1.Uea 8:24 - Te B'aib'ara

²⁴ Bon am Toro tamau are Tawita, ao n te bong aei Ko a tia ni kakoroa bukin am Berita are Ko karaoia nakoina.

1.Uea 8:24 ပူးပေါင်းရင်းမြစ်များ

2.Tamuera 7:12

N na rinea temanna mai buakoia natim m'aane b'a e na uea ngkana ko a roko n tokin maium ma n taunaki n ruanimateia am bakatibu. N na karikia b'a te tia tautaeka ae e korakora,

2.Tamuera 7:16

N na kakoauaa raoi b'a e na uea n taai nako temanna mai buakoia am kariki.

1.Uea 8:15

Ao e taku: Neboa te UEA ae Atuan Iteraera. E kaotinakoia ana Aomata man te aba are Aikubita n taai ake ngkoa. Ao i mwiina riki, E kakoroa bukin ana Berita ni karika tamau are Tawita b'a uean Iteraera. Ao e taku naba te UEA b'a E tuai n rinea te kaawa are e na karaoaki iai te tembora.

1.Uea 8:23

ao e tataro ni kaangai: Te UEA ae Atuan Iteraera, bon akea atuani karawa ke aonnaba ae ai arom. Ko aki konaa ni m'aninga am Berita are Ko a tia ni karaoia ma am Aomata, ao ko kakaonimaki nakoia ni kabane aika a kakaonimaki nakon am Reirei nako.

1.Uea 8:25

Te UEA ae Atuan Iteraera, Ko berita nakon tamau i aon Iteraera b'a e na uea n taai nako temanna man ana kariki tamau i aon Iteraera ngkana a teimatoa n ongotaeka nakoim n aron are e karaoia tamau.

Taian Areru 138:2

I bobaraaki ni kaitaraa am Auti are te Tembora are Tabu, ao I neboa Aram i bukin am Tangira ae akea tokina ma am Kakaonimaki, Ao i bukina b'a Ko a tia ni kaotia ae e moamoa riki Aram ma am Taeka nakoni b'aai ni kabane.

Iotua 21:45

E kakoroi bukin ana taeka te UEA ni kabane n aron are E a tia ni berita iai nakoia aomatan Iteraera.

Tani Motiki-taeka 13:11

Ao e airi Manoa ma buuna ao e titirakina te m'aane arei ni kaangai, Boni ngkoe te aomata are e taetae ma buu? Ao e taku teuarei, Eng, boni ngai.