ao a na bon kan raoraoniira naba ara kairiribai.

M'akuri 7:10

ao E kamaiua man rawawatana ni kabane; ao E anganna te rabakau ma te aro ae na tatangiraki iai irouni B'arao are uean Aikubita, are E rineia b'a te tia tautaeka i aon Aikubita ma ana utu ni kabaneia.