1.Uea 8:38 - Te B'aib'ara

³⁸ ao Ko na kakauongo ngkana iai temanna ae e tataro ma nanona n raraoma ni koaua ma baina aika e tabeki nakon am Tembora.

1.Uea 8:38 ပူးပေါင်းရင်းမြစ်များ

1.Uea 8:22

Ao e tei Toromon ni kaaitaraa te baonikarea ao a bane n tei aomata i bukina. Ao i mwiina, e tabeki baina nako karawa

1.Uea 8:37

N taai tabetai, a na m'autakataka taian aroka, ke a na mka, ke a na kanaki irouia rookati ke taian taake, ao ane a na mate ni baki am Aomata. N tabetai ane a na katobibiaki aia kaawa irouia aia kairiribai, ke a na aoraki am Aomata n aoraki aika a kamaamate,

1.Uea 8:39

Ko bon atai b'aai ni kabane inanoia aomata ni kabane. Ma ngaia are, ko na kaekai aia tataro mani mwengam ane i karawa, ni kaineti ma aroni maiuia, ao b'aai ake n aia iango.

2.Rongorongo 6:29

Taiaoka ma ongora nakon temanna mai Iteraera ane e namakinna ni koaua ana bure ao man tataro ma baina aika a tangaina nakon am Tembora.

Iobi 7:11

Eng, I bon aki kona ni kaina wiiu! I bon riai n taetae b'a e rangi ni maraki tamneiu.

Taian Areru 42:11

E aera ngkae e rawaawata nanou? I aera ngkai I aki rau? N na kaantaninga te Atua, ao N na manga neboia: B'a bon au tia kamaiu ao Atuau.

Taian Areru 42:6

E uruaki nanou; Ma ngaia ae I uringko man te maunga ae Oman, Ae te tabo ae e moa mai iai te aba ae Ioretan, Ao man te maunga ae Mitia,

Taian Areru 42:9

I kaangai nakon te Atua ae te tia kamanoai, Ko aera ngkai Ko m'anuokai? I aera ngkai N na teimatoa n rawaawata ni b'ainikirinau iroun te tia ribaai?

Taian Areru 50:15

Kam na weteai n tain te kaangaanga; N na kamaiungkami, ao kam na neboai.

Taian Areru 91:15

Ngkana a weteai, ao N na kaekaia; ngkana a kai nanoia, ao N na mena irouia. N na kamaiuia ma ni kakab'aiaia.

Te Otinako 9:29

E taku Moote nako ina, “N na tabeka baiu ma n tataro nakon te UEA bon n te tai naba are ti otinako man te kaawa aei iai. E na toki te baa ao e na akea riki te karau te aiti, b'a ko aonga n ataia b'a bon ana b'ai te UEA te aonnaba.

Taeka n Rabakau 14:10

Bon akea ae e konaa n ataia raoi b'a m'aitira kukureim ke nanokaawakim.

Itaia 1:15

“E aoria ngkana tao ai iraua ami tataro, N na bon aki kan ongo. Kam a rangi n akiako.

Itaia 37:4

Ti butiiko b'a ko na tataro i bukiia aika a tiku ni maiu. E kanakoa ana mataniwi ni buaka uean Aturia ni kakaewenakoa te Atua. Tao e bon ongo te UEA te b'ai are e taekinna ao E na karaoa te b'ai teuana, ngkana ko tataro.

Ioera 2:17

Tuangiia au taani m'akuri, ibonga, b'a a na tang i nanon te Tembora ma n anga te tataro aei i rarikin te baonikarea:

Nakoaia Ibonga 13:12

Ngkana arona b'a e raka nako te aoraki ma ni kaona rab'atan te aomata mai atuuna nakon waena,

Iona 2:4

I taku b'a I oreaki mai matam, ao I aki manga nora riki am Tembora are e tabu.

I-Rom 7:24

Te aomata ae kananoanga ngai! Ai antai ae na kamaiuai man te rab'ata aei ae uotai nakon te mate?

I-Biribi 4:6

Kam na tai iangoa te b'ai teuana n raraomaeakinna; ma a na kaotaki ami bubuti nakon te Atua ni b'aai ni kabane, n te tataro ni bubuti ae raonaki ma te katituaraoi.