1.Uea 7:29 - Te B'aib'ara

²⁹ A katamaroaaki taiani buraonti ake a raababa akekei ni bannaia raian, kaom'aane, ao b'aai ake iai baiia ni kiba.

1.Uea 7:29 ပူးပေါင်းရင်းမြစ်များ

Karikani B'aai 3:24

Ao i mwiina, i mainikun te nne n aroka E katikui baike a maiu aika iai baiia ni kiba ma te kabaang ae e uram'aaka i rouia, ao a uaatimaniia te tabo arei ni kabutaa n totokoia aomata ake a na kaaniia te kai are e anga te maiu.

1.Uea 6:27

Ao e kaai ni katikuia Toromon n te tabo are Moan te Tabu. A taakin baiia ni kiba ni kabutaa nanon te ru arei.

1.Uea 7:25

E toka te boora arei i aon 12 katotongan taian kaom'aane. Ao a kaaitaraa mainiku, maiaki, meang, ao maeao kakateniman mai buakoia.

1.Uea 7:28

Ao e karaoi rarikiia aika buraonti aika a raababa aika a kai mataniwiiaki, ao a katamaroaaki ni bannan taiani uee.

1.Uea 7:30

Iai wiran nangoa akekei aika kakaaeai n tatabeua nako ao kakateuana naba kanoaia ni katoai wiirana, ao a minomino naba i aona, ao teina ae e mronron ae 65 te tientemiita buburana ae e kamatoaaki ni buraonti aika aua aika kaka 45 te tientemiita rietaataia.

Te Otinako 25:18

Ko na karaoi uoman baika iai baiia ni kiba aika koora ake amanaki.

Te Otinako 37:7

E karaoi baike a maiu aika iai baiia ni kiba aika uaai aika koora

Etekiera 1:10

Maan akekei iai ubuia n tatabemaniia ae kaanga ubun te aomata mai moana, ubun te raian n iterana are te angaatai, ubun te kaom'aane man te maing, ao ubun te ikare mai buki.

Etekiera 10:14

Iai aua ubuia n tatabemaniia nako maan ake iai baiia ni kiba akekei, ubun te kaom'aane, ubun te aomata, ubun te raian, ao ubun te ikare.

Otea 5:14

Ma ngaia are, N na riki b'a te raian ae e tiritiri ni buakana Iteraera ao Iuta. N na buribaiia ma n uota nako te b'ai ae I tangiria, ao bon akea temanna ae e konaa ni katokai.

Ebera 9:5

Ao a mena i aon te ati ni boraraoi kerubim aika mimitong, ma baiia ni kiba aika taangaki nako n rabuna aon te ne ni kab'ara buure. Ma tiaki taiia ngkai ni kabaneaki raoi aroia ni kab'arab'araaki.

1.Betero 2:5

Ao ngkami naba kanga ai aron atibu aika maiu aika kabonganaki i bukini katean te Tembora n tamnei, ike kam na m'akuri iai b'a ibonga aika ana aomata te Atua, n anga karea n tamnei iroun Iesu Kristo.

Te Kaotioti 5:5

Ao e kaangai temanna mai buakoia unimm'aane akekei nako iu, “Tai tang; noria, E tokanikai te Raian are riki man te baronga are Iuta: te Raian aei boni kanoan ana kariki Tawita, ao E kona n urui kanim ake kanikina ake itiua ake e kanim'aki iai te niira ni boki.”