1.Uea 8:35 - Te B'aib'ara

³⁵ Ngkana tao arona b'a a bure am a Aomata nakoim, ao katuaaia n taua te karau b'a e na aki b'aka nakoia. Ao ngkana arona b'a a manga rairaki nakon te Tembora arei ma n tataro n Aram ma ni katoka karaoan te bure,

1.Uea 8:35 ပူးပေါင်းရင်းမြစ်များ

2.Tamuera 24:10

Ao ngke e tia Tawita ni wareki m'aitiia aomata nako, ao e a namakinna b'a e bure iai ao e taku nakon te UEA, “Bon te m'akuri ni baba te b'ai ae I a tia ni karaoia ao bon te m'akuri ae e rangi ni kaairua. Te UEA, taiaoka kab'araa au bure.”

2.Tamuera 24:13

Ao e nako Kata ni kawara Tawita ao e taku: Ko na riai n rinea teuana mai buakon kawai aika e na katuaaeako iai te UEA: e na iai ririki aika itiua te ririki are e na aki anga iai uaana aon te aba nakoia am aomata? Ke a na kakioko am kairiribai b'a ko na biri nako mairouia i nanon tenua te nam'akaina? Ke e na roko tenibong bongin te aoraki ae e kakamaaku i abam? Ko na iangoia n rinea nanom, b'a N na manga anga am kaeka nakon te Atua, are E kanakomaiai.

1.Uea 17:1

Eria bon te burabeti mai Titibe i Kireata. Ao e nakon Aaba n te bong teuana ao e taku, Bon ana Toro te UEA ae E maiu, ae Atuan Iteraera ngai. Ao I tuea n arana b'a e na bon aki b'aka te karau ni karokoa te tai are I a manga taetae iai b'a e na b'aka. Ao a na bon akea naba te aoi ae e na ruo nako aon te tano.

1.Uea 8:33

Ngkana tao arona b'a a bure aomatan Iteraera nakoim, ao i mwiina a manga konaaki irouia aia kairiribai. Ao ngkana arona b'a a roko n te Tembora aei man buubutii kab'araan aia bure,

1.Uea 8:34

ao ongora mani mwengam mai karawa. Kab'arai aia bure ao uotiia rikaaki nakon te aba are Ko anganiia aia bakatibu.

2.Rongorongo 6:24

Ngkana tao arona b'a e karaoa te bure Iteraera nakoim, ao i mwiina, e a manga konaaki irouia aia kairiribai. Ao ngkana a manga nakomai nakon te Tembora aei ni buubutiiko i bukin kab'araan aia bure,

2.Rongorongo 6:26

Ngkana tao arona b'a a bure am aomata nakoim, ao ko katuaaia n taua te karau b'a e na aki b'aka. Ao ngkana a manga katoka karaoan te bure ao a manga tanrikaaki nakon am Tembora man tataro n aram,

Iobi 12:15

E roko te rongo ngkana E taua te karau te Atua; a roko taian ieka ngkana E kanakoi taian ran.

Itaia 5:6

E na onikaki nakon te rereua, e na aki kaitiakaki m'aanga ma aroka aika karib'aa; E na onrake ni kaai aika a kateketeke ao akanta. N na tuangiia taian nang b'a a na aki karokoa te karau.

Itaia 9:13

Ma a bon aki okirikaaki naba Iteraera nakon te UEA ae Moan te M'aaka ma n taromauriia.

Etekiera 14:13

Etekiera ae natin te aomata, ngkana tao e bure nako iu te botannaomata ae e b'anin, ao I katuaaia n urui arokaia ao ni kamateia kaaina b'a a na mate ni baki ma aia man.

Otea 14:1

Iteraera, rairaki! Oki rikaaki nakon te UEA, ae Atuam. E a tia ni kab'akako te bure.

Nakoaia Ibonga 26:19

ni karokoa e baabane raoi ami kamoamoa ni kamanatuaaki. N na aki kab'aka te karau, ao e na riki karawa i aomi b'a kaanga te biti, ao te tano ane i aani waemi b'a kaanga te buraonti.

Akai 1:10

Ao bon anne naba bukina ngkai e aki b'aka te aoi ao e aki reitinako te tai.

Tekaria 14:17

E na bon aki b'aka te karau i aon aban te aomata ane e rawa n nako Ierutarem n taromauria te Uea, te UEA ae Moan te M'aaka.

Maraki 3:10

Bon te UEA Ngai ae Moan te M'aaka, ae I kaewenakoingkami b'a kam na kataai. Uoti mai ni kabane taiani kabwianib'ai nakon te auti n am'arake, b'a e aonga n reke te am'arake n au auti. Ao i mwiina, N na kauki wintoon karawa ma ni kaonrakeingkami n te kab'aia teuana ma teuana.

Ruka 4:25

“Bon te koaua ae I tuangngkami, b'a a m'aiti aine ake a mate buia i aon Iteraera n ana tai Eria, ngke e aki b'aka te karau i nanon tenua te ririki ao onoua nam'akaina, ao e roko te rongo ae korakora i aon te aba ni kabutaa.

I-Rom 10:9

B'a ngkana ko taekina Iesu ni wiim b'a te UEA ao ko onimaki i nanom b'a E a manga uti iroun te Atua mai buakoia maate, ao ko na kamaiuaki.

I-Rom 15:9

ao b'a a aonga n neboa naba te Atua aomata aika tiaki I-Iutaia i bukin arona n nanoanga nakoia, n ai aron are koreaki ni kaangai: “Ma ngaia ae N na karaoiroiko i buakoia Tientaire Ao N na anenea aram.”

Te Tua-Kaua 11:16

Ma kam na tarataraingkami man te kariri b'a e na aki katannakoingkami mairoun te UEA. Ao ngkana kam taromauriia atua riki tabeman,

Te Tua-Kaua 11:17

ao ane na un te UEA, ao E na aki karokoa te karau. Ao ane a na akea te b'ai ae na riki n ami katawanang, ao kam na maunanako man te aba ae e raoiroi ae a tia n anganingkami te UEA.

Te Tua-Kaua 28:12

E na kauka ana Autinib'ai te UEA are i karawa ike E kakaawakina iai te karau, ao E na kab'aka te karau i aon te aba n taai aika riai. E na kanakoraoi b'aai ni kabane aika kam karaoi. A na rangi ni m'aiti ami m'ane are kam na kataarauia iai botannaomata tabeua, ma kam na aki kainanoa te taarau.

Te Kaotioti 11:6

A kona taani kakoaua akekei ni bonota karawa, b'a e na aki b'aka te karau ni karokoa koron aia bong n taetae ni burabeti; ao iai m'aakaia i aon raan, ni kona n oniki b'a raraa; ao iai naba m'akaia ni karokoi b'aai ni kamamate ni kaokioki n ai aron takun nanoia.