1.Uea 6:38 - Te B'aib'ara

³⁸ Itiua te ririki i mwiina ao e a bane aia m'akuri ni kateitei taani m'akuri n te nam'akaina are Bure, are te kawanua n nam'akaina n te ririki. E waakinaki karaoana n aron tamneina are e a tia ni baaireaki.

1.Uea 6:38 ပူးပေါင်းရင်းမြစ်များ

1.Uea 6:1

A moana waakinan te Tembora ana taani m'akuri Toromon i nanon te nam'akaina are Tibi, are te kauoua n nam'akaina n te ririki. E a tia ni koro aua ana ririki ni uea Toromon i aon Iteraera, ao ai 480 te ririki i mwiin kitanan Aikubita irouia Iteraera.

1.Uea 6:14

Ma ngaia are, e a tia karaoan te Tembora irouia ana taani m'akuri Toromon.

1.Uea 6:37

E moanaki te m'akuri i nanon te nam'akaina are Tibi, are te kauoua n nam'akaina n te ririki, aua te ririki i mwiin rikin Toromon b'a uean Iteraera.

1.Uea 6:9

E karaoaki taubukin te Tembora man taiani kai aika a anaanau ao n raababa, ao kairababa man te kai ae te tiira. E a bane m'akurian tinanikun te Tembora irouia taani m'akuri.

1.Uea 7:1

E karaoaki ana bareti Toromon i nanon 13 te ririki.

1.Uea 9:10

E bane 20 te ririki i bukin karaoan ana Tembora te UEA ma ana bareti Toromon.

1.Rongorongo 28:19

Ao e taku Tawita nakon Toromon: E kaota nako iu te UEA aron karaoan te Tembora.

1.Rongorongo 28:20

Ma ko riai ni kakoaua b'a a na karaoaki b'aai ni kabane n aron taian tamnei aikai. Ko na korakora ao ko na aki maaku n te b'ai teuana ke ni b'arannano. E na buokiko te UEA ae Atuau ni b'aai ni kabane akana a tangiraki i bukin katiaan te Tembora, b'a e aonga ni konaa ni kamanenaaki i bukin taromauriana.

2.Rongorongo 8:1

E kabanea 20 te ririki i bukin katean ana Tembora te UEA ma katean ana bareti Toromon.

2.Rongorongo 8:16

A bane raoi b'aai ni kabane ake e iangoi Toromon b'a e na karaoi-ni moa man kawenean aan te Tembora ni karokoa banena.

Etira 5:11

A taku b'a ngaiia bon ana toro te Atua ae e tautaekana karawa ao aonnaba. Ao a taku b'a a manga karaoa te Tembora are e a bon tia ni karaoaki n ririki ake a b'akanako iroun uean Iteraera temanna ae e rangi ni kakannato.

Te Otinako 39:32

Ao e a tia raoi te m'akuri i aon Ana Um'antabunrianna te UEA. A karaoi b'aai ni kabane Iteraera n aron are E a tia te UEA ni mwiokoa iai Moote.

Te Otinako 39:42

Ao a tia ni karaoi m'akuri ni kabane Iteraera n aron are E mwiokoaki iai Moote iroun te UEA.

Te Otinako 39:43

Ao e tuoi b'aai nako Moote, ao e nooria b'a a tia ni karaoi n aron Ana mwioko te UEA. Ma ngaia are, E a taetae ni kakab'aiaia Moote.

Tekaria 4:9

Ao e kawenea aan te Tembora Terub'abera, ao e na katiaa raoi. Ao ane a na ataia iai aomata b'a I kanakoko, Ngai ae te UEA ae Moan te M'aaka.

Ioane 2:20

A taku ngkanne I-Iutaia, “Angauni ma ono ririki ana ririki te Tembora aei ni kateaki, ao Ngkoe Ko nang kateia n ti tenibong?”