1.Uea 8:32 - Te B'aib'ara

³² Ko na ongora mai karawa ao karaoa am babaaire i aoia b'a antai ae e bure. Ao Ko na katuaaea te tia bure ao ni kainaomata teuare akea ana bure.

1.Uea 8:32 ပူးပေါင်းရင်းမြစ်များ

2.Tamuera 22:21

Ko karaoa ae e raoiroi nako iu, te UEA i bukina ngke I karaoa ae raoiroi, Ko anganai kaniwangau i bukina ngke bon akea au bure.

1.Uea 2:32

E tiringiia m'aane aika akea aia bure n te aro ae e aki ataaki iroun tamau. A raoiroi riki m'aane aikai nakon Ioaba.

1.Uea 2:33

A teimatoa n tekebuaka ana utu Ioaba i bukin ana m'akuri are e a tia ni karaoia, ma E na kakab'aia ana utu Tawita n taainako, ao e na waaki ueana i nanon te rau.”

Etita 9:25

Ma e nako Nei Etita ni kawara te uea, ao te uea e katanoataa ana taeka are e na karawaawataaki iai Aaman i bukin ana babaaire nakoia I-Iutaia, ao e tiringaki ma natina m'aane ni kabaeaki roroaia i aon te kainikabaeroroa.

Taian Areru 18:25

Ko kakoroi bukin am Taeka nakoia akana kakaonimaki nakoim; ao nakoia akana moan te raoiroi b'a moan te raoiroi naba Ngkoe.

Taian Areru 7:9

Bon te Atua ae ko raoiroi ngkoe ae ko motiki taekan ara iango ma nanora. Katoki aia m'akuri aomata aika buakaka ao kakab'aiaia akana a kaakaraoa ae e raoiroi.

Te Otinako 23:7

Kam na aki anga te tuua ae e kairua nakoia aomata nako ke n anga motikan te aomata ae akea ana bure b'a e na tiringaki. N na bon aki kab'araa ami bure ngkana kam karaoa aei.

Te Otinako 34:7

I kakaawakina au berita nakoia au aomata n aki toki, ma I katuaaia aomata nako aika a bure. Ngkana a bure aomata, I katuaaia ma natiia, ao tibuia naba ma tibutoruia, ao tibutarataraia.”

Taeka n Rabakau 1:31

“Ngkai kam nang boni kana uaan te b'ai ae kam a tia ni karaoia ni karokoa te tai are kam a onrake n te b'ai ae kam a tia ni baaireia.

Taeka n Rabakau 17:15

E aki tangiria aika a kamaiuia taani bure te UEA ke ni kabuakakaia aika akea aia bure.

Itaia 45:25

Bon te UEA Ngai, ae e na anga te tokanikai ao te karineaki nakoia Iteraera.”

Etekiera 18:13

ao e anaa te bakao ae e buubura ngkana e kataarau n te m'ane. Te mm'aane ae e buakaka n aron anne e na bon aki maiu. Bon ngaia ae e karaoi buure aika a kakamaaku aikai, ma ngaia are, akea ae e bure nakoina.

Etekiera 18:20

Bon ti aika a bure aika a na tiringaki. A na aki karawaawataaki naati i bukin aia bure aia karo, ao kaaro a na aki karawawataaki i bukin aia bure natiia. A na bon riai n anganaki kaniwangaia aomata aika a raoiroi i bukin te b'ai are e a karaoia, ao aomata aika a buakaka a na katuaaeaki i bukin te b'ai are a karaoia.

Etekiera 18:30

N na motikitaekami n tatabemaningkami nako ni kaineti ma te b'ai are kam a tia ni karaoia. Ma ngaia ae kam riai ni katoka karaoan ae e bure, b'a kam kaawa ni bon katuaaeaki.

Etekiera 9:10

Ma ngaia ae N na aki nanoangaiia ke ni kab'araa aia bure. A na riai ni katuaaeaki i bukin te b'ai ae a tia ni karaoia.”

Warekaia Iteraera 5:27

Ngkana arona b'a e a bon tia ni bure te ainenum'a, ao e na waekoa ni m'akuri te ran anne ni karikia b'a te aine ae tekebuaka i buakoia ana botannaomata.

I-Rom 2:13

B'a tiaki akana ongora n te Tua ae e na reke i rouia te reitaki ae e raoiroi ma te Atua, ma e na reke irouia akana ira nanon te Tua.

I-Rom 7:9

I maiu ngkoa ngke akea te Tua; ma ngke e roko ana Taeka te Atua n te Tua, ao e a manga uti te bure,

Te Tua-Kaua 25:1

Ngkana ko i bukibuki ma te aomata temanna n te bowi, ao ko kuneaki irouia taani moti b'a ko reke n te bure, ao ngkana tuuam te kataereaki n te kainikataere, ao e na tuangko temanna te tia moti b'a ko na wene, ao ko na anganaki kaim n aron are e bon riai n reke iroum.

1.Tamuera 2:25

Ngkana kam kaikoaka te aomata temanna, ao E kona te Atua ni manga kaeti b'aai i marenami ni kauoman. Ma ngkana kam karaoa te bure nakon te UEA, ao bon akea ae kona ni buokingkami!” Ma te UEA e a kaman iangoi tiringakiia. Ngaiare e kamatoai nanoia n aki kan ongo b'anaan tamaia.