1.Uea 7:15 - Te B'aib'ara

¹⁵ Ao e karaoi uoua te boua Iram man te buraonti aika m'aane te miita ab'akiia ao e kaaniia uoua te miita buburaia.

1.Uea 7:15 ပူးပေါင်းရင်းမြစ်များ

1.Uea 7:16

Ao e karaoi b'aran tabon taiani boua ake mai eta aika uoua te miita rietaataia aika taiani buraonti.

1.Uea 7:21

Ao e karaoi uoua te boua Iram b'a teaina n iteran mataroan te Tembora are teuana, ao teaina n iterana are teuana. E aranaki te boua are n iterana mai maiaki b'a Iakin, ao aran are teuana n iterana are mai meang boni Boaati.

1.Uea 7:41

Uaai boua, uoua b'aran taboni boua aika tein te boora; uoua bannan taian tiein i aon taiani b'ara;

2.Uea 25:13

A anai taian boua buraati ake uoua ake a tei i matan te Tembora tautian B'aburon, ma taiani kaintei buraati ake a buubuti, ao te boora are e buubura are te buraati are e aranaki b'a Taari, a kamaerikirikii n te aro are a na konaa iai ni uotia nako te buraati nako B'aburon.

1.Rongorongo 18:8

A m'aiti naba taiani buraati ake e anai man te kaawa are Tib'ata ao Kun, are ana b'ai ngkoa Ataretera. Rimwi riki, e a kamanenai buraati aikai Toromon ni karaoa iai te boora are e rangi ni buubura are e aranaki b'a Taari, ao ni karaoi naba iai taiani boua ma b'ain nako nanon te Tembora iai.

Ieremia 27:19

Ao te uea are Nebukaneta ngke e uota nako uean Iuta, Ieoiakin are natin Ieoiakim te mm'aane, ao mm'aane ni kabane ake taani kairiiri mai Iuta ao Ierutarem nako B'aburon,

Ieremia 52:13

E kabuoka Ana Tembora te UEA, ao ana bareti te uea, ao auti ni kabane aika a kakannato i nanon te kaawa.

Ieremia 52:17

A urui taian boua ake taian buraati kaain B'aburon ao taiani kaintei ake a buubuti ake a mena n te Tembora, n reitaki naba ma te boora are e buubura are e aranaki b'a Taari, ao a uoti taiani buraonti ni kabane nako B'aburon.

Ieremia 52:21

A rangi n ab'ab'aki boua akekei b'a e nakon wanua te miita ab'akiia ao nimaua te miita mronroniia n teaina. A b'angab'anga nanoia, ma e nakon itibwi ma nimaua te mirimiita matenin te buraati.

Etekiera 40:49

Buuburan te kaman n ti ngaia bon tebwiina te miita ab'akina ao onoua te miita rababana, ma taiani kaintam'arake aika a waerake nako iai. Bon kakateaina te boua n iteran taian kaintam'arake ake uoua.