1.Uea 8:20 - Te B'aib'ara

²⁰ “Ao ngkai, E a tia ni kakoroa bukin ana Berita te UEA ae N na riki b'a uean Iteraera n aron tamau, ao I a tia ni karaoa te Tembora i bukin te UEA ae Atuara.

1.Uea 8:20 ပူးပေါင်းရင်းမြစ်များ

2.Tamuera 7:12

N na rinea temanna mai buakoia natim m'aane b'a e na uea ngkana ko a roko n tokin maium ma n taunaki n ruanimateia am bakatibu. N na karikia b'a te tia tautaeka ae e korakora,

1.Uea 1:48

ao e tataro ni kaangai, “I neboiko Atuan Iteraera. Ko a tia ni karika natiu ae Toromon b'a te uea ao ko kateimatoa maiu b'a N na kauia.”

1.Uea 8:15

Ao e taku: Neboa te UEA ae Atuan Iteraera. E kaotinakoia ana Aomata man te aba are Aikubita n taai ake ngkoa. Ao i mwiina riki, E kakoroa bukin ana Berita ni karika tamau are Tawita b'a uean Iteraera. Ao e taku naba te UEA b'a E tuai n rinea te kaawa are e na karaoaki iai te tembora.

Neemia 9:8

Ko karaoa am boraraoi b'a Ko na anga abaia kaain Kanaan ao kaain Eta, kaain Ammon ao Beritaite, ao kaain Iebuti ao kaain Kirekata nakoia ana kariki i bukina ngke e kakaonimaki Ao ngkai, Ko a tia ni kakoroa bukin am berita n aron are Ko boni kaakaraoia.

Taian Areru 138:2

I bobaraaki ni kaitaraa am Auti are te Tembora are Tabu, ao I neboa Aram i bukin am Tangira ae akea tokina ma am Kakaonimaki, Ao i bukina b'a Ko a tia ni kaotia ae e moamoa riki Aram ma am Taeka nakoni b'aai ni kabane.

Itaia 9:7

E na aki tootoki m'aakana; e na akea tokin te raoi. E na tautaeka n abanuean Tawita ao e na kakorakoraa. E na tautaeka n taai nako ma te raoiroi ao te eti. E na bon kakoaua raoi te UEA ae Moan te M'aaka b'a a na koro nanon baikai.

Etekiera 12:25

N na anganiia au rongorongo, ao e na bon riki te b'ai ae I taekinna. Kam na kauringiia taan kamangao akanne b'a e a roko te tai are a na katuaaeaki iai. Boni Ngai ae te UEA ae I karaoa te berita aei.

Etekiera 37:14

E na anganingkami Tamneiu te ikeike, ao kam na manga maiu. N na kaokingkami nakon mwengami, ao kam na ataia iai b'a I kaawakina Au berita. Bon aei Au taeka Ngai ae te UEA.

Mika 7:20

Ko na kaota Am kakaonimaki ao Am tangira ae e teimatoa nakoia Am aomata, aika kanoaia Aberaam ao Iakob'a, n ai aron are Ko berita iai ngkoa nakoia ara bakatibu.

M'akuri 7:47

Ma Toromon ae katea nena ni maeka.

I-Rom 4:21

ma nanona ae koaua raoi b'a E na boni kakoroa bukin ana taeka n akoi te Atua.

I-Biribi 1:6

ao I koaua raoi n aei, b'a Teuare moana te m'akuri ae e raoiroi i nanomi, E na boni wakina karaoana ni karokoa ae e tia n ana bong Kristo Iesu.

Iotua 21:45

E kakoroi bukin ana taeka te UEA ni kabane n aron are E a tia ni berita iai nakoia aomatan Iteraera.