1.Uea 8:11 - Te B'aib'ara

¹¹ E mena mimitongin te UEA i nanon te nang, ao e rangi n raneanea ootana n te aro are a aki konaa n tiku ni maan ibonga i nanona ni karaoa aia m'akuri.

1.Uea 8:11 ပူးပေါင်းရင်းမြစ်များ

1.Uea 8:10

Ao e karina ni kaonaki nanon te Tembora n te nang ngke a kiitana te tabo are Moan te Tabu taiani ibonga.

1.Uea 8:12

Ao e tataro Toromon: “Ara UEA. Ko taku b'a ko na maeka n te nang ae roo.

2.Rongorongo 5:14

E mena mimitongin te UEA i nanon te nang arei, ao e rangi n raaitiiti te oota ae e nako mai iai n te aro are a aki konaa n tiku ibonga i nanon te Tembora ni karaoa aia m'akuri.

Taian Areru 90:16

Kariaira, ngaira aika am Toro ma natira, B'a ti na noori am M'akuri aika kamimii aika Ko karaoi.

Te Otinako 29:43

i aon te baonikarea are ni mataroan te Um'antabunrianna. Kaain Iteraera, N na manga kaitibo ma n taetae ma ngkami ikekei, ao e na riki n tabu te tabo anne n ootan mimitongiu.

Te Otinako 40:34

Ao i mwiina ao e a rabuna te Um'antabunrianna ike E memena iai te UEA n te nang, ao e kaona nanona raaititin te UEA.

Te Otinako 40:35

Ao e aki konaa n rin nako Moote nako nanon te Um'antabunrianna i bukin aei.

Itaia 6:1

N te ririki are e mate iai te uea are Utia, ao I noora te kaotioti i bukin te UEA. E tekateka i aon te kaintokanuea i eta, ao e kaona nanon te Tembora niiniirana.

Etekiera 10:4

ao e m'ananga nako mimitongin te UEA mai aoia maan ake iai baiia ni kiba ao a tei ni mataroan te Tembora. Ao e kaonaki te Tembora ni kabane ni mimitongina, ao e raitiiti n raneanea katawanangin te Tembora.

Etekiera 43:2

ike I a noora iai raneanean mimitongin Atuaia Iteraera, ae e roko mai mainiku. Ti te bo korakoran te tang are I ongo ma rurungaan naoni marawa, ao a bane n raneanea b'aai nako ake i rarikina n raitiitin ootan mimitongina.

Etekiera 44:4

Ao i mwiina, e kairai nakon te mataroa are mai meaang nako matan te Tembora. I nooria b'a e on te Tembora n raneanean mimitongin te UEA, ao I kawaekoai ni bobaraaki ni kaboa matau ma aontano.

Nakoaia Ibonga 9:23

Ao a kaai n nako Moote ma Aaron nakon ana Um'antabunrianna te UEA ae e meemena iai, ao ngke a otinako, a kakab'aiaia aomata, ao e kaoti ootan mimitongin rokon te UEA nakoia aomata ni kabane.

Nakoaia Ibonga 9:6

E taku Moote, “E mwiokoingkami te UEA b'a kam na karaoi b'aai aikai ni kabane, b'a E aonga ni konaa ni kaota ootan mimitongina nako imi.”

Akai 2:7

N na ioioa taiani botannaomata, ao a na uoti kaub'aia nako ikai. Ao ane e na kaona te Tembora raneanean mimitongiu.

Ioane 1:14

E riki n aomata te Taeka, ao E maeka i buakora. E on n te akoi ma te koaua, ao ti nora mimitongina, are mimitongina n arona b'a ti Ngaia Natin te Atua.

M'akuri 7:55

Ma e on n te Tamnei are Raoiroi Tetebano, ao e kanene matana n tara karawa. E nora mimitongin te Atua, ma Iesu b'a E tei i angaatain te Atua;

I-Rom 9:4

ake Iteraera, ake a tabekaki iroun te Atua b'a natina, ake E kaota mimitongina nakoia, ao E karaoi taiani boraraoi ma ngaiia; E anganiia te Tua, ao e reke i rouia te aro n taromauri ni koaua, ma taeka n akoi,

2.I-Korinto 3:18

Ao ngaira ni bane ma matara aika aki rabunaki, aika ti nora mimitongin te UEA kanga n te tirotaam, ti tabe n onikaki nakoni katotongana man te mimitong teuana nakon teuana; ao e riki aei mairoun te UEA ae te Tamnei.

2.I-Korinto 4:6

B'a bon te Atua, are kangai, “E na oota te oota mai buakon te roo!” Bon te Atua naba aei are kaota ana oota i nanora, b'a ti na ata mimitongin te Atua b'a e oota man ubun Iesu.

Te Kaotioti 21:11

ao raneaneana ai aron raneanean te atibu ae rangi ni kakawaki; kaanga ai aron te atibu are te iatebi, ae tara ni kiraati n ai aron te kirutitaro.

Te Kaotioti 21:23

E aki kainanoa taai ke nam'akaina te kaawa arei i bukin ootana; b'a ootana boni mimitongin te Atua, ao taurana bon te Tiibuteteei.