1.Uea 7:26 - Te B'aib'ara

²⁶ Matenin te boora bon 10 te tientemiita, ao mataniwiina kaanga baan te uee aika a b'aoua nako tinaniku. M'aitin kanoan te boora bon 50,000 te riita.

1.Uea 7:26 ပူးပေါင်းရင်းမြစ်များ

1.Uea 6:18

Ao a rinan rain oon nanona aika kaai aika tiira b'a a karabaaki taian atiibu, ao a katamaroaaki taian tiira n taiani korotamnei aika a nib'aaki i aoni kaai aika taamnein taian aroka ma taiani uee.

1.Uea 6:32

ao maan ake iai baiia ni kiba. A kabiraki mataroa ma taiani katoto akekei n te koora. Ao a kakang tabon kain mataroa akekei ake mai eta.

1.Uea 6:35

A kabiraki taiani mataroa n te koora ao a katamaroaaki ni katotongan taiani baam, uee, ao maan aika iai baiia ni kiba.

1.Uea 7:19

Rietaatan b'aran tabon bouan taiani kaman bon 2 te miita ao kaanga taraan taiani kiebu.

1.Uea 7:25

E toka te boora arei i aon 12 katotongan taian kaom'aane. Ao a kaaitaraa mainiku, maiaki, meang, ao maeao kakateniman mai buakoia.

1.Uea 7:27

Ao e karaoi taian nangoa aika a konaa ni kabuubutaki Iram aika taiani buraonti aika uoua te miita rietaataia, uoua te miita ab'akiia, ao uoua te miita rababaia.

1.Uea 7:38

Ao e karaoi naba tebwina boora aika a uarereke riki nakon are e buubura Iram, teuana i bukin teuana te nangoa. Bon uoua te miita buburan boora akekei n tatabeua nako, ao a konaa ni kanoaaki n te m'aiti ae 100 te riita.

2.Rongorongo 4:5

Matenin te boora arei bon itibwi ma nimaua te mirimiita, ao mataniwiina kaanga tein te m'angko ae katotongan baan te uee. E konaa ni nneaki i nanon te boora arei onobwi te ngaa te riita.

Te Otinako 25:25

ao mangeena ae itibwi ma nimaua te mirimiita raababana.

Ieremia 52:21

A rangi n ab'ab'aki boua akekei b'a e nakon wanua te miita ab'akiia ao nimaua te miita mronroniia n teaina. A b'angab'anga nanoia, ma e nakon itibwi ma nimaua te mirimiita matenin te buraati.

Etekiera 45:11

E na b'ainaki te eba b'a te kainibaaire i bukin te m'aau, ao te bate b'a te kainibaaire i bukin te ran. Ao e na booraoi kanoaia ma oma oma, ae e booraoi ma tebwiina eba ke 10 te bate.

Etekiera 45:14

A na riai naba n uota teuana te katebubua aia b'aa n oriwa. A na baaireaki baikai n te bate, ao 10 te bate ti te bo ma teuana te oma ke teuana kore.