1.Uea 8:43 - Te B'aib'ara

⁴³ Ko na kakauongo mani mwengam i karawa ao kaekai aia tataro. Ane a na bane aomatan te aonnaba n taromauriiko n aroia am Aomata aika Iteraera, ao ane a na ataia b'a I karaoa te Tembora aei i bukin neboakim.

1.Uea 8:43 ပူးပေါင်းရင်းမြစ်များ

1.Uea 18:36

Ao ngke e a bo tain te angakarea n te tairiki, ao e tataro Eria ni kaangai: Ara UEA, Boni ngkoe Atuan Aberaam, Itaaka, ao Iteraera. Ko na kaotia raoi b'a boni ngkoe Atuan te botannaomata aei, ao ngai ae am toro I boni karaoa aei n am babaaire.

1.Uea 8:60

Ao ane a na ataia iai botannaomata ni kabane b'a bon te UEA te Atua ni koaua.

2.Uea 19:19

Ma boni ngkoe ara UEA ao Atuara. Ti bubutiiko b'a ko na kamaiura mairoun uean Aturia. Ao ane a na ataiko iai aomata n taian abanuea ni kabane n te aonnaba ae bon ti ngkoe te Atua.

1.Rongorongo 16:8

Neboa te UEA ao tataro n arana! Tuangiia aomata nako b'aai ake E a tia ni karaoi.

2.Rongorongo 6:33

ao ongora mani mwengam ane i karawa ao kaekai aia tataro. Ao ane a na bane kaain aonnaba n taromauriiko, n ai aron are a karaoia ake bon am aomata aika Iteraera, ao ane a na ataia iai b'a I karaoa te Tembora aei i bukin neboakim.

Taian Areru 102:15

Ane a na maka te UEA botannaomata; a o a na bane uean aonnaba ni maka m'akana.

Taian Areru 22:27

A na bane botannaomata nako i aonnaba n ururinga te UEA; A na bane botannaomata n rairaki nakoina n taromauria.

Taian Areru 33:14

E taraia aomata ni kabaneia ake a maeka i aonnaba man ana tabo are E tekateka iai ngkai te Uea n tii Ngaia.

Taian Areru 67:2

B'a a aonga botannaomata nako n ataa kamaiuan te aba iroum.

Taian Areru 86:9

Ane a na bane n roko ni bobaraaki nako Im botannaomata nako ake Ko a tia ni karikiia; Ane a na kamoamoaa aram.

Itaia 11:9

Akea te kabuanib'ai ae e na konaa n riki i aon ana Maunga ae e tabu te UEA. Aron te ran ngkai ae kaona taari ao ai aron naba te aba b'a e na kaonaki irouia aomata antai ae e ataa ma ni karinea te UEA.

Ieremia 25:29

Ni moa man oin Au kaawa ae Ierutarem, a na bane aomata nako ni karawawataaki n te buaka. Ma ngaia are, bon akea te kawai ae kam na konaa iai biri nako man te kabuanib'ai.”

Te Tua-Kaua 26:15

Ara UEA, Ko na tararikaaki man am Tembora ane i karawa ao kakab'aiaia Iteraera. Ko berita ngkoa nakoia ara bakatibu b'a Ko na anganiira te aba aei ae kaub'aina te miriki ma ana karewe te manibeeru, ao Ko a tia ni kaawakina am Berita.

Iotua 4:23

Tuangiia rongorongon te UEA ngke E kaoraa te Ioretan ni karokoa ti roko raoi ni iterana are teuana, ma arona naba ngke E kaoraa Taari are Uraura i bukira.

Iotua 4:24

E na ataaki m'aakan te UEA ni baikai i rouia kaain aonnaba, ao kam na neboa te UEA ae Atuami n aki toki.”

Te Kaotioti 11:15

Ao e katanga ana bu te anera are te kaitiman; ao b'anaa aika korakora i karawa a kaangai, “Ana b'ai ara Uea ma ara Kristo te m'aaka n tautaeka i aonnaba; ao ane E na uea n aki totoki.”

1.Tamuera 17:46

E na buokai te UEA n te bong aei b'a n na tokanikai i aom. N na oroiko ni kab'akako, ao n na korea atuum ni kanakoa, ao n na anga rab'ataia tautian Biritia ake tekorakina nakoia ma mannikiba ma mannikaakang. Ao e na ataaki n te aonnaba b'a bon te Atua ni koaua Atuaia Iteraera.