1.Uea 8:27 - Te B'aib'ara

²⁷ E aki tau karawa i bukin nnen ni maeka te UEA ae te Atua. Ao Ko nang kanga riki ni maeka n te aonnaba i nanon te Tembora ae I karaoia?

1.Uea 8:27 ပူးပေါင်းရင်းမြစ်များ

2.Rongorongo 2:5

E na riki b'a te Tembora ae moan te kakannato, i bukina ngke E kakannato riki Atuara nakoia anti ake tabem'aang.

2.Rongorongo 2:6

Bon akea temanna ae e konaa ni karaoa te Tembora ae e tau buburana i bukin te Atua, a rangi ni uarereke naba taiani karawa b'a nnena ni maeka! Ti te b'ai ae I konaa ni karaoia bon ti te tabo are ti na konaa n anga taiani karea iai nako ina.

2.Rongorongo 6:18

E bon aki tau buuburan karawa i bukim, te UEA ae te Atua. Ao ko nang kangaa riki ni maeka n te aonnaba n te Tembora ae I a tia ni karaoia aei?

Taian Areru 113:4

E tautaeka te UEA i aoia botannaomata nako; e mena mimitongina i etani karawa.

Taian Areru 148:4

Ngkami karawa akana kabanea n ririeta, kam na kamoamoaa, Ao ngkami naba raan akana i etani karawa.

Taian Areru 68:33

are buti i aoni baona i karawa, are te karawa ngkoangkoa. Ongora ni b'anaana, ae te b'ana ae korakora.

Itaia 66:1

E taku te UEA: Au kaintokanuea karawa ao nnen katokaniwaeu aonnaba. Tera te aekaki n auti ae ko na karaoia ibuku? E nga te tabo ae N na motirawa iai?

Ieremia 23:24

i karawa ao i aon te aonnaba. Bon akea taabo aika a raba aika kam na konaa ni karabaingkami mairou.

Ioane 1:14

E riki n aomata te Taeka, ao E maeka i buakora. E on n te akoi ma te koaua, ao ti nora mimitongina, are mimitongina n arona b'a ti Ngaia Natin te Atua.

M'akuri 17:24

Te Atua, are karaoa aonnaba ma b'aai ni kabane aika i nanona, bon Ueani karawa ma aon te aba, ao E aki maeka n taabo n taromauri aika karaoaki ni baiia aomata.

2.I-Korinto 12:2

I ata te aomata ae onimakina Kristo ae uotaki rake nakon te katenua ni karawa, tengauni ma a ririki n nako. E uotaki rake ngke tao e mena n rab'atana, I aki ataia; ke ngke tao e aki, I aki ataia naba; ma E ataia te Atua.

2.I-Korinto 6:16

Ao tera reitakin ana um'antabu te Atua ma bouannanti? B'a ngaira bon ana um'antabu te Atua ae maiu, n ai aron ana taeka te Atua are kangai: “N na mamaeka i buakoia ao N na nakonako i buakoia; N na riki b'a Atuaia, ao a na riki b'a au aomata.”

Te Tua-Kaua 10:14

Ana b'ai te UEA ae Atuami b'aai ni kabane, tiaki ti Ana b'ai te aonnaba ma kanoana ni kabane, ma bon Ana b'ai naba eta ma taiani karawa ake kabanea n rietaata.

1.Ioane 3:1

Nora aroni m'aitin te tangira are E tangirira iai te Atua, b'a ti aonga n atongaki b'a natin te Atua: ao bon natina ngaira. Ma ngaia ae a aki ataira kaain aon te aba, i bukina b'a a aki ata te Atua.