1.Uea 8:44 - Te B'aib'ara

⁴⁴ Ara UEA, n te tai teuana ao ane Ko na tuangiia am Aomata b'a a na buakaniia aia kairiribai. Ao ane a na rairaki nakon am Tembora ae I a tia ni karaoia i bukim n am Kaawa ae ko rineia, ao ane a na tataro nakoim.

1.Uea 8:44 ပူးပေါင်းရင်းမြစ်များ

2.Tamuera 5:19

Ao e titirakina te UEA Tawita ni kaangai, “N na buakaniia kaain Biritia ke N na aki? Ko na katokanikaiai ke ko na aki? Ao E tuanga Tawita te UEA ni kaangai, “Buaka! N na katokanikaiko.”

2.Tamuera 5:23

E titirakina te UEA Tawita b'a tera ae e na karaoia, ao e kaeka te UEA ni kaangai: Ko na aki buakaniia mai mataia. Naako katobibia mai akuiia ao buakaniia mai buakon taian aroka ake marubere.

1.Uea 8:45

Kaekai aia tataro mai karawa ao anganiia te tokanikai.

2.Rongorongo 18:31

Ma ngaia are, ngke a noora Ieotiab'ata ma niiniirana ni uea ao a taku b'a Aaba, ao a moana buakanakina. Ma e tataro Ieotiab'ata, ao E katokiia tautian Turia te UEA.

2.Rongorongo 20:5

Ao ngke e a bane kaain Iuta ma Ierutarem n roko n ana Tembora te UEA, ao e teirake Ieotiab'ata i matan te katawanang ae e boou

2.Rongorongo 32:20

Ao a bubutiia te UEA Etekia ao te burabeti are Itaia are natin Amoti buokaia,

2.Rongorongo 6:34

N tabetai ane ko na tuangiia am aomata b'a a na buakaniia aia kairiribai. Ao ane a na rairaki am aomata ni kaaitaraa te Tembora aei ae I a tia ni karaoia i bukim n am kaawa ae e rineaki, ao ane a na tataro nakoim.

Taniera 6:10

Ao ngke e ataia Taniera b'a e a tia n tiainaaki te tua arei, ao e a nakoni mwengana. Ao iai wintoon ana auti ae e uki ni kaitaraa Ierutarem. Ao e nako ni katorobubua i matan te winto, ao e tataro nakon te Atua. E tataneiai n tataro tenua te tai n te bongina.

Tani Motiki-taeka 4:6

N te bong teuana, ao e mena B'araka are natin Abinoam te m'aane i Keteti i Nabetari, ao e kanakoa ana taeka Tebora nakoina b'a e na roko ni maroroo ma ngaia. Ao ngke e a roko, ao E taku: Bon iai te rongorongo nakoim mairoun te UEA ae Atuaia Iteraera. Ko na botiia tebwina te nga m'aane man te baronga are Nabetari ao Teburun ao kairiia nakon te Maunga are Tabora.

Tani Motiki-taeka 6:14

Ao E taku te UEA, “Ko na korakora Kiteon, b'a I anganiko te m'aaka ni kamaiuia Iteraera mai rouia kaain Miiria.”

1.Tamuera 15:18

Ngke E kanakoko te UEA n te m'akuri aei, ao E tuangngkami b'a kam na kamaunaia kaain Amareka aika akea bonganaia aikai.

1.Tamuera 15:3

“Naako buakaniia kaain Amareka! Kamaunaia ma aia b'ai ni kabane. Kam na bon aki nanoangaia naba teutana. Tiringiia m'aane, aine, ataei, n reitaki naba ma ake a uarereke. Tiringiia naba aia kao, aia tiibu, aia kamero, ao aia aati.”

1.Tamuera 30:8

Ao e titirakina te UEA Tawita ni kaangai, “N na riai n rimwiia taan kurib'ai? Ao N na kauiaia?” Ao E kaeka ni kaangai, “Naako rimwiia; ko na kauiaia ao ko na kamaiuia taenikai.”