1.Uea 7:21 - Te B'aib'ara

²¹ Ao e karaoi uoua te boua Iram b'a teaina n iteran mataroan te Tembora are teuana, ao teaina n iterana are teuana. E aranaki te boua are n iterana mai maiaki b'a Iakin, ao aran are teuana n iterana are mai meang boni Boaati.

1.Uea 7:21 ပူးပေါင်းရင်းမြစ်များ

2.Tamuera 7:12

N na rinea temanna mai buakoia natim m'aane b'a e na uea ngkana ko a roko n tokin maium ma n taunaki n ruanimateia am bakatibu. N na karikia b'a te tia tautaeka ae e korakora,

1.Uea 6:3

Ao e buta matan te Tembora n te b'aranta ae 5 te miita ab'akiia man te Tembora nako tinaniku.

1.Uea 7:12

A karaoaki oon nako nanoaan te bareti man atiibu aika tennatao, ao teataona te kai ae e ab'ab'aki ae te tiira, kaanga ai aron taiani kaman ake mai moa, ao nanon te oo are i nanon te Tembora.

1.Uea 7:22

Ao i tabon taiani boua boni b'araia aika ai aroni kiebu. Ao ikai are e a bane iai m'akurian taiani boua.

2.Rongorongo 3:17

E katuka te boua are teaina Toromon i maiakin mataroan te kawai nakon te Tembora. Ao e aranaki b'a Iakin. E katukaki are teaina i meangin te kawai n rin, ao e aranaki b'a Boati.

2.Rongorongo 4:13

abubua taiani bamkuranete i bukin tamnein taian tiein,

Itaia 45:24

A na kakoaua b'a bon ti te Atua Ngai ae I karokoa te kaetitaeka ae eti. Ane e un ma ngai e na bon rangi ni kamaamaaeaki ao e na rairaki nako iu.

Itaia 9:7

E na aki tootoki m'aakana; e na akea tokin te raoi. E na tautaeka n abanuean Tawita ao e na kakorakoraa. E na tautaeka n taai nako ma te raoiroi ao te eti. E na bon kakoaua raoi te UEA ae Moan te M'aaka b'a a na koro nanon baikai.

Mataio 16:18

Ao I taku nako im, b'a Betero ngkoe, ao N na katea au ekaretia i aon te b'aa aei; ao e na aki kona n ekianako m'aakan te mate.

I-Karatia 2:9

ao Iakobo, ma Keeb'a, ma Ioane, ake a atoatongaki b'a boua, ngke a ata ae E anganai te Atua te mwiokoaki aei, ao a anganai ma B'arenaba angaataia, ao ti iobai ma ngaiia, b'a kaotan aroaro n iraorao ni mwiokoara, ngaira nakoia aomata aika tiaki I-Iutaia, ao ngaiia nakoia I-Iutaia.

Te Kaotioti 3:12

Ane tokanikai, ao N na karaoia b'a bouan ana Tembora Atuau, ao e na bon aki kona n oti nako mai iai; ao N na korea aran ana kaawa Atuau i aona, ao N na korea naba arau ae boou i aona.

Ruuta 2:19

Ao e taku Naomi nakoina, “Ko karemrem ia n te bong aei? Ao antai ana tawaana ae ko m'akuri iai? Ke e kakab'aiaki iroun te UEA te aomata are e a tia ni m'annanoiko.” Ma ngaia are, Ruuta e tuanga Naomi b'a e m'akuri n ana tawaana Boaati.